Yula.la ຂ່າວ

ເມື່ອທ່ານກຳລັງວາງແຜນຊື້ລົດ ໂດຍມີງົບປະມານຈຳກັດ, ລົດທີ່ຜ່ານການໃຊ້ງານແລ້ວກາຍເປັນຕົວເລືອກທຳອິດຂອງທ່ານ. ສິ່ງທ້າທາຍສຳລັບທ່ານແມ່ນວ່າທ່ານອາດຈະລົດລົດທີ່ບໍ່ມີຂາຍທົ່ວໄປ ຫຼື ສາມາດໃຊ້ງານໄດ້ປົກກະຕິ ພ້ອມມີເອກະສານແລະປະກັນໄພຄົບຖ້ວນ. ນີ້ແມ່ນ 10 ຢ່າງທີ່ທ່ານຕ້ອງເບິ່ງເວລາຊື້ລົດມືສອງ

1. ຊອກຂໍ້ມູນຂອງລົດລຸ້ນນັ້ນ

ເມື່ອທ່ານກຳລັງຊອກຫາລົດມືສອງ ໃຫ້ທ່ານຂອງຂໍ້ມູນຂອງລົດລຸ້ນນັ້ນເພື່ເບິ່ງຟັງຊັ່ນ, ສະເປັກແລະຂໍ້ມູນອື່ນໆທີ່ທ່ານຕ້ອງການຮູ້ກ່ຽວກັບລົດທີ່ທ່ານກຳລັງຈະຊື້. ນີ້ຈະເປັນສິ່ງທຳອິດທີ່ທ່ານຈະໄດ້ຮູ້ຢ່າງແນ່ນອນວ່າລົດລຸ້ນນັ້ນມີຫຍັງແດ່.

2. ກວດສະພາບລົດ

ເມື່ອໄດ້ພົບຄົນຂາຍ ໃຫ້ທ່ານກວດສອບລົດທັ້ງດ້ານໃນແລະດ້ານນອກ ເພື່ອເບິ່ງວ່າມີສິ່ງຜິດປົກກະຕິຫຼືບໍ່ ຄົນຂາຍຄວນອານຸຍາດໃຫ້ທ່ານກວດສອບລົດທີ່ຂາຍ

3. ກວດສອບຄົນຂາຍ

ທາງເລືອກທີ່ປອດໄພທີ່ສຸດແມ່ນຊື່ຜ່ານຮ້ານລົດມືສອງ ທີ່ມີພະນັກງານປະຈຳສາມາດຈັດການທັ້ງການຂາຍແລະກະກຽມເອກະສາມສຳຄັນໃຫ້ຢ່າງຄົບຖ້ວນ (ຢ່າລືມຖາມເລື່ອງຄ່າທຳນຽມນຳເດີ້) ແຕ່ຖ້າທ່ານຊື້ນຳເຈົ້າຂອງລົດໂດຍກົງ ໃຫ້ທ່ານເຈລະຈາ ບອກສິ່ງທີ່ທ່ານຕ້ອງການ ແລະ ຕໍ່ຮອງເພື່ອໄດ້ລາຄາດີຕໍ່ທັ້ງສອງຝ່າຍ 

4. ຕ້ອງມີເອກະສານຄົບຖ້ວນ

ໃຫ້ທ່ານກວດສອບເບິ່ງວ່າລົດຄັນນັ້ນມີເອກະສານທີ່ກ່ຽວຂ້ອງຄົບບໍ່ເຊັ່ນ ປຶ້ມກວດກາເຕັກນິດ ໃນຄ່າທຳນຽມທາຍ ແລະ ບັດຍານພາຫະນະ

5. ປະກັນລົດ

ຢ່າລືມກວດສອບວ່າລົດມີປະກັນບໍ່ ຖ້າມີ ແມ່ນໃຫ້ຄົນຂາຍໂອນສິດໃຫ້ທ່ານ ຫຼີຖ້າຍັງບໍ່ມີ ໃຫ້ໄປຊື້ປະກັນລົດໄວ້

6. ດັດແປງລົດ

ໃຫ້ທ່ານສັງເກດເບິ່ງວ່າລົດມີການດັດແປງບໍ່ ຫຼື ທ່ານສາມາດຂໍດັດແປງລົດໄດ້

7. ກວດສອບປະຫວັດການກວດເຕັກນິກ

ໃຫ້ທ່ານກວດສອບເບິ່ງວ່າລົດທີ່ທ່ານຈະຊື້ວ່າທີ່ຜ່ານມາ ເຄີຍມີການກວດສອບແລະສ້ອມແປງບໍ່ ເພື່ອຮັບປະກັນວ່າລົດສາມາດໃຊ້ໄດ້ປົກກະຕິ ແລະ ບໍ່ມີຂໍ້ຜິດພາດໃດໆໃນເວລາຂັບຂີ່.

8.   ສັນຍາຂາຍທີ່ເປັນລາຍລັກອັກສອນ

ໃຫ້ທ່ານຖາມຫາສັນຍາກັນຜູ້ຂາຍ ໃຫ້ແນ່ໃຈວ່າສັນຍາໄດ້ບອກເງື່ອນໄຂທີ່ທ່ານ ແລະ ຜູ້ຂາຍຕົກລົງ, ເພື່ອບັນທຶກ ແລະ ເປັນຫຼັກຖານຂໍ້ຕົກລົງລະຫວ່າງທ່ານແລະເຈົ້າຂອງລົດ

9. ກວດສອບລາຄາ

ໃຫ້ສັງເກດເບິ່ງວ່າລາຄາສົມເຫດສົມຜົນບໍ່ ສາມາດຕໍ່ລາຄາໄດ້ບໍ່ ການທີ່ທ່ານຕໍ່ຮອງກັບຜູ້ຂາຍແມ່ນເປັນການດີທີ່ທ່ານຈະໄດ້ລາຄາທີ່ດີທີ່ສຸດ ຫຼັງຈາກທີ່ທ່ານໄດ້ກອດສອບລົດໄປ

10. ທົດລອງຂັບ

ຖາມຜູ້ຂາຍວ່າທານສາມາດເອົາລົດໄປທົດລອງຂັບໄດ້ບໍ່ ນີ້ແມ່ນທາງດຽວທີ່ທ່ານຈະໄດ້ຮູ້ວ່າລົດເປັນແນວໃດ ເພື່ອເປັນການຕັດສິນໃຫ້ທ່ານວ່າຄວນຈະຊື້ລົດຄັນນີ້ຫຼືບໍ່

ເພື່ອຮັບປະກັນວ່າທ່ານຈະໄດ້ລົດມືສອງທີ່ກົງກັບຄວາມຕ້ອງການຂອງທ່ານ ນີ້ແມ່ນສິບວິທີ່ທີ່ຄວນນຳເອາໄປໃຊ້ເພື່ອທີ່ທ່ານຈະໄດ້ບໍ່ຜິດຫວັງກັບລົດມືສອງທີ່ທ່ານຊື້ມາ ພ້ອມທັ້ງໄດ້ລາຄາພິເສດທີ່ທ່ານຫາບໍ່ໄດ້ຢູ່ບ່ອນອື່ນ ລອງເອົາຄຳແນະນຳນີ້ເອົາໄປປັບໃຊ້ໄດ້ເລີຍ

ບົດຄວາມໂດຍ : ວະນິດາ ສຸວັນນະວົງ