Yula.la ຂ່າວ

ທ່ານອາດຈະຢາກໄດ້ບ້ານໃນຝັນ ແຕ່ລາຍໄດ້ຂອງທ່ານອາດຈະບໍ່ພຽງພໍໃນການຊື້ບ້ານ ສິນເຊື່ອບ້ານຖືເປັນວິທີ່ໜຶ່ງທີ່ທ່ານຄວນພິຈາລະນາ ເມື່ອທ່ານຕ້ອງການທີ່ຢູ່ອາໄສທີ່ເໝາະສົມກັບ lifestyle ຂອງທ່ານ

ບົດຄວາມນີ້ເຮົາຈະມາແນະນຳ 5 ວິທີການກູ້ຍືມເພື່ອໃຫ້ໄດ້ບ້ານຕາມທີ່ທ່ານຕ້ອງການ 

1. ປະເມີນລາຍໄດ້

ຄວນເລືອກຊື້ທີ່ຢູ່ອາໄສໃຫ້ເໝາະກັບລາຍໄດ້ ເພື່ອໃຫ້ວົງເງິນກູ້ສອດຄ້ອງກັບລາຍໄດ້ ແລະ ຄວາມສາມາດໃນການຜ່ອນຂອງເຮົາ ໂດຍບໍ່ຄວນເລືອກຊື້ທີ່ຢູ່ອາໄສທີ່ລາຄາເກີນຕົວ ເກີນຄວາມສາມາດໃນກ່ານຜ່ອນຊຳລະ ແລະ ບໍ່ຄວນກູ້ເກີນຕົວເຊັ່ນກັນ 

2. ຄວນມີເງິນເກັບຢ່າງໜ້ອຍ 10% ຂອງລາຄາທີ່ຢູ່ອາໄສ

ໃນກໍລະນີທີ່ກູ້ໄດ້ບໍ່ເຕັມວົງເງິນ ຈະໄດ້ມີເງິນສ່ວນນີ້ໄວ້ຈ່າຍສ່ວນຕ່າງ ຫຼື ເປັນເງິນທີ່ໃຊ້ເປັນຄ່າໃຊ້ຈ່າຍໃນມື້ໂອນກຳມະສິດ ເຊິ່ງຜູ້ຊື້ບ້ານບໍ່ຄວນຫວັງວ່າອາດຈະໄດ້ຮັບການອະນຸມັດເຕັມຈຳນວນ ຫຼື ມີສ່ວນຕ່າງທີ່ຈະໃຊ້ຈ່າຍ ໃນມື້ໂອນກຳມະສິດ

3. ສ້າງປະຫວັດທາງການເງິນ

ຖ້າທ່ານເປັນພະນັກງານປະຈຳ ເຖິງຈະມີໂອກາດໄດ້ຮັບອະນຸມັດສູງກວ່າຄົນທີ່ມີອາຊີບອິດສະຫຼະ ຫຼື ຄົນທີ່ເປັນພະນັກງານປະຈຳ ແຕ່ບໍ່ມີໃບຍັ້ງຢືນເງິນເດືອນ ກໍ່ຕ້ອງຈຳເປັນຕ້ອງສ້າງປະຫວັດທາງການເງິນໃຫ້ອອກມາດີ ໂດຍເລີ່ມຈາກປພຫວັດຮາຍໄດ້ຈາກປຶ້ມບັນຊີທະນາຄານທີ່ໃຊ້ຮັບເງິນເດືອນ ກ່ອນຈະຍື່ນກູ້ 3-6 ເດືອນ ແລະ ຄວນໃຫ້ມີເງິນເຫຼືອຕິດບັນຊີຢ່າງໜ້ອຍ 300,000 ກີບ ບໍ່ຄວນກົດເງິນອອກມາທັ້ງໝົດ 100% ທັນທີທີ່ເງິນເດືອນອອກ ຈະເຮັດໃຫ້ການເດີນບັນຊີບໍ່ດີເທົ່າທີ່ຄວນ

4. ສ້າງປະຫວັດລາຍໄດ້

ຄົນມີອາຊີບອິດສະຫຼະ ການມີລາຍໄດ້ບໍ່ແນ່ນອນກໍ່ກູ້ຍາກຢູ່ແລ້ວ ຍິ່ງຖ້າບໍ່ມີປະຫວັດລາຍໄດ້ຜ່ານບັນຊີທະນາຄານເລີຍ ໂອກາດໃນການກູ້ຜ່ານເທົ່າກັບ 0 ດັ່ງນັ້ນ ຄົນທີ່ເຮັດອາຊີບອິດສະຫຼະ ຄວນນຳເງິນເຂົ້າບັນຊີຕໍ່ເນື່ອງ ແລະ ເຮັດບັນຊີລາຍຮັບ - ລາຍຈາຍເກັບໄວ້ ຢ່າງໜ້ອຍ 6-12 ເດືອນ ເພື່ອໃຊ້ເປັນເອກະສາດ້ານລາບປະກອບການຍື່ນສິນເຊື່ອ

ສ່ວນຄົນທີ່ມີອາຊີບປະຈຳ ແຕ່ບໍ່ມີໃບຢັ້ງຢືນເງິນເດືອນ ເຊິ່ງສ່ວນໃຫຍ່ຈະເປັນກຸ່ມຄົນທີ່ເຮັດວຽກກັບບໍລິສັດຄອບຄົວ ຮັບເງິນເດືອນເປັນເງິນສົດ ຄວນສ້າງປະຫວັດລາຍໄດ້ດ້ວຍການນຳເງິນສົດເຫຼົ່ານີ້ເຂົ້າບັນຊີທູກເດືອນ ຢ່າງໜ້ອຍ 6-12 ເດືອນກ່ອນຍື່ນກູ້

ເວລາກູ້ ໃຫ້ບໍລິສັດທີ່ຜູ້ກູ້ເຮັດວຽກອອກເອກະສານຮັບຮອງເງິນເດືອນ ຫຼື ຮັບຮອງລາຍໄດ້ຂອງຜູ້ກູ້ມາເປັນອົງປະກອບຄູ່ກັບຕົວເລກເດີນບັນຊີໃນປຶ້ມບັນຊີທະນາຄານ (ຫານມີປະຫວັດຂອງບໍລິສັດວ່າດຳເນີນກິດຈະການມາດົນແລ້ວ ຫຼື ເປັນທຸລະກິດທີ່ຢັ່ງຢື່ນ ເພື່ອສະແດງຄວາມໝັ່ນຄົງຂອງລາຍໄດ້ ກໍ່ຈະເພີ່ມຄວາມເຊື່ອຖືດ້ານລາຍໄດ້ປັດຈຸບັນ ແລະ ອານາຄົນ)

5. ກຽມເອກະສານໃຫ້ພ້ອມ

ກ່ອນຍື່ນກູ້ ຕ້ອງກຽມເອກະສານທຸກຢ່າງໃຫ້ຄົບ ທັ້ງເອກະສານກ່ຽວກັບລາຍໄດ້ເຊັ່ນ: ໜັງສືຮັບຮອງເງິນເດືອນ ໃບຢັ້ງຢືນເງິນເດືອນ ປະຫວັດລາຍໄດ້ ລາຍການເດີນບັນຊີຢ່າງໜ້ອນ 3-6 ເດືອນ ແລະ ເອກະສານກ່ຽວກັບຜູ້ກູ້ເຊັ່ນ: ສຳເນົາບັດປະຊາຊົນ ປຶ້ມສຳມະໂນຄົວ ແລະ ອື່ນໆ ຖ້າຍື່ນເອກະສານຄົບໃນມື້ຍື່ນກູ້ ທ່ານກໍ່ຈະໄດ້ຮັບຜົນອະນຸມັດໄວຂຶ້ນ

ໃນເວັບໄຊ yula.la ເອງກໍ່ມີບໍລິສັດ ແລະ ທະນາຄານທີ່ປ່ອຍສິນເຊື່ອບ້ານໃຫ້ເລືອກສັນ ກົດທີ່ນີ້ ເພື່ອເຂົ້າໄປເບິ່ງລາຍຊື່ບໍລິສັດ ແລະ ລາຍລະອຽດໃນການກູ້ສິນເຊື່ອບ້ານ