Yula.la ຂ່າວ

ລົດກະບະຖືເປັນໜຶ່ງໃນລົດທີ່ຄົນລາວນິຍົມຊົມໃຊ້ຫຼາຍທີ່ສຸດ ບໍ່ວ່າຈະໃຊ້ໃນການປະກອບອາຊີບ, ທ່ອງທ່ຽວ ຫຼື ລົດສ່ວນຕົວ. Toyota Hilux Revo Double Cab ຖືເປັນຫນຶ່ງໃນລົດທີ່ຕອບໂຈດໃນການນຳໃຊ້ເຫຼົ່ານີ້ ຍ້ອນຮູບ ຊົງທີ່ສວຍງາມ ແລະ ແຂງແຮງ. ພ້ອມທັງມີປະສິດທິພາບດ້ານເຄື່ອງຈັກທີ່ສູງເຊິ່ງນອກເໜືອ ຈາກຄວາມທົນ ທານຂອງໂຄງສ້າງພາຍນອກແລ້ວ, ພາຍໃນເອງກໍບໍ່ນ້ອຍໜ້າ ບໍ່ວ່າຈະເປັນດ້ານລູກຫຼິ້ນການໃຊ້ງານລວມທັງ ເທັກໂນໂລຍີໃໝ່ໆທີ່ສອດຄ່ອງກັບຄວາມຕ້ອງການ ຂອງຜູ້ໃຊ້; ໃນນັ້ນມີຫຍັງແນ່? ອ່ານຕໍ່ໄປໄດ້ເລີຍ!

ດ້ານການຕົບແຕ່ງ: ພາຍນອກ: Toyota Hilux Revo ມີຕາໄຟໜ້າທີ່ດູດີແບບ LED ພ້ອມລະບົບປັບລະດັບສູງ ຕ່ຳຂອງໄຟ ແລະ ມີ ໄຟ Daytime Running Lights ທີ່ມີຄວາມແຈ້ງແລະຊັດເຈນ. ໃນດ້ານຕາໄຟຫຼັງທີ່ເປັນຄີບ ຊ່ວຍໃນການຊົງຕົວ ພ້ອມດ້ວຍຕາໄຟທີ່ໃຫ້ຄວາມສະຫວ່າງເພື່ອຊ່ວຍໃນການເດີນ ທາງຕອນຄ່ຳຄືນໄດ້ດີ. ສ່ວນກະຈົກເປັນແບບໄຟຟ້າອັດຕະໂນມັດໃນການເລື່ອນຂຶ້ນ-ລົງ ແລະ ມີລະບົບ Jam Protection ທັງສີ່ບານ, ທີ່ຊ່ວຍໃນປ້ອງກັນການໜີບ ຫຼື ມີຫຍັງຕິດຄາເຊັ່ນ: ຜູ້ທີ່ລູກນ້ອຍມັກຫຼິ້ນແວ່ນມັນກໍຊ່ວຍໃນລະດັບໜຶ່ງໄດ້ໃດ໋. ກະຈົກດ້ານຂ້າງຂອງລົດເຮັດດ້ວຍໂຄມ້ຽມທີ່ມີຂະໜາດໃຫຍ່ເຮັດໃຫ້ມູມມອງການເຫັນກ້ວາງຂຶ້ນ ແລະ ຍັງສາ         ມາດຊ່ວຍໃນການຊົງຕົວໃນການຂັບຂີ່ອີກດ້ວຍ. ລໍ້ລົດອັລລອຍຂະໜາດ 17 ນິ້ວ ພ້ອມຢາງແບບ All Terrian ທີ່ຮອງຮັບການຂັບຂີ່ໄດ້ດີ.

WANT TO READ IN ENGLISH LANGUAGE? Click here

ພາຍໃນ: ສຳລັບພາຍໃນແມ່ນມີລາຍລະອຽດການອອກແບບທີ່ຫຼູຫຼາ,ມີກ່ອງເກັບເຄື່ອງພ້ອມລະບົບຮັກສາຄວາມເຢັນເໝາະ ແກ່ການວາງເຄື່ອງດື່ມເຢັນໆເພື່ອເອົາໄວ້ດື່ມຕໍ່. ດ້ານເທິງມີໄຟທີ່ສະຫວ່າງໄວ້ເປີດເບິ່ງແຜນທີ່ ຫຼື ພາຍໃນລົດພ້ອມ ກັບບ່ອນເກັບສິ່ງຂອງ. ສ່ວນເບາະນັ່ງໃຊ້ວັດສະດຸ PVC ຄຸນນະພາບສູງ. ພວງມາໄລສາມາດປັບລະດັບຄວາມສູງ-ຕ່ຳ ພ້ອມອອກແບບພິເສດໃຫ້ພື້ນຜິວສຳພັດໃຫຍ່ຂຶ້ນ, ສຳພັດໄດ້ດີຂຶ້ນ, ແຮງສັ່ນສະເທືອນຕ່ຳ ແລະ ມິລະບົບຄວບຄຸມ ຄວາມໄວ ອັດຕະໂນມັດ. ຈໍສະແດງຜົນຂໍ້ມູນການຂັບຂີ່ MID 4.2 ນິ້ວ, ລະບົບ Push Start ສະຕາດລົດພຽງສຳພັດທີ່ປຸ່ມ. ລະບົບຄວບຄຸມຄວາມເຢັນອັດຕະໂນມັດ ສາມາດປັບປາກາດໃນລົດໃຫ້ເຢັນສະບາຍ, ພ້ອມດ້ວຍຊ່ອງປັບອາກາດສຳລັບເບາະຫຼັງ. ມີລະບົບເຄື່ອງສຽງພ້ອມໂຕນຳທາງແບບໜ້ຈໍສຳພັດ 7 ນິ້ວ ແລະ ເຄື່ອງໃຫ້ຄວາມບັນເທີງຢ່າງຄົບຖ້ວນໂດຍໃຊ້ຊ່ອງຕໍ່ອຸປະກອນ USB/AUX ຫຼື ເຊື່ອມຕໍ່ດ້ວຍ Bluetooth ພ້ອມລຳໂພງ 8 ຕຳແໜ່ງ ອີກທັງຍັງຮອງຮັບລະບົບນຳທາງ T-Connect ອີກດ້ວຍ.

ສ່ວນດ້ານເຄື່ອງຈັກແມ່ນມີຫຼາຍຕົວເລືອກເຊັ່ນ: ຈັກ GD Efficient Boost ເປັນທີ່ຮ້ອນແຮງໃນຕອນນີ້ດ້ານຂຸມພະລັງແຮງຂອງຈັກແອັດຊັງ 2.4 ລິດ, (ເກຍກະປຸກ 6 speed / ເກຍອໍໂຕ້ 6 speed)

ໃຫ້ກຳລັງ 110 ກິໂລວັດ ( 150 ແຮງມ້າ ) ທີ່ 3400 ຮອບ/ນາທີ ແຮງບິດສູງສຸດທີ່ 400 ນິວຕັນ-ແມັດທີ່ 1600-2000 ຮອບ/ນາທີ. ຈັກແອັດຊັງ 2.4 ລິດ, ເກຍກະປຸກ 5 speed, ໃຫ້ກຳລັງ 110 ກິໂລວັດ (150 ແຮງມ້າ) ທີ່ 34000 ຮອບ/ນາທີ ແຮງບິດສູງສຸດ 343 ນິວຕັນ-ແມັດທີ່ 1400-2800 ຮອບ/ນາທີ.

ຈັກແອັດຊັງ 2.8 ລິດ ( ເກຍອໍໂຕ້ 6 speed ) ໃຫ້ກຳລັງ 130 ກິໂລວັດ ( 177 ແຮງມ້າ ) ທີ່ 3400 ຮອບ/ນາທີ ແຮງບິດສູງສຸດ 450 ນິວຕັນ-ແມັດທີ່ 1600-2400 ຮອບ/ນາທີ.

ຈັກແອັດຊັງ 2.8 ລິດ ( ເກຍກະປຸກ iMT 6 speed ) ໃຫ້ກຳລັງທີ່ 130 ກິໂລວັດ (177 ແຮງມ້າ) ທີ່ 3400 ຮອບ/ນາທີ ແຮງບິດສູງສຸດເຖິງ 420 ນິວຕັນ-ແມັດ ທີ່ 1400 – 2600 ຮອບ/ນາທີ.

ຈັກກາຊວນ 2.7 ລິດ Dual VVT-i ( ເກຍກະປຸກ 5 speed ) ໃຫ້ກຳລັງ 122 ກິໂລວັດ ( 166 ແຮງມ້າ ) ທີ່ 5200 ຮອບ/ນາທີ ແຮງບິດສູງສຸດເຖິງ 245 ນິວຕັນ-ແມັດ ທີ່ 4000 ຮອບ/ນາທີ ແລະ ຮອງຮັບນ້ຳມັນ E20.

ນອກຈາກການຕົບແຕ່ງທີ່ສວຍງາມ ແລະ ລູກຫຼິ້ນທີ່ສົມບູນແບບ, ອີກເລື່ອງທີ່ຜູ້ຂັບຂີ່ ຫຼື ຜູ້ຊື້ກັງວົນກໍຄື ຄວາມປອດໄພ. ບໍ່ວ່າລົດຈະມີລາຄາແພງເທົ່າໃດຫາກບໍ່ມີຄວາມປອດໄພກໍໄຮ້ຄ່າ. ເມື່ອເລື່ອງຄວາມປອດໄພຖືເປັນອີກປັດໃຈທາງເລືອກຂອງຜູ້ຊົມໃຊ້ ເຮົາລອງມາເບິ່ງກັນວ່າລົດກະບະລຸ້ນນີ້ມີຫຍັງປ້ອງກັນເຮົາແນ່. ດ້ານໂຄງສ້າງຕົວຖັງນິລະໄພເປັນແບບ GOA ແລະ ມີຄານເຫຼັກນິລະໄພດ້ານຂ້າງ ຊ່ວຍໃນການກະຈາຍແຮງກະທົບຈາກກັນຊົນດ້ານໜ້າ ແລະ ດ້ານຂ້າງ. ມີລະບົບກັນລໍ້ລ໋ອກ ABS ທີ່ຊ່ວຍຄວບຄຸມລົດເມື່ອເກີດການເບກກະທັນຫັນ ພ້ອມດ້ວຍລະບົບກະຈາຍແຮງເບກ EBD ທີ່ຊ່ວຍກະຈາຍແຮງເບກໃນແຕ່ລະລໍ່້ໃຫ້ສົມດຸນເພື່ອປ້ອງກັນທ້າຍລົດສະບັດ. ມີກ້ອງຫຼັງທີ່ຊ່ວຍສະແດງມຸມມອງດ້ານຫຼັງຂອງລົດຜ່ານໜ້າຈໍ LCD ເມ່ືອມີການເຂົ້າເກຍຖອຍຫຼັງເຮັດໃຫ້ຈອດໄດ້ຖືກຈຸດ ແລະ ປອດໄພ. ລວມທັງລະບົບປົກປ້ອງ Passive Safety ທີ່ມີຖົງລົມວາງໄວ້ເຈັດຕຳແໜ່ງຮອບຄັນເພື່ອປ້ອງກັນການບາດເຈັບເມື່ອເກີດອຸບັດຕິເຫດ ຄືການເສີມຖົງລົມດ້ານໜ້າສອງຕຳແໜ່ງ, ດ້ານຂ້າງສອງຕຳແໜ່ງ, ມ່ານ ສອງຕຳແໜ່ງ ແລະ ດ້ານເຂົ່າຄົນຂັບອີກໜຶ່ງຕຳແໜ່ງ ເພື່ອເສີມປະສິດທິພາບຄວາມປອດໄພໃຫ້ຜູ້ໂດຍສານພາຍໃນລົດ.

ສະຫຼຸບແລ້ວ, ໃຜທີ່ມັກລົດທີ່ແຂງແຮງ, ປອດໄພ ແລະ ປະຫຍັດນ້ຳມັນເຂົ້າໃນການເຮັດວຽກທີ່ຕ້ອງການໃຊ້ລົດທີ່ແຂງແກ່ນແບບນີ້ ບໍ່ວ່າ ຈະເປັນຂົນເຄື່ອງ, ເດີນທາງອອກຕ່າງແຂວງ ຫຼື ສະຖານທີ່ທີ່ທຸລະກັນດານ Toyota Hilux Revo Double Cab ແມ່ນສາມາດ ຕອບ ໂຈດທ່ານໄດ້ດີເລີຍ ຫຼື ວ່າທ່ານເປັນຄົນໜຶ່ງທີ່ມັກທ່ອງທ່ຽວເດີນທາງແບບລຸຍໆເຊັ່ນ ຂຶ້ນພູ, ລົງຜາ ສະໄຕຣປະຈົນໄພມັນກໍຊິວໆເລີຍ ສຳລັບກະບະຄັນນີ້. ແຕ່ເຖິງວ່າເຮົາຈະບໍ່ແມ່ນສາຍລຸຍ ຫຼື ສາຍຄ້າຂາຍກໍສາມາດຂັບກະບະທີ່ມີຄວາມຫຼູຫຼາ ແລະ ປອດໄພໃນການນຳໃຊ້ຕາມຖະໜົນຫົນທາງໄດ້ເຊັ່ນດຽວກັນ.

ຫາຊື້ Toyota Hilux Revo ທີ່ຂາຍໃນ www.yula.la ໄດ້ເລີຍ!