Yula.la ຂ່າວ

ຖ້າທ່ານກຳລັງມີບັນຫາໃນການຂາຍບ້ານ ຫຼືໃຊ້ເວລາດົນກວ່າທີ່ຄິດໄວ້ ການໃຫ້ມືອາຊີບຢ່າງນາຍໜ້າ ຫຼື ຕົວແທນບໍລິສັດອະສັງຫາລິມາຊັບເຂົ້າມາຊ່ວຍ ກໍ່ເປັນທາງເລືອກໜຶ່ງທີ່ໃຜໆກໍ່ເຮັດກັນ ຍ້ອນວ່ານາຍໜ້ານັ້ນມີຄວາມຊ່ຽວຊານດ້ານການຂາຍ ແລະ ຫາລູກຄ້າໄດ້ດີກວ່າທ່ານ ຈັ່ງໃດກໍ່ຕາມ ທ່ານກໍ່ຕ້ອງໄດ້ຊອກນາຍໜ້າທີ່ສາມາດໄວ້ໃຈໄດ້

ບົດຄວາມນີ້ເຮົາຈະມາແນະນຳ 5 ຄຳຖາມທີ່ຕ້ອງຖານນາຍໜ້າກ່ອນຝາກຂາຍບ້ານ.

1. ມີປະສົບການແລະຊ່ຽວຊານດ້ານໃດແນ່

ຖາມນາຍໜ້າເຖິງປະສົບການຫຼືຄວາມຊ່ຽວຊານດ້ານໃດ ບໍ່ວ່ຈະາຊ່ຽວຊານດ້ານຫ້ອງເຊົ່າ ບ້ານວິລລ່າ ຫຼືໝູ່ບ້ານທີ່ເຂົາເຈົ້າຄຸ້ນເຄີຍແລະຮູ້ຈັກເປັນຢ່າງດີ ນາຍໜ້າບາງຄົນອາດຈະເວົ້າໄດ້ສອງພາສາເຊັ່ນອັງກິດ ຫຼື ພາສາຈີນ

ການຖາມແບບນີ້ເຮັດໃຫເຮົາຮູ້ວ່ານາຍໜ້າມີຄວາມຊຳນານດ້ານໃດເປັນພິເສດແນ່

2. ເປັນນາຍໜ້າໃນອົງການຫຼືອິດສະລະ

ປັດຈຸບັນນີ້ນາຍໜ້າທີ່ຮັບຝາຍຊື້-ຂາຍບ້ານມີຢູ່ຫຼາຍແບບ ທັ້ງແບບມີບໍລິສັດຮັບຮອງ ມີໃບອະນຸຍາດ ບາງຄົນກໍ່ເປັນນາຍໜ້າອິດສະລະ ບໍ່ໄດ້ຂຶ້ນກັບບໍລິສັດໃດໜືຶ່ງ ຖ້າທ່ານຢາກໄດ້ນາຍໜ້າທີ່ໄວ້ໃຈໄດ້ ຄວນຫານາຍໜ້າຈາກບໍລິສັດທີ່ໜ້າເຊື່ອຖື ຫຼື ມີຜົນງານທີ່ສາມາດເຮັດໃຫ້ທ່ານໄວ້ຝາກບ້ານໄວ້ໃຫ້ເຂົາເຈົ້າ ບໍ່ມີປະຫວັດການໂກງຫຼືບັນຫາຕາມມາໃນພາຍຫຼັງ

3. ຂໍເບິ່ງຜົນງານທີ່ຜ່ານມາ

ທ່ານຕ້ອງກວດສອບປະຫວັດຜົນງານຂອງນາຍໜ້າທີ່ກຳລັງຕິດຕໍ່ຢູ່ ເຊິ່ງປັດຈຸບັນກໍ່ມີຫຼາຍຊ່ອງທາງທີ່ນາຍໜ້າເປີດຮັບລູກຄ້າເຊັ່ນ Facebook ຫຼື WhatsApp ແລະລອງຕິດຕໍ່ອາດີດລູກຄ້າເພື່ອສອບຖາມເຖິງນາຍໜ້າຄົນນີ້ວ່າເປັນຈັ່ງໃດ ທັ້ງທີ່ກໍ່ເພື່ອຊ່ວຍຫຼຸດຄວາມສ່ຽງຈາກການຖືກໂກງ ໂດຍສະເພາະນາຍໜ້າອິດສະລະ

4.ມີການວາງແຜນການຕະຫຼາດແບບໃດແດ່ໃນການຂາຍບ້ານ

ລອງຖາມເຖິງແຜນການເຮັດວຽກຂອງນາຍໜ້າວ່າສິວາງແຜນຈັ່ງໃດໃຫ້ບ້ານຫຼັງນີ້ຂາຍອອກ ຫຼື ປ່ອຍເຊົ່າໄດ້ໂດຍໄວ ເພາະວ່າວັດຖະປະສົງຂອງນາຍໜ້າແມ່ນຊ່ວຍຂາຍບ້ານໃຫ້ໄດ້ໄວຂຶ້ນ ແລະ ອຳນວຍຄວາມສະດວກໃຫ້ໃນດ້ານອື່ນໆ

5. ຖາມເຖິງຄຳແນະນຳອື່ນໆ

ນາຍໜ້າບໍ່ໄດ້ມີໜ້າທີ່ຊ່ວຍຂາຍບ້ານຢ່າງດຽວ ແຕ່ຍັງເປັນທີ່ປຶກສາແລະໃຫ້ຄຳແນະນຳອື່ນໆໄດ້ອີກດ້ວຍ ຢ່າລືມວ່າເຂົາເຈົ້າເປັນມືອາຊີບໃນດ້ານນີ້ ໂດຍສ່ວນໃຫຍ່ເຂົາເຈົ້າໃຫ້ຄຳແນະນຳໃນການຕັ້ງລາຄາໃຫ້ເໝາະສົມຫຼືສະເໜີຊ່ອງທາງໃນການຂາຍບ້ານເປັນຕົ້ນ

ນີ້ແມ່ນຄຳຖາມເບື້ອງຕົ້ນສຳລັບໃຜທີ່ສົນໃຈຢາກຈະຝາກຂາຍບ້ານນຳນາຍໜ້າ ການສື່ສານແລກປ່ຽນຂໍ້ມູນເປັນສິ່ງທີ່ສຳຄັນ ເຮັດໃຫ້ປະສົບຜົນສຳເລັດໃນການຂາຍຫຼືປ່ອຍເຊົ່າ

ທາງເວັບໄຊ yula.la ເອງກໍ່ມີຊ່ອງທາງໃນການຂາຍອະສັງຫາລິມະຊັບ ທາງເຮົາສາມາດຊ່ວຍໂຄສະນາ ແລະຊ່ວຍຕິດຕໍ່ກັບຄົນຊື້ໂດຍກົງ ພຽງແຄ່ທ່ານຂຽນຂໍ້ມູນຕາມທີ່ໃນເວັບກຳນົດ ທ່ານກໍ່ໄດ້ພື້ນທີ່ໂຄສະນາຂອງທ່ານແລ້ວ

ກົດທີນີ້ ເພື່ອເຂົ້າໄປທີ່ໝວດອະສັງຫາລິມະຊັບ