Yula.la ຂ່າວ

ປະກັນໄພທີ່ຢູ່ອາໄສແມ່ນປະກັນໄພທີ່ໃຫ້ຄວາມຄຸ້ມຄອງສິ່ງປຸກສ້າງທີ່ເປັນທີ່ຢູ່ອາໄສ ໂດຍເມື່ອເກິຶເຫດທີ່ສ້າງຄວາມເສຍຫາຍໃຫ້ແກ່ຕົວບ້ານ ຫຼື ສັບຊິນພາຍໃນບ້ານ ບໍລິສັດປະກັນໄພຈະເຂົ້າມາປະເມີນຄວາມເສຍຫາຍ ແລະ ຊົດເຊີຍຕາມທີ່ສັນຍາກຳນົດ ໃນລັກສະນະດຽວກັນກັບປະກັນໄພສຸຂະພາບ ແລະ ປະກັນໄພລົດ

ການເຮັດປະກັນໄພບ້ານຖືເປັນເລື່ອງຈຳເປັນ ແລະ ຄວນໃຫ້ຄວາມສຳຄັນ ເພາະປະໂຫຍດຂອງປະກັນຄືຊົດເຊີຍຄ່າເສຍຫາຍ ເຊິ່ງບ້ານກໍ່ແມນຊັບສິນມູນຄ່າສູງ ຫາກເກີດເຫດບໍ່ຄາດຄິດເຊັ່ນ: ໄຟໄໝ້ ນ້ຳທ້ວມ ເຄື່ອງໃນບ້ານຖືກລັກ ຈະໄດ້ມີເງິນຊົດເຊີຍເພື່ອມາຮັບມືກັບເຫດທີ່ເກີດຂຶ້ນ ໂດຍສະເພາະໃນກໍລະນີທີ່ບ້ານຍັງບໍ່ໝົດພາລະໜີ້ສິນ ຫາກຕ້ອງເສຍບ້ານໄປ ກໍ່ຍັງໄດ້ເງິນຈາກປະກັນໄພເພື່ອມາຈ່າຍຍອດເງຶນກູ້ທີ່ເຫຼືອຂອງທະນາຄານໄດ້

ໂດຍໃນປະກັນໄພທີ່ຢູ່ອາໄສນັ້ນຄຸ້ມຄອງຢູ່ 7 ຈຸດເຊັ່ນ: 

1. ອັກຄີໄພ

2. ໄພພິບັດ

3. ຊິ້ນສ່ວນໃນບ້ານເປເພ

4. ຄວາມເສຍຫາຍຂອງເຄື່ອງໃຊ້ໄຟຟ້າ

5. ເຄື່ອງໃນທີ່ຢູ່ອາໄສຖືກລັກ

6. ຄວາມຮັບຜິດຊອບຕໍ່ກັບເຮືອນຂ້າງຄຽງ

7. ຄວາມຮັບຜິດຊອບຂອງຫົວໜ້າຄອບຄົວ

ເຊິ່ງໃນປະກັນໄພນັ້ນຄອບຄຸມຈຸດສຳຄັນດັ່ງນີ້:

ປະກັນອັກຄີໄພ

ປະກັນອັກຄີໄພ ເປັນປະກັນທີ່ຄຸ້ມຄອງເຫດໄຟໄໝ້ ເຊິ່ງຄອບຄຸມທັ້ງເຫດທີ່ເກີດຈາກໄພທຳມະຊາດເຊັ່ນໄຟປ່າ ຟ້າຜ່າ ແລະ ທັ້ງເຫດສຸດວິໄສຈາກບຸກຄົນເຊັ່ນ ໄຟຟ້າລັດວົງຈອນ ການລະເບີດຂອງແກສຫຸ້ງຕົ້ມ ຫຼື ຄວາມເສຍຫາຍອື່ນໆທີ່ກ່ຽວຂ້ອງ. ປະກັນອັກຄີໄພຈະໃຫ້ຄວາມຄຸ້ມຄອງໃນໄລຍະສັ້ນເຊັ່ນ 1 ປີ ຫຼື 2-3 ປິ ຄ່າເບ້ຍປະກັນຈະຂຶ້ນຢູ່ກັບແຕ່ລະບໍລິສັດປະກັນໄພ ແລະ ລັກສະນະຂອງອາຄານ.

ປະກັນໄພພິບັດ

ປະກັນໄພພິບັດຄືປະກັນທີ່ຄຸ້ມຄອງຄວາມເສຍຫາຍ-ສູນເສຍຂອງໂຕບ້ານ ຫຼື ຊັບສິນທີ່ເກີດຈາກເຫດທຳມະຊາດເຊັ່ນ ນ້ຳທ່ວມ ແຜ່ນດິນໄຫວ ລົມພາຍຸ ຫຼື ເຫດການໄພພິບັດອື່ນໆ ທີ່ພາກລັດປະກາດເປັນສະຖານະການໄພພິບັດຮຸນແຮງ

ປະກັນເຄື່ອງໃຊ້ໃນເຮືອນຖືກລັກ

ສຳລັບບ້ານໃດທີ່ມີຊັບສິນມູນຄ່າສູງ ຢາກໄດ້ຮັບຄວາມຄຸ້ມຄອງຊັບສິນສຳຄັນບາງຢ່າງ ແລະ ບ້ານຢູ່ໃນພື້ນທີ່ທີ່ມີປະຫວັດເຄື່ອງໃນເຮືອນຖືກລັກ ການເຮັດປະກັນໄພທີ່ຢູ່ອາໄສກໍ່ຄອບຄຸມໃນສ່ວນນີ້ຄືກັນ

ຂໍ້ແນະນຳໃນການຊື້ປະກັນໄພທີ່ຢູ່ອາໄສ

1.ການເຮັດປະກັນໄພທີ່ຢູ່ອາໄສ ຫາກເລືອກຄວາມຄຸ້ມຄອງ ຫຼື ເງິນຊົດເຊີຍໄດ້ ຄວນເລືອກຢ່າງຕ່ຳ 70% ຂອງມູນຄ່າຊັບສິນ ເພື່ອໃຫ້ຄອບຄຸມຄ່າເສຍຫາຍສ່ວນໃຫຍ່ໄດ້

2. ເບ້ຍປະກັນຕໍ່ປີຈະຖືກລົງຕາມໄລຍະເວລາເອົາປະກັນທີ່ເຮັດດົນຂຶ້ນ

3. ເມື່ອໄດ້ຮັບເງິນຊົດເຊີຍຈາກຄວາມສູນເສຍທຳອິດແລ້ວ ຫາກເກີດເຫດໃນໄລຍະເອົາປະກັນອີກ ຈະໄດ້ຮັບເງິນຊົດເຊີຍຈາດການປະເມີນຄວາມສູນເສຍໃນຈຳນວນເງິນປະກັນທີ່ເຫຼືອຢູ່ 

4. ຫາກເຮັດປະກັນຫຼາຍກວ່າໜຶ່ງປະກັນ ເມື່ອເກິດຄວາມສູນເສຍປະກັນ ແຕ່ລະບໍລິສັດຈະຫານຄວາມຮັດຜິດຊອງນຳກັນ ເຊິ່ງຜູ້ເອົາປະກັນຈະບໍ່ໄດ້ເງິນປະກັນເກີນກວ່າທີ່ປະເມີນຄວາມເສຍຫາຍ

ການເຮັດປະກັນໄພທີ່ຢູ່ອາໄສເປັນເລື່ອງທີ່ບໍ່ຄວນເບິ່ງຂ້າມ ຖືເປັນການກຽມພ້ອມເພື່ອຮັບມືກັບເຫດການບໍ່ຄາດຝັນ ເພາະຖ້າຫາກເກີດຫຍັງຂຶ້ນກັບທີ່ຢູ່ອາໄສ ຫຼື ອາດເຖິງຂັ້ນສູນເສຍບ້ານໄປ ທ່ານກໍ່ສາມາດເອົາປະກັນແລະໄດ້ຮັບເງິນຊົດເຊີຍຕາມທີ່ທ່ານສົມຄວນໄດ້ ຖືວ່າເປັນການກັນໄວ້ດີກວ່າແກ້ 

ຖ້າຫາກທ່ານສົນໃຈຢາກເຮັດປະກັນໄພທີ່ຢູ່ອາໄສ ໃນເວັບ yula.la ກໍ່ມີບໍລິສັດປະກັນໄພໃຫ້ທ່ານໄດ້ເລືອກເບິ່ງ ແລະ ສອບຖາມຂໍ້ມູນເພີ່ມເຕີມໄດ້ ໂດຍກົດທີ່ນີ້ເພື່ອເຂົ້າໄປເບິ່ງລາຍຊື່ ແລະ ບໍລິການຂອງບໍລິສັດປະກັນໄພ