ວິຊາການ ອາວຸໂສ ບັນຊີ

ກຸ່ມບໍລິສັດ ທີເຄ ກຣຸບ ຈຳກັດ ໄດ້ຮັບການສ້າງຕັ້ງ ແລະ ເຄື່ອນໄຫວມາແຕ່ປີ 2005. ເຊິ່ງ ດຳເນີນທຸລະກິດຫຼາຍ ຂະແໜງການທີ່ແຕກຕ່າງກັນລວມມີ: ໃຫ້ບໍລິການ ແລະ ສະໜອງອຸປະກອນດ້ານລະບົບໄອທີ, ລະບົບຮັກສາຄວາມປອດໄພໃນສໍານັກງານ, ລະບົບການເກັບເງິນຄ່າ
ທໍານຽມລົດຂ້າມຂົວມິດຕະພາຍລາວ-ໄທ 01, ອອກແບບເຄຫາສະຖານ, ກໍ່ສ້າງ - ຂົວທາງ, ປະກັນໄພຊີວິດ ແລະ ປະກັນໄພທົ່ວໄປ, ໃຫ້ບໍລິການເປັນສູນກາງວາງສະແດງສິນຄ້າ ແລະ ບໍລິການ (ໄອເຕັກ), ໂຮງແຮມ ຮິວຕັນ, ສູນກາງຊື້ຂາຍອອນລາຍ (ເຢສພລີດ), ເລກໄອເຕັກ ແລະ ຟາມລ້ຽງສັດ ເປັນກຸ່ມບໍລິສັດໜຶ່ງທີ່ມີຄວາມເຕີບໂຕໄວ ແລະ ໝັ້ນຄົງ, ປະຈຸບັນທຸລະກິດພວກເຮົາກໍາລັງມີການຂະຫຍາຍຕົວຢ່າງຕໍ່ເນື່ອງ, ດັ່ງນັ້ນຈຶ່ງມີຄວາມຕ້ອງການເພື່ອນຮ່ວມງານຕຳແໜ່ງດັ່ງລຸ່ມນີ້:
ວິຊາການ ອາວຸໂສ ບັນຊີ 01 ຕໍາແໜ່ງ
ໜ້າທີ່ຮັບຜິດຊອບ:
ບັນທຶກບັນຊີປະຈຳວັນ ລາຍຮັບ ແລະ ລາຍຈ່າຍໃຫ້ຖືກຕ້ອງຕາມຜັງບັນຊີ ແລະ ສອດຄ່ອງກັບລາຍການທີ່ເກີດຂຶ້ນ.
ກວດກາ-ຕິດຕາມ ໜີ້ຕ້ອງຮັບ ແລະ ໜີ້ຕ້ອງສົ່ງ ຂອງບໍລິສັດໃນເຄືອ ທີເຄ ກຣຸບ ທີ່ຕົນເອງຮັບຜິດຊອບ.
ຄິດໄລ່ ແລະ ປັບປຸງ ສ່ວນຕ່າງອັດຕາແລກປ່ຽນ ຂອງໜີ້ຕ້ອງຮັບ-ສົ່ງ ແລະ ເງິນຝາກທະນະຄານ ຂອງ ບໍລິສັດ ທີ່ຕົນເອງຮັບຜິດຊອບ.
ສົມທຽບບັນຊີສຳຮອງທະນະຄານ ກັບ ບັນຊີເງິນໃນລະບົບບັນຊີ (Bank reconciliation) ປະຈຳເດືອນ ຂອງ ບໍລິສັດ ທີ່ຕົນເອງຮັບຜິດຊອບ.
ຄິດໄລ່ຄ່າເຊື່ອມສະພາບ (ຄ່າຫຼຸ້ຍຫ້ຽນ) ຂອງຊັບສົມບັດຄົງທີ່ ໃຫ້ສອດຄ່ອງກັບມາດຕະຖານຂອງກົດໝາຍ.
ເຂົ້າຮ່ວມກວດນັບຄັງເງິນສົດປະຈຳເດືອນ ກັບທີມງານກວດສອບພາຍໃນ.
ລົງກວດນັບເຄື່ອງໃນສາງປະຈຳເດືອນ ຂອງບໍລິສັດທີ່ຕົນຮັບຜິດຊອບ.
ເຂົ້າຮ່ວມກວດນັບຊັບສິນປະຈຳໄຕມາດ ກາງປີ ແລະ ທ້າຍປີ ກັບທີມງານກວດສອບພາຍໃນ.
ກະກຽມບົດລາຍງານການເງິນປະຈຳໄຕມາດຂອງບໍລິສັດທີ່ຕົນເອງຮັບຜິດຊອບ ໃຫ້ທັນເວລາຕາມທີ່ກຳນົດ.
ກະກຽມ ແລະ ສະຫຼຸບ ບົດລາຍງານປະຈຳເດືອນຂອງການເຄື່ອນໄຫວພາຍໃນພະແນກ ເພື່ອລາຍງານໃຫ້ຫົວໜ້າສາຍງານ.
ສັງລວມບົດລາຍງານ ການເງິນ ປະຈຳໄຕມາດ ຂອງທຸກບໍລິສັດ ໃນເຄືອທີເຄ ກຣຸບ ພ້ອມແນະນຳທີມງານ ປະຕິບັດຕາມມາດຕະຖານຂອງ ບໍລິສັດ.
ຄຸ້ມຄອງ ແລະ ຈັດເກັບເອກະສານດ້ານການບັນຊີ ຕາມກົດລະບຽບຂອງບໍລິສັດ
ເງື່ອນໄຂຮັບສະໝັກ:
ຈົບປະລິນຍາຕີຂຶ້ນໄປໃນຂະແໜງການເງິນທະນາຄານ, ບັນຊີ ຫຼື ສາຂາ ທີກ່ຽວຂ້ອງ.
ມີປະສົບການນຳໃຊ້ໂປແກມບັນຊີລາວ ຫຼື ບັນຊີສາກົນຢ່າງໜ້ອຍ 2-3 ປີຂື້ນໄປ.
ມີຄວາມຮູ້ທາງດ້ານພາສາອັງກິດໃນລະດັບດີ
ມີຄວາມຮູ້ທາງດ້ານຄອມພິວເຕີ ເປັນຢ່າງດີໂດຍສະເພາະຮູ້ນຳໃຊ້ Excel, Microsoft Office
ຜູ້ທີ່ມີປະສົບການເຮັດວຽກທີ່ນຳໃຊ້ໂປແກມບັນຊີສາກົນ ແລະ ກວດສອບບັນຊີຈະພິຈາລະນາເປັນພິເສດ.
ມີມະນຸດສຳພັນດີ, ມີຈັນຍາບັນ, ມີຄວາມດຸໝັ່ນ ແລະ ຊື່ສັດກັບອົງກອນ.
ປະຈໍາການຢູ່ຫ້ອງການໃຫຍ່, ບ້ານສີເມືອງ, ເມືອງສີສັດຕະນາກ, ນະຄອນຫຼວງວຽງຈັນ.