Yula.la ຂ່າວ

ການເປັນນັກຂາຍແບບມືອາຊີບໃນລາວ

ການຂາຍໃນລາວ – ໂຄງການຝຶກອົບຮົມສຸດຍອດນັກຂາຍໂດຍ 

ທ່ານຕ້ອງການເປັນນັກຂາຍທີ່ປະສົບຜົນສໍາເລັດກັນຢູ່ ຫຼື ບໍ່? ການຂາຍມັນບໍ່ງ່າຍດັ່ງທີ່ເຮົາຄິດ, ເມື່ອຕ້ອງຂາຍສິນຄ້າ ຫຼື ການບໍລິການໃດໜຶ່ງໃຫ້ກັບລູກຄ້າ ຫຼື ບັນດາທຸລະກິດຕ່າງໆ,ມີຫຼາຍສິ່ງທີ່ທ່ານຈໍາເປັນຕ້ອງຮຽນຮູ້ເພື່ອພິຊິດມັນ.ການຂາຍບໍ່ໄດ້ເປັນພຽງແຕ່ການຫາເງິນເທົ່ານັ້ນ, ມັນຍັງເປັນການສ້າງສາຍສໍາພັນກັບລູກຄ້າອີກດ້ວຍເພື່ອເຂົ້າໃຈຄວາມຕ້ອງການຂອງພວກເຂົາ, ແລະ ສະໜອງການບໍລິການ ຫຼື ຜະລິດຕະພັນໃດໜຶ່ງທີ່ຈະໄປແກ້ໄຂບັນຫາທີ່ພວກເຂົາມີ, ນັ້ນແລະຄືຂັ້ນຕອນຂອງການຂາຍ.

 ທ່ານໂຊກດີທີ່ສຸດ, ເພາະພວກເຮົາມີການຝຶກອົບຮົມແບບຄົບຊຸດເພື່ອຈະສອນວິທີໃຫ້ແກ່ທ່ານໃຫ້ກາຍເປັນສຸດຍອດນັກຂາຍທີ່ປະສົບຜົນສໍາເລັດໃນລາວໄດ້ ໂດຍບົດຄວາມສຸດຍອດນັກຂາຍຂອງພວກເຮົາຊຶ່ງຈະປະກອບມີທັງໝົດ 4 ພາກ. ທ່ານສາມາດກວດເບິ່ງວາລະກອງປະຊຸມ ແລະ ຂໍ້ມູນດ້ານການຝຶກອົບຮົມໄດ້ທີ່ນີ້

ການຂາຍບໍ່ໄດ້ເປັນພຽງແຕ່ຜົນລັບ ແຕ່ມັນຄືທັກສະທີ່ຕ້ອງຮຽນຮູ້.

- ບໍ່ແມ່ນວ່າໃຜໆກໍ່ຂາຍສິນຄ້າເປັນ. ເພາະນີ້ແມ່ນສິ່ງທີ່ທ່ານຄວນຮຽນແລະໄດ້ຮັບການສິດສອນຄັກແນ່ ຫຼື ເວົ້າອີກຢ່າງໜຶ່ງຄື, ມັນບໍ່ສາມາດເກີດຂຶ້ນໄດ້ເອງແຕ່ຄືທັກສະທີ່ຈະຕ້ອງໄດ້ມີການຮຽນຮູ້ ແລະ ຝຶກຝົນຢູ່ສະເໝີ.

- ອາດຕ້ອງໃຊ້ເວລາຫຼາຍປີເພື່ອຮຽນຮູ້ວິທີການຂາຍທີ່ຖືກຕ້ອງ ແລະ ການອົດທົນທີ່ຈະສຶກສາໃນຂະບວນການດັ່ງກ່າວນັ້ນກໍ່ເປັນເລື່ອງປົກກະຕິດັ່ງນັ້ນທ່ານຢ່າໄດ້ກັງວົນໄປເລີຍ! 

ວິທີທີ່ດີທີ່ສຸດໃນການເປັນນັກຂາຍທີ່ດີຄືຫຍັງ?

ກົນລະຍຸດໃນການຂາຍເພື່ອໃຫ້ປະສົບຜົນສໍາເລັດຢ່າງສະໝໍ່າສະເໝີຄືຫຍັງ?

ການເປັນນັກຂາຍທີ່ດີຄວນມີ:

1. ປະຕິບັດຕາມຂັ້ນຕອນໃນການຂາຍຢ່າງຖືກຕ້ອງເພື່ອເຮັດໃຫ້ການຂາຍເປັນໄປຢ່າງທໍາມະຊາດ.

2.ປະຕິບັດຕາມຂັ້ນຕອນໃນການຂາຍຢ່າງຊັດເຈນເພື່ອເຮັດໃຫ້ຜູ້ຂາຍປະສົບຜົນສໍາເລັດພາຍຫລັງທີ່ໄດ້ມີການຝຶກຝົນຕົນເອງຢ່າງພຽງພໍ.

 ຂັ້ນຕອນຂອງການຂາຍປະກອບມີ 4 ຂັ້ນຕອນຫຼັກທີ່ທ່ານຄວນປະຕິບັດຕາມລໍາດັບ

 ຖ້າທ່ານເຂົ້າໃຈກ່ຽວກັບຂັ້ນຕອນຂອງການຂາຍແລ້ວ ທ່ານສາມາດເປັນຄົນໜຶ່ງທີ່ສາມາດຫາລາຍໄດ້ຢ່າງມະຫາສານ, ຊຶ່ງຂັ້ນຕອນທີ່ກ່າວມານີ້ປະກອບມີ 3 ອົງປະກອບຫຼັກເຊັ່ນ: 

 ຄວາມຕ້ອງການ+ຜົນປະໂຫຍດ = ມູນຄ່າ

ຄວາມຕ້ອງການ: ຄວາມຕ້ອງການຄືຕົວລະບຸແຮງພັກດັນຂອງລູກຄ້າ.ທ່ານຄວນຊອກໃຫ້ໄດ້ວ່າແມ່ນຫຍັງຄືສິ່ງທີ່ລູກ ຄ້າຕ້ອງການຕອນນີ້. ຄວາມຕ້ອງການ, ຄວາມປາຖະໜາ ຫຼື ບັນຫາໃດແນ່ຂອງພວກເຂົາເຈົ້າທີ່ຄວນໄດ້ຮັບການແກ້ໄຂ.

ຜົນປະໂຫຍດ: ລູກຄ້າຈະໄດ້ຜົນປະໂຫຍດຫຍັງຈາກຜະລິດຕະພັນ ແລະ ການບໍລິການດັ່ງກ່າວ? ຄວນຈະເບິ່ງສິ່ງທີ່ທາງບໍລິສັດສະໜອງ ແລະ ມາລະບຸໃຫ້ໄດ້ວ່າຜົນປະໂຫຍດໃດແນ່ທີ່ລູກຄ້າຄວນໄດ້ຮັບໂດຍຊັ່ງຊາຕາມຄວາມຕ້ອງການພວກເຂົາ. ສິ່ງສໍາຄັນທີ່ສຸດແມ່ນນັກຂາຍຕ້ອງລະບຸໃຫ້ໄດ້ວ່າອັນໃດຄືສິ່ງທີ່ລູກຄ້າຕ້ອງການ ແລະ ອັນໃດຄືຜົນປະໂຫຍດທັງນີ້ກໍ່ເພື່ອເຮັດຂໍ້ຕົກລົງ. ຖ້າສອງສິ່ງທີ່ກ່າວມານີ້ຖືກປະຕິ ບັດຢ່າງຖືກຕ້ອງແລ້ວ, ມັນຈະສາມາດສ້າງມູນຄ່າທີ່ແທ້ຈິງໃຫ້ແກ່ລູກຄ້າ.

ມູນຄ່າ: ຄວາມຕ້ອງການ+ຜົນປະໂຫຍດທີ່ຈະໄດ້ຮັບທຽບເທົ່າກັບຜົນລັບທີ່ແທ້ຈິງ. ເວົ້າອີກຢ່າງໜຶ່ງຄືການບໍລິການ ແລະ ຜະລິດຕະພັນທີ່ນໍາສະເໜີນັ້ນສາມາດຕອບໂຈດແກ່ບັນຫາທີ່ລູກຄ້າມີ.

ມູນຄ່າ ຄືໂຕເຊື່ອມໂດຍກົງໄປຍັງຜົນປະໂຫຍດອັນສະເພາະເຈາະຈົງຂອງສິນຄ້າ ແລະ ການບໍລິການດັ່ງກ່າວຕໍ່ກັບການຕ້ອງການ ແລະ ສິ່ງທີ່ລູກຄ້າປາຖະໜາທີ່ສຸດ.

 ຄວາມຕ້ອງການ+ຜົນປະໂຫຍດທີ່ກ່ຽວຂ້ອງ=ຜົນລັບ

ການຄິດໄລ່ແບບນີ້ສາມາດເພີ່ມຍອດການຂາຍໄດ້ ເພາະມັນຄືການແກ້ໄຂບັນຫາຢ່າງຖືກຈຸດທີ່ມີພຽງແຕ່ນັກຂາຍເທົ່ານັ້ນທີ່ສາມາດສະໜອງແກ່ລູກຄ້າໄດ້. ທ່ານສາມາດເບິ່ງວິດີໂອກ່ຽວການອະທິບາຍຊ່ວງຝຶກອົບຮົມກ່ຽວກັບຫົວຂໍ້ນີ້ຂອງພວກເຮົາໄດ້ດ້ານລຸ່ມ.

ພວກເຮົາມາເບິ່ງນໍາກັນວ່າ ແມ່ນຫຍັງກັນແທ້ຄືສິ່ງທີ່ລູກຄ້າຕ້ອງການ? 

ຄວາມຕ້ອງການລູກຄ້າຄືຄວາມປາຖະໜາ ຫຼື ແຮງພັກດັນຈາກອາລົມຂ້າງໃນ. ບາງຄັ້ງຄວາມຕ້ອງການກໍ່ບໍ່ຈໍາເປັນຕ້ອງມີເຫດຜົນສະເໝີໄປ. ແຕ່ກໍ່ຂຶ້ນກັບຄວາມຈໍາເປັນ ແລະ ຄວາມຕ້ອງການສ່ວນຕົວຂອງບຸກຄົນນັ້ນໆ. ເພາະທຸກຄົນມີຈຸດພິເສດໃຜມັນທີ່ແຕກ ຕ່າງກັນອອກໄປ, ເພາະສະນັ້ນການລະບຸໃຫ້ໄດ້ວ່າຄວາມຕ້ອງການຂອງພວກເຂົາຄືຫຍັງ ແລະ ຍ້ອນຫຍັງຈຶ່ງຈະສາມາດເຮັດໃຫ້ນັກຂາຍແກ້ໄຂຢ່າງຖືກຈຸດເພື່ອຕອບໂຈດຄວາມຕ້ອງການດັ່ງກ່າວນີ້ໄດ້. ການສະໜອງຄວາມຕ້ອງການນີ້ຕ້ອງສາມາດແກ້ບັນຫາໃຫ້ພວກເຂົາ ແລະ ລວມທັງສາມາດເຮັດໃຫ້ຊີວິດຂອງພວກເຂົາດີຂຶ້ນໄດ້ບໍ່ທາງໃດກໍ່ທາງໜຶ່ງອີກນໍາ.

 ເປັນຫຍັງຜູ້ຄົນຈຶ່ງຊື້ສິນຄ້າ?

 ປັດໃຈພາຍໃນ:

ການຊື້ສິ່ງຂອງສາມາດສ້າງຄວາມເພິ່ງພໍໃຈທີ່ສາມາດຕອບສະໜອງຄວາມຕ້ອງການພາຍໃນ ແລະ ຊ່ວຍສ້າງຄວາມຮູ້ສຶກທີ່ຄຸ້ມຄ່າ. ສາເຫດຫຼັກທີ່ຜູ້ຄົນຈັບຈ່າຍຊື້ສິນຄ້າ ແລະ ການບໍລິການກໍ່ຍ້ອນ:

- ສ້າງຄວາມລໍ້າລວຍ: ເພື່ອສ້າງລາຍໄດ້ເພີ່ມ

- ເພື່ອການຍອມຮັບ: ບໍ່ວ່າຈະຈາກໝູ່ເພື່ອນ, ຄົນໃນຄອບຄົວ, ເພື່ອນຮ່ວມງານ ແລະ ສັງຄົມ.

- ຖານະ: “ເພື່ອຈະດີກວ່າໃຜບາງຄົນ”

- ເພື່ອຄວາມຮັກ: ເພື່ອໄດ້ຮັບຄວາມຮັກຈາກຄົນອື່ນ ແລະ ຮັກຕົວທ່ານເອງ

- ເພື່ອການນັບຖື

- ເພື່ອການໃຊ້ຊີວິດ

- ເພື່ອຄວາມສະດວກສະບາຍ

- ເພື່ອສ້າງມູນຄ່າ: ເພື່ອເຮັດໃຫ້ຊີວິດດີຂຶ້ນບໍ່ທາງໃດກໍ່ທາງໜຶ່ງ.

 ປັດໃຈພາຍນອກ 

- ເພື່ອສ້າງຜົນກໍາໄລ

- ເພື່ອເພີ່ມການຂາຍ

- ເພື່ອຄຸນນະພາບຂອງສິນຄ້າ

- ເພື່ອຄວາມໄວ້ໃຈ ແລະ ຄວາມຈົ່ງຮັກພັກດີສໍາຫຼັບສິນຄ້າ ຫຼື ບໍລິສັດ.

 ການຮູ້ວ່າແມ່ນຫຍັງສາມາດເຮັດໃຫ້ຄົນຕ້ອງການທີ່ຈະຊື້ ແລະ ແມ່ນຫຍັງທີ່ພວກເຮົາສາມາດເຮັດໃຫ້ລູກຄ້າພໍໃຈກັບຄວາມຕ້ອງການຂອງພວກເຂົາຄືກຸນແຈສໍາຄັນທີ່ຈະກາຍເປັນນັກຂາຍທີ່ປະສົບຜົນສໍາເລັດ.

 ນັກຂາຍຈະສ້າງໂອກາດໃໝ່ໃນການຂາຍໄດ້ແນວໃດ?

ເວົ້າອີກຢ່າງຄື, ທ່ານຕ້ອງການຫຍັງພາຍຫຼັງທີ່ໄດ້ລົງໂຄສະນາ ແລະ ເຮັດການຕະຫຼາດຕໍ່ສິນຄ້າ ແລະ ການບໍລິການນັ້ນເປັນທີ່ຮຽບຮ້ອຍແລ້ວ?

ສິ່ງທໍາອິດ, ພວກເຮົາມາໃຫ້ຄວາມໝາຍຂອງຄໍາວ່າ ຜູ້ສົນໃຈໃນສິນຄ້າ ນີ້ກ່ອນ, ຜູ້ສົນໃຈໃນສິນຄ້າ ຄືບຸກຄົນທີ່ຈະກາຍເປັນລູກຄ້າ, ພວກເຂົາຈະເປັນຜູ້ເຮັດໃຫ້ການຂາຍເກີດຂຶ້ນ. ໂດຍປົກກະຕິແລ້ວພາຍຫຼັງທີ່ໄດ້ເຫັນການໂຄສະນາ ຫຼື ເນື້ອຫາກ່ຽວກັບບໍລິສັດໃດໜຶ່ງ.

ໃນຖານະທີ່ເປັນຜູ້ໂຄສະນາ ແລະ ນັກການຕະຫຼາດ, ຄົງຈະເປັນໜ້າທີ່ຂອງບໍລິສັດທີ່ຈະໃຫ້ຄວາມຮູ້, ສ້າງແຮງຈູງໃຈ ແລະ ເຮັດໃຫ້ລູກຄ້າມາຊື້ສິນຄ້າ ແລະ ການບໍລິການຂອງພວກເຂົາ. ເມື່ອເຮັດໄດ້ສໍາເລັດ ມັນຈະເປັນການສ້າງກຸ່ມຜູ້ສົນໃຈໃນສິນຄ້າໃໝ່ໆເກີດຂຶ້ນ. ເວົ້າງ່າຍໆກໍ່ຄື, ລູກຄ້າຈະຮູ້ສຶກວ່າຕົນເອງຖືກເຊີນຊວນໃຫ້ຊື້ສິນຄ້າ ຫຼື ການບໍລິການໃດໜຶ່ງ.

“ຈົ່ງຮັກສາຜູ້ສົນໃຈໃນສິນຄ້າໃຫ້ໄດ້. ຈໍາເປັນຕ້ອງແຍກ ແລະ ຮູ້ວິທີວາງກົນລະຍຸດການຂາຍໃຫ້ອອກຊຶ່ງສິ່ງນັ້ນເປັນຫົວໃຈສໍາຄັນ”

ບາງຈຸດສໍາຄັນທີ່ຈະຊ່ວຍສ້າງກຸ່ມຜູ້ສົນໃຈສິນຄ້າ:

- ພະຍາຍາມຮັກສາບົດສົນທະນາກັບລູກຄ້າໃຫ້ໄດ້. ຟັງພວກເຂົາໃຫ້ຫຼາຍລະບຸໃຫ້ໄດ້ວ່າພວກເຂົາຕ້ອງການຫຍັງ. 

- ນໍາໃຊ້ກົນລະຍຸດຈັດການຄວາມສໍາຄັນກັບລູກຄ້າເພື່ອຊ່ວຍຄຸ້ມຄອງສາຍສໍາພັນກັບລູກຄ້າ ແລະ ສ້າງໂອກາດໃນການຂາຍ. 

ຖ້າເປັນການຂາຍລະຫວ່າງທຸລະກິດກັບທຸລະກິດ, ຕ້ອງຊອກຫາຄວາມຕ້ອງການຂອງລູກຄ້າໃຫ້ໄດ້ໂດຍການຕັ້ງຄໍາຖາມລຸ່ມນີ້: 

- ທຸລະກິດຂອງພວກເຂົາໃນປະຈຸບັນນີ້ເປັນແນວໃດ?

- ຜົນການຂາຍເປັນແນວໃດ?

- ສ່ວນຫຼາຍແລ້ວລູກຄ້າທີ່ພວກເຂົາໄດ້ພົວພັນແມ່ນປະເພດໃດ?

- ພວກເຂົາມີເປົ້າໝາຍທາງດ້ານການຕະຫຼາດໃໝ່ບໍ່?

- ພວກເຂົາຕ້ອງການເຈາະກຸ່ມຕະຫຼາດເປົ້າໝາຍໃດເພີ່ມເຕີມ?

- ເປົ້າໝາຍໄລຍະສັ້ນ ແລະ ຍາວຂອງພວກເຂົາແມ່ນຫຍັງ?

- ກົນລະຍຸດທາງການຕະຫຼາດໂຕໃດແນ່ທີ່ໃຊ້ການໄດ້ ແລະ ບໍ່ສາມາດໃຊ້ການໄດ້?

- ພວກເຂົາເນັ້ນການຂາຍໂດຍກົງ ຫຼື ພຽງແຕ່ຢາກສ້າງແບຣນ?

- ພວກເຂົາມີທີມງານການຕະຫຼາດທາງອອນລາຍປະຈໍາຫ້ອງການບໍ່?

- ງົບປະມານຂອງເຂົາເຈົ້າມີເທົ່າໃດ?

- ເມື່ອໃດທີ່ພວກເຂົາຕ້ອງການລົງມື?

ການເຂົ້າໃຈລູກຄ້າ ແລະ ສາມາດໃຫ້ມູນຄ່າທີ່ແທ້ຈິງຄືສິ່ງສໍາຄັນໃນການເປັນນັກຂາຍທີ່ປະສົບຜົນສໍາເລັດ.ຍິ່ງທ່ານໃຊ້ຫຼັກສູດຄືເອົາຄວາມຕ້ອງການ+ຜົນທີ່ຈະໄດ້ຮັບ=ມູນຄ່າ, ເພື່ອເປັນແນວທາງປະຕິບັດໄດ້ຫຼາຍເທົ່າໃດມັນຍິ່ງຈະເປັນຜົນດີໃນການຮັກສາຄວາມສໍາພັນກັບລູກ ຄ້າໃຫ້ແກ່ບໍລິສັດທ່ານໄດ້ຫຼາຍເທົ່ານັ້ນ. ກາຍເປັນນັກຂາຍຜ່ານທາງ Yula.la ມື້ນີ້ ທ່ານສາມາດຕິດຕາມຊົມສ່ວນຕໍ່ໄປກ່ຽວກັບຫົວຂໍ້ຝຶກອົບ ຮົມເພື່ອກາຍເປັນຍອດນັກຂາຍໄດ້ຊື່ງຈະເປັນວິດີໂອທີ່ໃຫ້ຂໍ້ມູນກ່ຽວກັບການສ້າງຄວາມສໍາພັນກັບລູກຄ້າໃຫ້ແໜ້ນແຟ້ນ ແລະ ເພີ່ມຍອດການຂາຍ.

Yula.la ໄດ້ຈັດໂຄງການຄຸ້ມຄອງ ແລະ ຝຶກອົບຮົມການຂາຍ ໂດຍສະເພາະບັນດາບໍລິສັດຫ້າງຮ້ານທີ່ມີປະສິດທິພາບໃນຂອບເຂດທົ່ວປະ ເທດລາວ. ຖ້າບໍລິສັດຂອງທ່ານກໍາລັງຕ້ອງການເພີ່ມເປົ້າໝາຍຂອງການຂາຍໂດຍຜ່ານໂຄງການການຂາຍ ແລະ ການຄຸ້ມຄອງຢ່າງຄົບຊຸດ,ສາມາດຕິດຕໍ່ກັບພວກເຮົາໄດ້ທີ່ນີ້, ບໍລິສັດ Yula.la

 ທ່ານສາມາດສໍາພັດໄດ້ວ່າໂຄງການຝຶກອົບຮົມຂອງພວກເຮົາໄດ້ໃຫ້ຫຍັງແນ່ພຽງແຕ່ທ່ານກົດຊົມວິດີໂອທາງດ້ານລຸ່ມ

 ກະລຸນາຕິດຕາມຊົມພາກ 3 ແລະ 4 ຂອງໂຄງການຝຶກອົບຮົມຍອດນັກຂາຍໄດ້. ຕິດຕາມວາລະກອງປະຊຸມໄດ້ທີ່ນີ້

ຂໍ້ຈໍາກັດຄວາມຮັບຜິດຊອບ:

ບຼອກ/ເວບໄຊທ໌ນີ້ແມ່ນສ້າງຂຶ້ນໂດຍບໍລິສັດຂອງພວກເຮົາໂດຍມີຈຸດປະສົງໃຫ້ຄວາມຮູ້ເທົ່ານັ້ນ. ເພື່ອເປັນການໃຫ້ຂໍ້ມູນ ແລະ ຄວາມເຂົ້າໃຈທົ່ວໄປຕໍ່ກັບເນື້ອໃນທີ່ເລືອກມາຢ່າງເປັນລາຍລັກອັກສອນ, ຈະບໍ່ແມ່ນການໃຫ້ຄໍາເເນະນໍາທາງດ້ານກົດໝາຍ ຫຼື ການລົງທຶນໃດໆ. ການນໍາໃຊ້ບຼອກນີ້ທ່ານຈະເຫັນໄດ້ວ່າຈະບໍ່ມີຄວາມສໍາພັນໃດໆລະຫວ່າງລູກຄ້າ ແລະ ທ່ານ ແລະ ຜູ້ເຜີຍແຜ່ ໃນເວັບໄຊທ໌ ຫຼື ບຼອກນີ້. ບໍ່ຄວນນໍາໃຊ້ເວັບໄຊທ໌ ຫຼື ບຼອກນີ້ແທນຄໍາແນະນໍາທາງດ້ານກົດໝາຍ ແລະ ການລົງທຶນໃດໆ.