Yula.la ຂ່າວ

ສັນຍາເຊົ່າເປັນເຄື່ອງມືໃນການບອກຂໍ້ຕົກລົງຂອງຜູ້ເຊົ່າ ແລະ ຜູ້ໃຫ້ເຊົ່າ ເປັນການປົກປ້ອງສິດທິໃຫ້ກັບທັ້ງສອງຝ່າຍ ມື້ນີ້ເຮົາຈະມາແນະນຳ 7 ຈຸດທີ່ຄວນໃສ່ລົງໃນສັນຍາ ເພື່ອໃຫ້ເກີດປະສິດຕິຜົນໃຫ້ແກ່ຜູ້ໃຫ້ເຊົ່າ ແລະ ຜູ້ເຊົ່າ ແລະຕົກລົງຕາມເງື່ອນໄຂຢາງເປັນເອກະພາບ

1. ຂໍ້ມູນຜູ້ໃຫ້ເຊົ່າ ແລະ ຜູ້ເຊົ່າ

ຢ່າງທຳອິດກໍ່ຄື ຊື່ ນາມສະກຸນ ເລກບັດປະຈຳຕົວ ຫຼື ພາສປອດ ທະບຽນບ້ານຂອງທັ້ງສອງຝ່າຍເພື່ອບອກວ່າໃຜກຳລັງເປັນຄົນເຮັດສັນຍາ ໃນສັນຍາສາມາດລະບຸຜູ້ເຊົ່າທັ້ງໝົດດ້ວຍ. ໃນສັນຍາສາມາດວາງໝາຍເຫດໄດ້ວ່າໃຜບໍ່ໄດ້ຢູ່ໃນສັນຍາຜູ້ໃຫ້ເຊົ່າມີສິດບໍ່ໃຫ່ຢູ່ໄດ້ ເພື່ອປ້ອງກັນການປ່ອຍເຊົ່າຕໍ່ໂດຍທີ່ເຈົ້າຂອງສະຖານທີ່ບໍ່ຮູ້

2. ຂໍຕົກລົກເລື່ອງການຊຳລະເງິນ

ລະບຸຈຳນວນຂອງຄ່າເຊົ່າຕໍ່ເດືອນ ຄ່າມັດຈຳ ຊຳລະລ່ວງໜ້າ ເງິນປະກັນ ຄ່ານ້ຳຄ່າໄຟ ຄ່າສ້ອມແປງແລະທຳຄວາມສະອາດ ໃຫ້ຊັດເຈນ ຮ່ວມເຖິງວິທີການ ຫຼື ບັນຊີທີ່ຮັບຊຳລະເງິນໃຫ້ຊັດເຈນເຊັ່ນ ເປັນເຊັກ ເງິນສົດ ຫຼື ໂອນເງິນ

3. ລາຍລະອຽດຂອງສະຖານທີ

ໃຫ້ລະບຸຊັນສິນທີ່ໃຫ້ເຊົ່າໃນສັນຍາເຊົ່າ ໂດຍລະບຸທັ້ງບ້ານເລກທີ ຫຼື ເລກທີຫ້ອງ, ຮ່ອມ, ຖະໜົນ, ເມືອງ ແຂວງໃຫ້ຮຽບຮ້ອຍ ແລະ ຫາກມີເຟີນິເຈີ ເຄື່ອງໃຊ້ໄຟຟ້າ ຂອງຕົບແຕ່ງ ກໍ່ຄວນໃສ່ໄວ່ໃນສັນຍາເຊົ່າ ພ້ອມຈຳນວນກະແຈ ຫຼື ບັດເຂົ້າຫ້ອງ ທີ່ໃຫ້ໄວ້ກັບຜູ້ເຊົ່ານຳ

4. ຈຸດປະສົງໃນການເຊົ່າ

ຕ້ອງລະບຸຈຸດປະສົງໃນການເຊົ່າຢ່າງຊັດເຈດເຊັ່ນ: ເພື່ອຢູ່ອາໄສ, ເພື່ອທຸລະກິດເທົ່ານັ້ນ ເພື່ອປ້ອງກັນບໍ່ໃຫ້ຜູ້ເຊົ່ານຳເອົາໄປປ່ອຍເຊົ່າຕໍ່ ນອກເໜືອຈາກທີ່ສັນຍາລະບຸໄວ້

5. ໄລຍະເວລາໃນການເຊົ່າ ແລະ ການຕໍ່ສັນຍາ

ຄວນລະບຸໄລຍະເວລາໃນການເຊົ່າໃຫ້ຊັດເຈນ ເຊັ່ນ 3 ເດືອນ ໜຶ່ງປີ ສາມປີ ແລະ ລະບຸ ວັນ ເດືອນ ປີ ທີ່ເລີ່ມຕົ້ນໃນການເຊົ່າ ຈົນເຖິງ ວັນ ເດືອນ ປີ ທີ່ສິນສຸດການເຊົ່າໄວ້ຊັດເຈນ ແລະລະບຸຕໍດ້ວຍວ່າເປັນຕາມຂໍ້ຕົກລົງນີ້ໄປຈົນກວ່າຈະມີການບອກຍົກເລີກສັນຍາ ໍຫຼື ລະບຸການຕໍ່ສັນຍາກ່ອນໝົດສັນຍາເດີມ 30 - 45 ມື້ ສ່ວນຜູ້ເຊົ່າເມື່ອຢູ່ເກີນສັນຍາແລ້ວ ຄວນແຈ້ງແກ່ຜູ້ໃຫ້ເຊົ່າກ່ອນໝົດສັນຍາພາຍໃນ 30 - 45 ມື້ ກ່ອນຢ້າຍອອກໂດຍມີຫຼັກຖານການແຈ້ງໄວ້ຢືນຢັນດ້ວຍ

6. ກົດລະບຽບຂອງສະຖານທີ

ໃສ່ກົດລະບຽບຂອງສະຖານທີ່ນັ້ນໃຫ້ຜູ້ເຊົ່າໃຫ້ຮັບຮູ້ແລະເອົາໄປປະຕິບັດຕາມເຊັ່ນ ກະຕິກາການຈອດລົດ ການເກັບຂີ້ເຫຍື້ອຍ ການກະທຳຜິດຕໍ່ກົດໝາຍ ການຫ້າມລ້ຽງສັດ ແລະ ສິດໃນການເຂົ້າໃຊ້ພື້ນທີ່ສ່ວນກາງທີ່ມາກັບສະຖານທີ່ເຊັ່ນບ່ອນຈອດລົດ ຫ້ອງອອກກຳລັງກາຍ ຫຼື ຫ້ອງປະຊຸມ

7. ຂໍ້ປະຕິບັດຫາກຜິດສັນຍາ

ລະບຸຂໍ້ປະຕິບັດຫາກຜິດສັນຍາໃຫ້ຊັດເຈນ ໂດຍແບ່ງໃຫ້ເປັນໜຶ່ງຫົວຂໍ້ໃນກໍລະນີຕ່າງໆ ໃຫ້ຜູ້ໃຫ້ເຊົ່າ ແລະ ຜູ້ເຊົ່າຕົກລົງເພື່ອບໍ່ໃຫ້ເກີດບັນຫາກັນໃນພາຍຫຼັງຢ່າງເຊັ່ນ: ຖ້າຜູ້ເຊົ່າບໍ່ຢູ່ຄົບຕາມສັນຍາ ຜູ້ໃຫ້ເຊົ່າສາມາດຍຶດຄ່າມັດຈຳ, ຜູ້ໃຫ້ເຊົ່າຕ້ອງຄືນຄ່າມັດຈຳໃຫ້ທັນທີ່ເມື່ອສັນຍາເຊົ່າໝົດອາຍຸ, ຄ່າປັບໃນກໍລະນີຈ່າຍຄ່າເຊົ່າຊ້າກວ່າກຳໜົດ, ຫານຜູ້ເຊົ່າເຮັດຜິດກົດລະບຽບ ຜູ້ໃຫ້ເຊົ່າສາມາດຍົກເລີກສັນຍາໄດ້, ຜູ້ເຊົ່າຕ້ອງປະຕິບັັດຄາມກົດລະບຽບຂອງສະຖານທີທີ່ວາງໄວ້ 

ສຸດທ້າຍທ້າຍກໍ່ແມ່ນລົງຊື່ພ້ອມພະຍານ ຊຳລະເງິນຕາມເງື່ອນໄຂ ກໍ່ເປັນອັນສົມບູນ ຢ່າລືມມອບໃບສັນຍາໄວ້ຝັ່ງລະໜຶ່ງສະບັບ ພ້ອມເອກະສານອື່ນໄວ້ນຳ

ຖ້າໃຜສົນໃຈທີ່ຈະປ່ອຍເຊົ່າ ຫຼື ຫາສະຖານທີ່ໃຫ້ເຊົ່າ ເຮົາຂໍແນະນຳໃຫ້ທ່ານເຂົ້າໄປທີ່ www.yula.la/real-estateເພື່ອຊອກຫາ ແລະ ໂຄສະນາອະສັງຫາລິມະຊັບເພື່ອປ່ອຍເຊົ່າ ຫຼື ໃຫ້ເຊົ່າ