Yula.la ຂ່າວ

ອະພາດເມັ້ນ ກັບ ເຮືອນວິນລ້າ

ໃນລາວ, ທັງອະພາດເມັ້ນ ແລະ ເຮືອນວິນລ້າມັກຈະມີທາງເລືອກຫຼາຍຢ່າງໃຫ້ທ່ານໄດ້ຢູ່ອາໄສຢ່າງໜ້າປະທັບໃຈ.  ນັບຕັ້ງແຕ່ອະພາດເມັ້ນແບບທັນສະໄໝທີ່ຕົບແຕ່ງຄົບຊຸດໄປເຖິງວິນລ້າຂະໜາດກວ້າງຂວາງປະກອບມີສວນອັນຂຽວກະຈີ ແລະ ທີ່ປົກຄຸມໄປດ້ວຍພູມອາກາດໃນເຂດຮ້ອນຊຸ່ມມໍລະສຸມ. ບໍ່ວ່າຈະເປັນທັງອະພາດເມັ້ນ ແລະ ເຮືອນວິນລ້າໃຫ້ເຊົ່າສາມາດຊອກຫາໄດ້ຢ່າງງ່າຍດາຍໃນລາວ.

ທ່ານສາມາດຫາເຮືອນວິນລ້າທີ່ມີຄວາມສະດວກສະບາຍທຽບເທົ່າກັບອະພາດເມັ້ນກໍ່ໄດ້! ເຮືອນວິນລ້າຂ້ອນຂ້າງມີຄວາມກວ້າງຂວາງ ແລະ ເປັນສ່ວນຕົວກວ່າ, ຊຶ່ງຈະເໝາະກັບຜູ້ທີ່ເປັນຄອບຄົວ ຫຼື ຜູ້ຈະເຊົ່າໄລຍະຍາວ. ສ່ວນອະພາດເມັ້ນຈະມີການບໍລິການທີ່ຄົບຊຸດກວ່າຊຶ່ງເໝາະກັບການຢູ່ຄົນດຽວ, ເປັນຄູ່ ແລະ ຄອບຄົວນ້ອຍ. ໃນຕອນທ້າຍຂອງຫົວຂໍ້ນີ້, ທ່ານຈະໄດ້ເຫັນເຖິງຄວາມແຕກຕ່າງຂອງທັງສອງສະຖານທີ່ ແລະ ອາດຈະຮູ້ໄດ້ວ່າປະເພດໃດເໝາະກັບທ່ານ ຫຼື ສາມາດຕອບໂຈດຄວາມຕ້ອງການຂອງທ່ານໄດ້!

 ແມ່ນຫຍັງຄືຄວາມແຕກຕ່າງອັນຫຼັກໆລະຫວ່າງການເຊົ່າເຮືອນວິນລ້າ ແລະ ການເຊົ່າອະພາດເມັ້ນ?

ອະພາດເມັ້ນ:

ລວມບິນທັງໝົດ

ສັນຍາທີ່ຕໍ່ລອງໄດ້

ຈ່າຍລາຍເດືອນ

ໃຊ້ສິ່ງອໍານວຍຄວາມສະດວກຕ່າງໆຮ່ວມກັບຄົນອື່ນ

ລວມຄ່າວາຍຟາຍ

ມີການປ້ອງກັນເວນຍາມທີ່ດີ

ເຮືອນວິນລ້າ:

ບິນຈະຖືກແຍກ

ມີສັນຍາໄລຍະຍາວ

ໃຊ້ສິ່ງອໍານວຍຄວາມສະດວກຕ່າງໆໄດ້ຢ່າງເປັນສ່ວນຕົວ

ບໍ່ໄດ້ລວມຄ່າວາຍຟາຍ

ບໍ່ມີການປ້ອງກັນເວນຍາມ

ອະພາດເມັ້ນ

ໃນລາວຈະມີອະພາດເມັ້ນຫຼາກຫຼາຍແບບ ບໍ່ວ່າເປັນຮູບແບບໄມ້ສະໄຕລລາວໆ ຫຼື ສະໄຕລທີ່ເປັນສະຕາປັດຕະຍະກໍາຕັ້ງແຕ່ສະໄໝຝຣັ່ງປົກຄອງ, ລວມທັງແບບຮ່ວມສະໄໝ. ລາຄາ ແລະ ຂະໜາດຂອງອະພາດເມັ້ນແມ່ນຈະຂຶ້ນກັບອາຄານ, ສະຖານທີ່, ສິ່ງອໍານວຍຄວາມສະດວກ ແລະ ການບໍລິການຕ່າງໆ. ທ່ານສາມາດຊອກຄໍາແນະນໍາກ່ຽວກັບການເຊົ່າອະພາດເມັ້ນໃນລາວ, ກົດໄດ້ທີ່ນີ້. 

ອະພາດເມັ້ນເປັນທາງເລືອກທີ່ເໝາະສົມທີ່ສຸດສໍາຫຼັບທ່ານທີ່ຕ້ອງການຄວາມເປັນສ່ວນຕົວ, ລະບົບການເວນຍາມທີ່ມີຄວາມປອດໄພສູງ ແລະ ມີສັນຍາການເຊົ່າທີ່ຍືດຍຸ່ນ.

ຕໍ່ໄປນີ້ຄືບາງຈຸດສໍາຄັນທີ່ທ່ານຄວນຮູ້ກ່ຽວກັບການເຊົ່າອະພາດເມັ້ນໃນລາວ:

ມີການບໍລິການຄົບຊຸດ:

ສ່ວນຫຼາຍອະພາດເມັ້ນໃນລາວຈະມີເຟີນິເຈີຄົບຊຸດພ້ອມກັບວາຍຟາຍ ແລະ ຈະມີການອະນາໄມທຸກໆສອງຄັ້ງຕໍ່ອາທິດ. ໃນກໍລະນີທີ່ທ່ານມີບັນຫາ, ທ່ານກໍ່ສາມາດຕິດຕໍ່ກັບເຈົ້າຂອງ ຫຼື ພະນັກງານຕ້ອນຮັບເພື່ອຂໍຄວາມຊ່ວຍເຫຼືອ.

 ສັນຍາເຊົ່າ:

ອະພາດເມັ້ນສ່ວນໃຫຍ່ມັກຈະເຮັດສັນຍາການເຊົ່າເດືອນຕໍ່ເດືອນ ແຕ່ຖ້າທ່ານເຊົ່າເປັນໄລຍະຍາວແມ່ນຈະໄດ້ຮັບສ່ວນຫຼຸດຫຼາຍກວ່າ.

 ລວມບິນທຸກຢ່າງ:

ໃນບິນແຕ່ລະເດືອນນັ້ນຈະປະກອບມີການບໍລິການອະນາໄມ, ວາຍຟາຍ, ຄ່າຂີ້ເຫຍື່ອ ແລະ ຄ່ານໍ້າປະປາ.

 ແຍກບິນ:

ບິນຄ່າໄຟຈະມີການແຍກ ແຕ່ບາງຄັ້ງເຈົ້າຂອງບ້ານມັກຈະໃຫ້ຄົນເຊົ່າເປັນຄົນຈ່າຍກ່ອນລ່ວງໜ້າພ້ອມກັບຄ່າເຊົ່າຈົນກວ່າເງິນດັ່ງກ່າວນັ້ນຈະໝົດໄປ.

ສິ່ງອໍານວຍຄວາມສະດວກຕ່າງໆ:

ອະພາດເມັ້ນສ່ວນໃຫຍ່ມັກຈະອໍານວຍຄວາມສະດວກຫຼາຍຢ່າງບໍ່ວ່າຈະເປັນສະລອຍນໍ້າ, ຍິມ, ຊັ້ນດາດຟ້າ, ບໍລິການເວນຍາມໃຫ້ຕະຫຼອດ 24/7, ອະນາໄມປະຈໍາອາທິດ ແລະ ຍັງມີບໍລິການຊັກແຫ້ງ. 

ບໍລິການເວນຍາມ:

ອະພາດເມັ້ນສ່ວນຫຼາຍຈະມີລະບົບບໍລິການເວນຍາມທີ່ປະກອບມີ:

- ບໍລິການເວນຍາມຕະຫຼອດ 24/7 ຢູ່ໜ້າປະຕູທາງເຂົ້າ.

-ກ້ອງວົງຈອນປິດ ມີລະບົບກ້ອງວົງຈອນປິດຄົບຊຸດ.

- ຕອນກາງຄືນປະຕູໃຫ່ຍຈະຖືກປິດ

- ມີບັດເຂົ້າອອກທັງປະຕູນອກ ແລະ ໃນຫ້ອງຂອງອະພາດເມັ້ນ

ການເຊົ່າອະພາດເມັ້ນໃນລາວແມ່ນມີຄວາມສະດວກສະບາຍຫຼາຍ ເພາະບໍ່ວ່າທ່ານຈະອາໄສຢູ່ລາວແບບໄລຍະສັ້ນ ຫຼື ຍາວ. ອະພາດເມັ້ນທີ່ມີການບໍລິການຄົບວົງຈອນ, ຈະເຮັດໃຫ້ທ່ານມີຄວາມສະດວກສະບາຍໂດຍທີ່ບໍ່ຕ້ອງກັງວົນວ່າຕ້ອງຊື້ເຄື່ອງເຟີນິເຈີໃໝ່ ຫຼື ບ້ານໃໝ່.

 ເຮືອນວິນລ້າ

ໃນລາວ, ມີແບບເຮືອນທີ່ຫຼາກຫຼາຍພ້ອມກັບທາງເລືອກຕ່າງໆ, ບໍ່ວ່າຈະເປັນເຮືອນວິນລ້າແບບໄມ້ຊົງລາວ, ເຮືອນວິນລ້າແບບຮ່ວມສະໄໝ, ຫຼື ແບບມີສະຖາປັດຕິຍະກໍາສະໄຕລຝຣັ່ງ. ເຮືອນວິນລ້າແມ່ນເໝາະແກ່ທ່ານທີ່ກໍາລັງຊອກຫາລະຫວ່າງຄວາມສົມດູນທາງທໍາມະຊາດ ແລະ ຊີວິດໃນຕົວເມືອງ.

 ຕາມທໍາມະດາແລ້ວອະພາດເມັ້ນຈະມີຂະໜາດທີ່ກວ້າງຂວາງ ແລະ ຍັງມີສວນ ຫຼື ສວນຫຼັງບ້ານໃຫ້ຜູ້ເຊົ່າໄດ້ຜ່ອນຄາຍ. ແຕ່ເນື່ອງຈາກມີບັນຍາກາດແບບທໍາມະຊາດຫຼາຍ, ທ່ານອາດຈະພົບກັບຝູງສັດ ແລະ ແມງໄມ້ເປັນຕົ້ນໂຕຈີ່ຈ້ຽມ, ກັບແກ້ ແລະ ຂຽດ. ນອກນັ້ນທ່ານຍັງຈະໄດ້ຄວາມຮູ້ສຶກແບບພື້ນບ້ານໆ. ບາງຄັ້ງທ່ານອາດຈະຖືກເຊີນໄປຮ່ວມສ້າງສັນຮ່ວມກັບເພື່ອນບ້ານທີ່ໃກ້ຄຽງອີກດ້ວຍ.

 ຢ່າລືມວ່າ, ຖ້າທ່ານຕ້ອງການເຊົ່າເຮືອນວິນລ້າ, ເຈົ້າຂອງບ້ານສ່ວນຫຼາຍມັກຈະໃຫ້ຜູ້ທີ່ຈະເຊົ່າແບບໄລຍະຍາວ, ສະນັ້ນແລ້ວ, ການໃຫ້ຄໍາໝັ້ນສັນຍາແມ່ນສໍາຄັນຫຼາຍ! ທ່ານສາມາດເບິ່ງກ່ຽວກັບຄໍາແນະນໍາສໍາລັບການເຊົ່າເຮືອນວິນລ້າໃນລາວໄດ້ທີ່ນີ້

 ເຮືອນວິນລ້າແມ່ນທາງເລືອກທີ່ເໝາະຖ້າທ່ານມີຄອບຄົວ, ສັດລ້ຽງ ແລະ ຕ້ອງການພື້ນທີ່ສ່ວນຕົວທີ່ກວ້າງຂວາງ. ຖ້າທ່ານວາງແຜນທີ່ຈະມີ ລົດ ຫຼືວ່າ ທ່ານມີຢູ່ແລ້ວ ທ່ານກໍ່ອາດຊອກຫາສະຖານທີ່ທີ່ມີເດີ່ນຈອດລົດທີ່ກວ້າງຂວາງ. ເຖິງແມ່ນວ່າໃນລາວຈະມີລົດຫຼາຍ, ແຕ່ກໍ່ຖືວ່າຍັງເປັນສິ່ງທີ່ໃໝ່ສໍາລັບພວກເຂົາເມື່ອທຽບໃສ່ກັບປະເທດເພື່ອນບ້ານ. ທີ່ກ່າວມາແບບນີ້ກໍ່ເພາະລະບົບພື້ນຖານໂຄງລ່າງແມ່ນຍັງນ້ອຍ, ທາງແຄບຊຶ່ງອາດເຮັດໃຫ້ເກີດຄວາມທ້າທາຍໃນການຂັບຂີ່ ຫຼື ແມ້ກະທັ້ງການຈອດລົດ.

 ສິ່ງອໍານວຍຄວາມສະດວກ:

ເພາະເຮືອນວິນລ້າແມ່ນຊັບສ່ວນຕົວຂອງເຈົ້າຂອງບ້ານ, ສະນັ້ນ ບັນດາ ສິ່ງອໍານວຍຄວາມສະດວກແຕ່ລະອັນຈະມີຄວາມເປັນເອກະລັກ. ບາງເທື່ອສິ່ງອໍານວຍຄວາມສະດວກຕ່າງໆຈະປະກອບມີທັງຫ້ອງນັ່ງຫຼິ້ນ, ທີ່ຈອດລົດສ່ວນຕົວ, ຈັກຊັກຜ້າ, ລະບຽງ, ແອ, ເຄື່ອງປັບນໍ້າຮ້ອນ ແລະ ຍັງອີກຫຼາຍໆຢ່າງ. 

ສັດລ້ຽງ:

ວິນລ້າສ່ວນຫຼາຍຈະມີຄວາມຍືດຍຸ່ນຕໍ່ກັບລະບຽບກ່ຽວກັບສັດລ້ຽງ, ໂດຍສະເພາະຖ້າບ່ອນໃດມີບ່ອນນັ່ງຫຼິ້ນ. ສະນັ້ນ, ຖ້າທ່ານທີ່ມີສັດລ້ຽງ ຫຼື ຕ້ອງການທີ່ຈະມີ, ການເຊົ່າເຮືອນວິນລ້າກໍ່ເປັນອີກໜຶ່ງທາງເລືອກທີ່ໜ້າຈະຄູ່ຄວນແກ່ທ່ານ.

 ສັນຍາເຊົ່າ:

ໂດຍສ່ວນໃຫ່ຍແລ້ວເຈົ້າຂອງບ້ານມັກຈະເຮັດສັນຍາເຊົ່າໄລຍະຍາວທີ່ຈໍາເປັນຕ້ອງຈ່າຍເງິນກ່ອນລ່ວງໜ້າ, ຊຶ່ງອາດຈະເປັນ 6 ຫາ 12 ເດືອນ. 

 ແຍກບິນ:

ມັນຈະແຕກຕ່າງຈາກອະພາດເມັ້ນ, ເພາະບິນຕ່າງໆແມ່ນຈະຖືກແຍກສ່ວນອອກຈາກຄ່າເຊົ່າ. ບິນຕ່າງໆທີ່ທ່ານຈະໄດ້ຈ່າຍຫຼັກໆຈະມີ: ຄ່າໄຟຟ້າ, ນໍ້າປະປາ, ຄ່າຂີ້ເຫຍື້ອ, ຄ່າເຊົ່າຈານດາວທຽມ, ຄ່າຂົນສົ່ງ ແລະ ອິນເຕເນັດ ແລະ ຈະບໍ່ມີການບໍລິການອະນາໄມຊຶ່ງຕ່າງຈາກອະພາດເມັ້ນອີກຢ່າງຄື.

 ການເຝົ້າຍາມ:

ລະບົບການເວນຍາມແມ່ນຈະຂຶ້ນກັບເຈົ້າຂອງບ້ານ, ຊຶ່ງແຕ່ລະບ່ອນກໍ່ຈະແຕກຕ່າງກັນອອກໄປ.

- ປະຕູດ້ານໜ້າພ້ອມແມ່ກຸນແຈ

- ໃກ້ຊິດກັບເຈົ້າຂອງບ້ານ

-ທ່ານສາມາດກວດສອບລາຄາຂອງກ້ອງວົງຈອນປິດໄດ້ທີ່ນີ້

 ຊ່າງສ້ອມແປງສ້ອມບໍາລຸງ:

ຖ້າເຮືອນຂອງທ່ານຫາກເປ່ເພ, ທ່ານສາມາດຕິດຕໍ່ຫາເຈົ້າຂອງບ້ານໄດ້ໂດຍກົງ ແຕ່ຄົນເຊົ່າບ້ານສ່ວນຫຼາຍມັກຈະຕິດຕໍ່ຫາຊ່າງດ້ວຍໂຕເອງ.

ການເຊົ່າວິນລ້າຈໍາເປັນຕ້ອງມີການບໍາລຸງຮັກສາຫຼາຍກວ່າການເຊົ່າອະພາດເມັ້ນ, ແຕ່ມັນຄືການວາງແຜນການເຊົ່າໄລຍະຍາວ ເເລະ ລາຄາກໍ່ຈະຖືກກວ່າ. ຖ້າທ່ານຕ້ອງການຮູ້ຂໍ້ມູນເພີ່ມເຕີມກ່ຽວກັບການເຊົ່າວິນລ້າໃນລາວ. 

ການຊອກຫາສະຖານທີ່ເຊົ່າໃນລາວທີ່ເໝາະແກ່ທ່ານ ແລະ ຄວາມຕ້ອງການທີ່ທ່ານມີແມ່ນເປັນສິ່ງຈໍາເປັນ. ພວກເຮົາເຂົ້າໃຈວ່າມັນອາດຈະເປັນເລື່ອງຍາກທີ່ຈະຕັດສິນໃຈເລືອກເຊົ່າອະພາດເມັ້ນ ຫຼື ເຮືອນວິນລ້າ. ເພາະມີທາງເລືອກຫຼາຍແທ້ໆ, ທັງນີ້ກໍ່ເພາະວ່າຕະຫຼາດດ້ານນີ້ແມ່ນຂະຫຍາຍຕົວຢູູ່ທຸກວັນ. ຢ່າລືມກວດເບິ່ງລາຍການ ຮູບຊົງເຮືອນວິນລ້າ. ແລະ ຖ້າທ່ານຕ້ອງການຕິດຕໍ່ກັບຕົວແທນອະສັງຫາລິມະຊັບ ຕິດຕໍ່ຫາພວກເຮົາໄດ້ແລ້ວມື້ນີ້

ຂໍ້ຈໍາກັດຄວາມຮັບຜິດຊອບ:

ບຼອກ/ເວບໄຊທ໌ນີ້ແມ່ນສ້າງຂຶ້ນໂດຍບໍລິສັດຂອງພວກເຮົາໂດຍມີຈຸດປະສົງໃຫ້ຄວາມຮູ້ເທົ່ານັ້ນ ເພື່ອເປັນການໃຫ້ຂໍ້ມູນ ແລະ ຄວາມເຂົ້າໃຈທົ່ວໄປຕໍ່ກັບເນື້ອໃນທີ່ເລືອກມາຢ່າງເປັນລາຍລັກອັກສອນແມ່ນການໃຫ້ຄໍາເເນະນໍາທາງດ້ານກົດໝາຍ ຫຼື ການລົງທຶນໃດໆ,ການນໍາໃຊ້ບຼອກນີ້ທ່ານຈະເຫັນໄດ້ວ່າຈະບໍ່ມີຄວາມສໍາພັນໃດໆລະຫວ່າງລູກຄ້າແລະທ່ານ ແລະ ຜູ້ເຜີຍແຜ່ໃນເວັບໄຊທ໌໌ ບໍ່ຄວນນໍາໃຊ້ເວັບໄຊທ໌ຫຼືບຼອກນີ້ແທນຄໍາແນະນໍາທາງດ້ານກົດໝາຍ ແລະ ການລົງໃດໆ.