Yula.la ຂ່າວ

ໂຄງການຝຶກອົບຮົມ Yula.la TopSeller

ຫຼັກສູດ ປີ 2020 - ການບໍລິຫານລູກຄ້າ ແລະ ການຝຶກອົບຮົມການຂາຍ v1.0

ຜູ້ຈັດງານ: ບໍລິສັດ ດິຈິຕອນ ຄລາດຊິຟາຍ ລາວ - ເຈົ້າຂອງ ແລະ ຜູ້ດຳເນີນເວັບໄຊທ໌ Yula.la ແລະ Banlao.la. ດຳເນີນທຸລະກິດດ້ານການຕະຫລາດອອນລາຍ ແລະ ການບໍລິການດ້ານດິຈິຕອນ ໃຫ້ແກ່ທຸລະກິດຂະໜາດນ້ອຍໃນວຽງຈັນ, ປະເທດລາວ. ມີພະນັກງານທັງຄົນລາວ ແລະ ຄົນຕ່າງປະເທດຫຼາຍກວ່າ 15 ຄົນ. ມີພະແນກການຂາຍ ແລະ ທີມງານທີ່ມີຄວາມຕັ້ງໃຈ ເຊິ່ງມີປະສົບການການຂາຍໂດຍກົງຫຼາຍກວ່າ 50 ປີ.

ສະຖານທີ່ຝຶກອົບຮົມ: ການຝຶກອົບຮົມແມ່ນຈະດຳເນີນຜ່ານຊອບແວ zoom webinar.

https://zoom.us/

ຄູ່ຮ່ວມງານຫຼັກອື່ນໆ: Katalyst Partners Laos (ບໍລິການຝຶກອົບຮົມພະນັກງານມືອາຊີບ: https://www.facebook.com/katalystpartners/ ), Lao Lake House (ຜູ້ຝຶກອົບຮົມການຂາຍລະດັບປະເທດໃນອົດສະຕາລີ ທີ່ມີປະສົບການຫຼາຍກວ່າ 25 ປີ: https://www.linkedin.com/in/charlienicholls/ ) ແລະ ບັນດາແຂກຮັບເຊີນໃນພາກສ່ວນອຸດສາຫະກຳ ການຂາຍ ແລະ ການຕະຫລາດ.

ພາສາທີ່ໃຊ້: ເນື້ອໃນການຝຶກອົບຮົມຈະມີທັງພາສາອັງກິດ ແລະ ລາວໂດຍບັນດາຜູ້ບັນລະຍາຍຈາກທັງດີຊີລາວ, ບໍລິສັດຄູ່ຮ່ວມງານ ແລະ ສະຖານທີ່ຝຶກອົບຮົມຕ່າງໆ ໃນລາວ.

ຄຸນສົມບັດທີ່ຕ້ອງມີ: ບໍ່ຈຳເປັນຕ້ອງມີຄຸນສົມບັດສະເພາະເຈາະຈົງ. ຖ້າມີປະສົບການດ້ານການຂາຍມາກ່ອນແມ່ນເປັນການດີ ລວມທັງການເຄີຍມີບົດບາດສຳ ຄັນໃນວຽກງານການຂາຍ. ສາມາດໃຊ້ພາສາລາວ ຫຼື ພາສາອັງກິດໄດ້ດີ ແລະ ສາມາດເຂົ້າເຖິງແຫຼ່ງຂໍ້ມູນ ອອນລາຍໄດ້. ຈຳເປັນຕ້ອງມີທັກສະດ້ານໄອທີຂັ້ນພື້ນຖານໃນການນຳໃຊ້ການໂທຜ່ານທາງວິດີໂອ, ການໂທດ້ວຍສຽງ, ການແຊຣໜ້າຈໍ ແລະ ການແຊຣຟາຍ.

ພາບລວມ:

ການຝຶກອົບຮົມການຂາຍທັງ 4 ຕອນນີ້ ແມ່ນເພື່ອເຮັດໃຫ້ເຂົ້າໃຈອົງປະກອບໂດຍລວມທັງໃນຂະບວນການຂາຍ, ຈິດຕະສາດ ໂດຍສະເພາະການນຳໃຊ້ການບໍລິຫານຈັດການກຸ່ມລູກຄ້າເປົ້າໝາຍເພື່ອໃຫ້ໄດ້ລູກຄ້າໃໝ່. ຫຼັກສູດດັ່ງກ່າວແມ່ນມີການພັດທະນາໃນເບື້ອງຕົ້ນ ເພື່ອສະໜັບສະໜູນທີມຂາຍໃນການພົວພັນກັບລູກຄ້າທີ່ໄດ້ຮັບຈາກ www.yula.la ແລະ banlao.la. ການຝຶກອົບຮົມດັ່ງກ່າວຊ່ວຍໃຫ້ທ່ານສາມາດສ້າງລາຍໄດ້ຈາກລູກຄ້າເຫຼົ່ານີ້ຫຼາຍຂື້ນ, ໂດຍຜ່ານເຕັກນິກການຂາຍທີ່ສອດຄ່ອງ ແລະ ມີເປົ້າໝາຍຫຍິ່ງຂື້ນ.

ຜູ້ເຂົ້າຮ່ວມຝຶກອົບຮົມຈະໄດ້ຮຽນຮູ້ວິທີພົວພັນກັບກຸ່ມລູກຄ້າເປົ້າໝາຍໄດ້ຢ່າງໄວວາ ແລະ ເກີດຜົນ, ສາມາດສ້າງມູນຄ່າໃນຜະລິດຕະພັນ ແລະ ການບໍລິການທີ່ພວກເຂົາກຳລັງຂາຍຢູ່ ຜ່ານການວິເຄາະຄວາມຕ້ອງການ ແລະ ເຕັກນິກການຂາຍທີ່ເນັ້ນໃສ່ຜູ້ບໍລິໂພກເປັນຫຼັກ. ສາມາດປິດການຂາຍ ແລະ ສຳເລັດຂະບວນການຂາຍ, ການບໍລິຫານເວລາ, ການບໍລິຫານການຂາຍ ລວມທັງການຕິດຕາມໃນບາງດ້ານ.

ຫຼັກສູດນີ້ແມ່ນຫຼັກສູດທີ່ຕ້ອງການໃຫ້ຜູ້ຝຶກອົບຮົມມີສ່ວນຮ່ວມຕົວຈິງ - ບໍ່ວ່າຈະເປັນການຈັດງານທົ່ວໄປ ຫຼື ທາງອອນລາຍ. ພວກເຮົາຢາກໃຫ້ມີການພົວພັນ ແລະ ມີສ່ວນຮ່ວມກັບຜູ້ຝຶກສອນ ແລະ ຫວັງວ່າຜູ້ເຂົ້າຮ່ວມຝຶກອົບຮົມຈະກ້າເຮັດໃນສິ່ງໃໝ່ໆ. ຜູ້ທີ່ຈົບຫຼັກສູດຈະມີການກະກຽມທີ່ດີຂຶ້ນໃນການບັນລຸເປົ້າໝາຍການຂາຍພາຍໃນບໍລິສັດຂອງພວກເຂົາ ແລະ ຊ່ວຍໃຫ້ຜູ້ຂາຍເຫຼົ່ານັ້ນເພີ່ມມູນຄ່າທຸລະກິດທີ່ພວກເຂົາສາມາດສ້າງເອງໄດ້.

ສຳລັບໂຄງການຕໍ່ໄປແມ່ນຈະດຳເນີນຕໍ່ ອີງຕາມຄວາມສໍາເລັດຂອງຫຼັກສູດທໍາອິດ ແລະ ຄຳຕິຊົມຂອງຜູ້ເຂົ້າຮ່ວມຝຶກອົບຮົມ.

ຄວາມຍາກ: ລະດັບພື້ນຖານ - ນີ້ແມ່ນຫຼັກສູດແນະນຳເທົ່ານັ້ນ. ເຖິງຢ່າງໃດກໍ່ຕາມ, ເຖິງແມ່ນວ່າຜູ້ຂາຍທີ່ມີປະສົບການມາແລ້ວ ກໍຈະເປັນການເພີ່ມພູນແນວຄວາມຄິດ ແລະ ທັດສະນະໃໝ່ໆ ເຊິ່ງ ຍິນດີຫາກທ່ານຮ່ວມແບ່ງປັນປະສົບການທີ່ມີຄ່າກັບກຸ່ມຜູ້ເຂົ້າຮ່ວມຝຶກອົບຮົມຄົນອື່ນໆ.

ການຢັ້ງຢືນ: ສິ່ງທີ່ຜູ້ເຂົ້າຮ່ວມຝຶກອົບຮົມຈະໄດ້ຮັບ ປະກອບດ້ວຍສອງອົງປະກອບຄື: ຫຼັກສູດສຳມະນາຝຶກອົບຮົມ + ການສອບເສັງຈົບຫຼັກສູດ.

ພາກທີ 1: ການສຳມະນາຜ່ານທາງວິດີໂອ 4 ຊົ່ວໂມງ + ກິດຈະກຳທີ່ກ່ຽວຂ້ອງ ແລະ ຫຼັກສູດ = 6 ໜ່ວຍກິດ

+

ພາກທີ 2: ການທົດສອບອອນລາຍຫຼັງຈາກການຝຶກອົບຮົມ 4 ຊົ່ວໂມງ = 6 ໜ່ວຍກິດ

=

ລວມຄະແນນສະເລ່ຍທັງໝົດ - 12 ໜ່ວຍກິດ ສຳລັບຄະແນນສະເລ່ຍ 100%.

ພາບລວມຂອງຫຼັກສູດ:

ຕອນທີ 1 - ມິຖຸນາ 2020

ຫົວຂໍ້: ຂັ້ນຕອນການຂາຍ: ຄວາມຕ້ອງການ + ຜົນປະໂຫຍດ = ມູນຄ່າ

ວັນທີ: 9.6.2020

ເວລາ: 2.00 - 3.00 ໂມງ + ການລົງທະບຽນ

ຕອນທີ 2 - ກໍລະກົດ 2020

ຫົວຂໍ້: ໄດ້ລູກຄ້າບໍ່ໝາຍວ່າຂາຍໄດ້: ວິທີການປິດການຂາຍ

ວັນທີ: 7.7.2020

ເວລາ: 2.00 - 3.00 ໂມງ  +  ການລົງທະບຽນ

ຕອນທີ 3 - ສິງຫາ 2020

ຫົວຂໍ້: ຂັ້ນຕອນການຂາຍ: ຂໍ້ຜິດພາດທົ່ວໄປ ແລະ ການສ້າງຂະບວນການຂາຍທີ່ໄວຂຶ້ນ

ວັນທີ: 4.8.2020

ເວລາ: 2.00 - 3.00 ໂມງ + ການລົງທະບຽນ

ຕອນທີ 4 - ກັນຍາ 2020

ຫົວຂໍ້: ການສ້າງຄວາມປະທັບໃຈໃນ 5 ວິນາທີ: ວິທີໃນການໂທຫາລູກຄ້າ (the art of the cold call)

ວັນທີ: 8.9.2020

ເວລາ: 2.00 - 3.00 ໂມງ + ການລົງທະບຽນ

ແບບຟອມລົງທະບຽນ: https://docs.google.com/forms/d/e/1FAIpQLSe83hGMaFIunjCl9BwmUS_ZedA5nuGaEN-r2rCARswfkkjY9Q/viewform -- ກົດເຂົ້າລິ້ງນີ້ເພື່ອລົງທະບຽນເຂົ້າຮ່ວມໂຄງການຝຶກອົບຮົມ.