Yula.la ຂ່າວ

ສິນເຊື່ອຣີໄຟແນນໃນລາວ

Yula.la ຄວາມຮູ້ເລື່ອງເງິນ

ເນື່ອງຈາກຄົນລາວຈໍານວນບໍ່ໜ້ອຍທີ່ຫັນມາກູ້ເງິນເພື່ອໃຊ້ຈ່າຍຊື້ເຄື່ອງໃຊ້ຂອງສອຍ ແລະ ເປັນທຶນໃຫ້ແກ່ທຸລະກິດເປັນຕົ້ນວ່າຊື້ຊັບສິນ, ຊື້ຍານພາຫະນະ ແລະ ເພື່ອໃຊ້ເປັນທຶນໝູນວຽນ, ຊຶ່ງກໍ່ມີຄົນຈໍານວນບໍ່ໜ້ອຍທີ່ ຍັງບໍ່ທັນຮູ້ກ່ຽວກັບຜົນກະທົບຂອງການຊໍາລະເງິນກູ້ຄືນ. ເພາະຫຼາຍຄົນທີ່ມີບັນຫາສະພາບຄ່ອງທາງດ້ານການ ເງິນຈຶ່ງເຮັດໃຫ້ພວກເຂົາຈຳຕ້ອງເຮັດວຽກໜັກຂຶ້ນ ຫຼື ອາດຈະສູນເສຍຊັບສິນທີ່ມີຄ່າໃຫ້ແກ່ຜູ້ປ່ອຍກູ້ກໍ່ວ່າໄດ້.

Yula.la ຄວາມຮູ້ເລື່ອງການເງິນພາກ II ແມ່ນຈະລົງເລິກເລື່ອງຂັ້ນຕອນການເຮັດຣີໄຟແນນ ໃນ ສປປ ລາວ ແລະ ເຄັບລັບສໍາຄັນໆສໍາຫຼັບຜູ້ກູ້ທີ່ພວມມີບັນຫາໃນການຊໍາລະເງິນຄືນ. ພວກເຮົາຕ້ອງການຮັບປະກັນວ່າບັນດາຜູ້ກູ້ດັ່ງກ່າວສາມາດຮັບຮູ້ຂໍ້ມູນຢ່າງເລິກເຊິ່ງກ່ຽວກັບການຣີໄຟແນນວ່າຈະສາມາດຊ່ວຍປົກປ້ອງການເງິນ ແລະ ຊັບສິນຂອງພວກເຂົາໄດ້ແນວໃດ. ຖ້າທ່ານຍັງບໍ່ທັນໄດ້ອ່ານບົດຄວາມຄວາມຮູ້ດ້ານການເງິນພາກ I ແມ່ນທ່ານສາມາດຄົ້ນຫາໄດ້ທີ່ນີ້

ພວກເຮົາລອງສຶກສາໄປພ້ອມກັນເລີຍວ່າການຣີໄຟແນນຄືຫຍັງ ແລະ ຈະຊ່ວຍທ່ານແນວໃດໃນການຊໍາລະເງິນຄືນ.

ການຣີໄຟແນນ – ຄືການດັດປັບ ແລະ ປ່ຽນແທນບັນດາເງື່ອນໄຂຂອງການກູ້ຢືມທີ່ເຄີຍມີມາກ່ອນ ບໍ່ວ່າຈະເປັນສິນເຊື່ອລົດ ຫຼື ສິນເຊື່ອຊັບສິນອື່ນໆ. ມັນຄືການຕີມູນຄ່າຊັບສິນຄືນໃໝ່ ແລະ ປ່ຽນຮູບການຜ່ອນຊໍາລະ ແລະ ເຮັດສິນເຊື່ອຄືນໃໝ່ອີກຄັ້ງ.  

ຄົນສ່ວນໃຫ່ຍມັກຈະເຮັດການຣີໄຟແນນເວລາທີ່ພວກເຂົາຕ້ອງການທີ່ຈະປ່ຽນເງື່ອນໄຂໃນສັນຍາໃໝ່ເພື່ອທີ່ຈະໄດ້ອັດຕາດອກເບ້ຍທີ່ຕໍ່າລົງ ຫຼື ເພື່ອສ້າງແຜນການຊໍາລະຄືນທີ່ດີກວ່າເທົ່າທີ່ເຄີຍມີມາ.

ໜຶ່ງເຫດຜົນທີ່ດີທີ່ສຸດໃນການເຮັດຣີໄຟແນນຄືຈະເຮັດໃຫ້ອັດຕາດອກເບ້ຍຂອງສັນຍາເກົ່ານັ້ນຫຼຸດລົງ. ເພາະຕາມກົດເກນແລ້ວການເຮັດຣີໄຟແນນແມ່ນຈະສາມາດຫຼຸດອັດຕາດອກເບ້ຍລົງເຖິງ 2%.

INVESTOPEDIA 

YULA.LA MONEY MATTERS

ຍົກຕົວຢ່າງເຊັ່ນ: ທ້າວ ໂບ (ນາມສົມມຸດ) ເຮັດສິນເຊື່ອເພື່ອຖອຍລົດຄັນໃໝ່. ສັນຍາສະບັບຕົ້ນຂອງລາວຈະມີອັດຕາດອກເບ້ຍຢູ່ທີ່ 8% ແລະ ໄລຍະເວລາໃນການຜ່ອນຊໍາລະແມ່ນ 5 ປີ. ຫຼັງຈາກບໍ່ພໍເທົ່າໃດປີ, ລາວພັດຕ້ອງການເຮັດຣີໄຟແນນລົດຂອງລາວເພື່ອສ້າງສັນຍາໃໝ່ກັບຜູ້ປ່ອຍກູ້ຄົນໃໝ່. ລາວສາມາດເຮັດສິນເຊື່ອກັບສະຖາບັນການເງິນແຫ່ງໃໝ່ເພື່ອເຮັດໃຫ້ອັດຕາດອກເບ້ຍທີ່ມີນັ້ນຕໍ່າລົງ ແລະ ປ່ຽນແຜນການຊໍາລະຄືນໃໝ່ຖ້າຫາກວ່າເງິນທີ່ຕ້ອງຜ່ອນຊໍາລະນັ້ນຫາກຍັງຄົງເຫັຼືອພຽງແຕ່ 50 ລ້ານກີບ ຫຼື ຕໍ່າກວ່າ.

ເມື່ອສິນເຊື່ອຣີໄຟແນນໂຕໃໝ່ນີ້ໄດ້ຮັບການອະນຸມັດ, ສັນຍາສະບັບກ່ອນໜ້ານີ້ກໍ່ຈະຖືກປ່ຽນແທນດ້ວຍສັນຍາໃໝ່ທັນທີ. ການຣີໄຟແນນນີ້, ທ້າວ ໂບ ຈະໄດ້ຈ່າຍອັດຕາດອກເບ້ຍພຽງແຕ່ 5% ຕະຫຼອດໄລຍະເວລາຂອງການຜ່ອນຊໍາລະພາຍໃນ 2 ປີ ແທນການຈ່າຍອັດຕາດອກ ເບ້ຍ 8% ຕະຫຼອດໄລຍະເວລາຂອງການຜ່ອນຊໍາລະ5 ປີ. ເຫັນໄດ້ວ່າລາວສາມາດປະຢັດເງິນໄດ້ ແລະ ຍັງສາມາດຊໍາລະໜີ້ໄດ້ໄວຂຶ້ນອີກດ້ວຍ. ແລະ ນີ້ກໍຄືໜຶ່ງເຫດຜົນທີ່ວ່າການເຮັດຣີໄຟແນນແມ່ນມີຜົນດີຫຼາຍໃຫ້ແກ່ຜູ້ທີ່ມີບັນຫາໃນປະຈຸບັນກ່ຽວກັບແຜນການຊໍາລະເງິນຄືນ. ການເຮັດຣີໄຟແນນເປັນອີກໜຶ່ງວິທີທີ່ດີຫຼາຍໃນການທົບທວນການເງິນຂອງທ່ານ ແລະ ສິນເຊື່ອພ້ອມກັບການປ້ອງກັນຊັບສິນຂອງທ່ານໃຫ້ພົ້ນຈາກຄວາມສ່ຽງຕ່າງໆທີ່ອາດເກີດຂຶ້ນໄດ້ອີກດ້ວຍ.

ແລະ ນີ້ຄືບາງຂໍ້ສະຫຼຸບຍ່ອຍກ່ຽວກັບຜົນປະໂຫຍດທີ່ຈະໄດ້ຮັບຈາກການເຮັດຣີໄຟແນນ:

- ຫຼຸດອັດຕາດອກເບ້ຍໃຫ້ຕໍ່າລົງ

- ຊ່ວຍໃຫ້ທ່ານສາມາດປ່ຽນສັນຍາກູ້ຢືມສະບັບຕົ້ນໄດ້.

- ຊ່ວຍໃຫ້ທ່ານສາມາດປ່ຽນໄລຍະເວລາຂອງການຊໍາລະໜີ້ເຊັ່ນໄລຍະເວລາຂອງການຊໍາລະໜີ້ຈະສັ້ນລົງ. 

- ຊ່ວຍປົກປ້ອງເຄຼດິດ ແລະ ຊັບສິນຂອງທ່ານຈາກສັນຍາກູ້ສະບັບເກົ່າໄດ້. 

ຂັ້ນຕອນຕໍ່ໄປຂອງການຣີໄຟແນນ: 

ທ່ານຕ້ອງການທີ່ຈະເຮັດການຣີໄຟແນນລົດ, ຈໍານອງ ຫຼື ກູ້ເພື່ອເປົ້າໝາຍທາງດ້ານທຸລະກິດກັນຢູ່ ຫຼື ບໍ່? ຖ້າທ່ານຕ້ອງການຊື້ລົດໃໝ່ກໍ່ສາມາດຄົ້ນຫາບັນດາ ລາຍການລົດໃໝ່ທີ່ມີຫຼາຍກວ່າຮ້ອຍຄັນ ແລະ ລົດມືສອງທີ່ມີຫຼາຍກວ່າພັນຄັນ. ການເຮັດຣີໄຟແນນແມ່ນເປັນວິທີທີ່ດີທີ່ສຸດໃນການປ່ຽນສັນຍາສິນເຊື່ອ ແລະ ຊ່ວຍຫຼຸດອັດຕາດອກເບ້ຍທີ່ບໍ່ຈໍາເປັນລົງໄດ້. 

ຖ້າທ່ານກໍາລັງຊອກຫາຊ່ອງທາງໃນການກູ້ຢືມທີ່ມີໄລຍະເວລາຂອງການກູ້ຢືມທີ່ດີກວ່າ, ເພື່ອສະໜອງ ຄວາມຕ້ອງການທາງດ້ານການເງິນຂອງທ່ານ ໂດຍສາມາດພົວພັນໄປຍັງ ບໍລິສັດ ກຸງສີ ລິດຊິ້ງ ສະຖາບັນດ້ານ ການເງິນອັນດັບຕົ້ນໆຂອງລາວໄດ້ແລ້ວ. ບໍລິສັດ ກຸງສີ ລິດຊິ້ງ ແມ່ນຈະເນັ້ນການຊ່ວຍເຫຼືອຜູ້ທີ່ຕ້ອງການແກ້ ໄຂບັນຫາໜີ້ສິນຄົງຄ້າງກັບສິນເຊື່ອທີ່ຕົນເຄີຍກູ້ຜ່ານມາ, ໂດຍຈະມີທາງເລືອກທາງດ້ານການເງິນທີ່ທ່ານສາ ມາດຮັບປະກັນໄດ້ວ່າແຜນການ ຊໍາລະເງິນຄືນແມ່ນຈະດີກວ່າໃນແບບທີ່ບໍ່ເຄີຍມີມາກ່ອນ.

ທ່ານສາມາດຄົ້ນຫາສະຖາບັນຊັ້ນນໍາດ້ານການເງິນໄດ້ແລ້ວທີ່ນີ້ www.yula.la/finance. ຫຼືເຂົ້າເບິ່ງທີ່ ກຸງສີ ລີດຊິ້ງ ເພື່ອຂໍຄໍາປຶກສາດ້ານການເງິນ ແລະ ການທະນາຄານແບບຕົວຕໍ່ຕົວໄດ້ແລ້ວທີ່ນີ້