Yula.la ຂ່າວ

ບ້ານຖືເປັນໜຶ່ງໃນຊັບສິນທີ່ມີຄ່າທີ່ສຸດ ແລ້ວທ່ານຈະຮູ້ໄດ້ແນວໃດວ່າມັນເຖິງເວລາທີ່ທ່ານຕ້ອງເພີ່ມຜົນແທນຈາກການລົງທຸນເຂົ້າໃນຊັບສິນທີ່ເປັນທີ່ອາໄສຂອງທ່ານ. ການຂາຍຫຼືປ່ອຍເຊົ່າບ້ານຖືເປັນການຕັດສິນໃຈທີ່ສຳຄັນສຳລັບທ່ານ ເພາະມັນເປັນສະຖານທີທີ່ທ່ານໄດ້ໃຊ້ຊີວິດ ບໍ່ວ່າຈະຢູ່ຄົນດຽວ ຫຼຶ ຢູ່ກັບຄອບຄົວທີ່ທ່ານຮັກ. ທ່ານອາດຈະພ້ອມແລ້ວກັບການຢ້າຍໄປຢູ່ບ້ານທີ່ຕົງກັບຄວາມຕ້ອງການ ແລະສະດວກສະບາຍສຳລັບອາໄສຢູ່. ນີ້ແມ່ນ 5 ສັນຍານທີ່ທ່ານຄວນສັງເກດ ຖ້າທ່ານກຳລັງຕັດສິນໃຈຂາຍບ້ານ ຫຼື ປ່ອຍເຊົ່າ.

1. ສະມາຊິກຄອບຄົວມີຫຼາຍຂຶ້ນ

ເມື່ອຄອບຄົວຂອງທ່ານມີສະມາຊິກໃນຄອບຄົວຫຼາຍຂຶ້ນ ການມີທີ່ຢູ່ອາໄສທີ່ແອອັດອາດຈະບໍ່ແມ່ນການດີ ທ່ານອາດຈະຕ້ອງການບ້ານທີ່ໃຫຍ່ຂຶ້ນ ທີ່ສາມາດຮອງຮັບຈຳນວນສະມາຊິກໃນຄອບຄົວ ແລະ ເຟນິເຈີ້ທີ່ມີເພີ່ມຂຶ້ນ

2. ມີການປ່ຽແປງໃນການໃຊ້ຊີວິດ

ທ່ານອາດຈະໄດ້ວຽກໃໝ່ທີ່ຢູ່ໄກຈາກບ້ານປັດຈຸບັນ ຫຼືທ່ານມີງານອາດິເຣກທີ່ຕ້ອງໃຊ້ສະຖານທີ່ຫຼາຍ ນີ້ຈຶງເປັນສາເຫດທີ່ທ່ານຕ້ອງຊອກຫາທີ່ຢູ່ໃໝ່ທີ່ຕົງກັບຄວາມຕ້ອງການ ແລະຕ້ອງຂາຍບ້ານເກົ່າ

3. ຕະຫຼາດອະສັງຫາລິມະຊັບອຳນວຍຕໍ່ການຂາຍ

ທ່ານອາຈະໄດ້ເຫັນການຕະຫຼາດອະສັງຫາລິມະສັບເຕີບໃຫຍ່ຂຶ້ນ ເຊິ່ງມັນອາດຈະຊ່ວຍທ່ານຂາຍບ້ານໃນລາຄາທີ່ດີ ແລະ ຕົງກັບຄວາມຕ້ອງການຂອງຜູ້ທີ່ກຳລັງຫາບ້ານ ຖືເປັນການຮັບລາຍໄດ້ກ້ອນໃຫຍ່ສຳລັບທ່ານ

4. ທ່ານໄດ້ສຶກສາຕະຫຼາດອະສັງຫາລິມະຊັບມາແລ້ວ

ທ່ານໄດ້ສຶກສາມາແລ້ວວ່າຄົນທີ່ກຳລັງຊອກຊື້ບ້ານຕ້ອງການຫຍັງ ແລະ ກຳໄລທີ່ທ່ານຈະໄດ້ຈາກການຂາຍບ້ານຂອງທ່ານ ທ່ານອາດຈະໄດ້ມີການແປງບ້ານເພື່ອສະໜອງຄວາມຕ້ອງການຂອງຜູ້ຊື້

5. ທ່ານໄດ້ວາງແຜນໃນການສ້າງ ຫຼື ຢ້າຍບ້ານໄວ້ແລ້ວ

ທ່ານອາດຈະກຳລັງສ້າງບ້ານໃນຝັນຂອງທ່ານ ຫຼືຢ້າຍໄປທີ່ໂຄງການບ້ານທີ່ທ່ານມັກ ການຂາຍຫຼືປ່ອຍເຊົ່າບ້ານປັດຈຸບັນເປັນສິ່ງທີ່ລ່ຽງບໍ່ໄດ້ ພ້ອມທັ້ງສ້າງລາຍໄດ້ໃຫ້ແກ່ທ່ານໃນລະຫວ່າງການປ່ຽແປງທີ່ຢູ່ຂອງທ່ານ