Yula.la ຂ່າວ

ນີ້ອາດຈະເປັນຂ່າວດີສຳລັບແຟນໆ Apple ທີ່ເຄີຍຜິດຫວັງກັບສີທີ່ຈຳກັດຂອງ iPhone X ແມ່ນບໍ່? ອີງຕາມການລາຍງານຈາກ Apple ໃນ FCC  (ອົງກອນບໍລິຫານຄື້ນຄວາມຖີ່) ໄດ້ເຜີຍໃຫ້ເຫັນຮູບຫລຸດຂອງ iPhone X ສີຄຳທີ່ຖືກປົກປິດເປັນຄວາມລັບຕະຫຼອດ 6 ເດືອນທີ່ຜ່ານມາ,

ໂດຍ iPhoneສີຄຳນີ້ແມ່ນຜະລິດຈາກແຜ່ນແກ້ວສີດໍາ ປະສົມກັບໂທນສິຄຳຄືກັນກັບ iPhone 8 ແລະ 8 Plusທີ່ໄດ້ປ່ອຍອອກມາໃນເດືອນກັນຍາທີ່ແລ້ວນີ້, ເຊິ່ງ MacRumors ເອງທີ່ເປັນຜູ້ເຜີຍແຜ່ຮູບພາບ ອອກສູ່ສາທາລະນະເວັບທຳອິດ. ຂອບດ້ານຂ້າງທີ່ເປັນສະແຕນເລດກໍເປັນສີຄຳຈາງໆເຊັ່ນກັນ.

WANT TO READ IN ENGLISH LANGUAGE? Click here.

ຈາກງານເປີດໂຕ iPhone ໃນປີທີ່ແລ້ວນັ້ນ, ມີຂ່າວລືວ່າ Apple ແມ່ນວາງແຜນທີ່ຈະຈໍາໜ່າຍ iPhone X ສີຄຳ ແຕ່ພັດບໍ່ ວາງສະແດງໃນງານ, ເຊິ່ງພວກເຂົາວາງສະແດງພຽງສອງສີຄື ສີຂາວ/ ເງິນ ແລະ ສີເທົາເທົ່ານັ້ນ.

ຈາກການສັນນິຖານແມ່ນບໍລິສັດ Cupertino ພົບປັນຫາທີ່ຄາດບໍ່ເຖິງກ່ຽວກັບຂໍ້ຫຍຸ້ງຍາກໃນການຜະລິດລຸ້ນສີຄຳ ຈຶ່ງໄດ້ຢຸດການຜະລິດໃນເດືອນກັນຍາທີ່ຜ່ານມາ. ສຳລັບໃຜທີ່ລໍຖ້າບໍ່ໄຫວໃນການຄອບຄອງ iPhone X  ສີຄຳນີ້, ເຮົາກໍສາມາດສັ່ງເຮັດເອງໄດ້ໃນອິນເຕີເນັດໃນລາຄາທີ່ສູງກວ່າ(ແຕ່ລະວັງອາດຈະບໍ່ມີສາຍສາກແຖມມານຳ).

ອີກຢ່າງໜຶ່ງຄື, ຖ້າຂ່າວລືທີ່ວ່າ Apple ແມ່ນກຳລັງດຳເນີນເຮັດ iPhone X ສີຄຳ ຢູ່ມັນອາດຈະດີກວ່າ ຖ້າເຮົາຈະລໍຖ້າມັນເປີດໂຕແລ້ວຈຶ່ງຊື້.

ເຂົ້າເບິ່ງ iPhone X ທີ່ຂາຍ ໃນເວັບໄຊ Yula.la ໄດ້ແລ້ວໃນມື້ນີ້!