Yula.la ຂ່າວ

ໃນ 3 - 4 ທີ່ຜ່ານມາ ປະເທດລາວໄດ້ຮູ້ຈັກກັບການຜ່ອນສິນຄ້າທີ່ມີລາຄາສູງຢ່າງເຊັ່ນໂທລະສັບມືຖື ຫຼື ລົດຍົນ ເຊິ່ງຫຼາຍໆຄົນອາດຈະຍັງບໍ່ຮູ້ວ່າການຜ່ອນສິນຄ້າເປັ່ນຈັ່ງໃດ ຕ້ອງຈ່າຍຜ່ານຊ່ອງທາງຫຍັງ ຫຼືເກັບດອກເບ້ຍເທົ່າໃດ

ບົດຄວາມນີ້ຈະມາແນະນຳຮູບແບບການຜ່ອນສິນຄ້າ ແລະ ວິຖີການຜ່ອນສິນຄ້າ ສຳລັບຄົນທີ່ສົນໃຈຢ່າງຜ່ອນສິນຄ້າທີ່ຕ້ອງການເປັນເທື່ອທຳອິດ

ຂໍ້ດີຂອງການຜ່ອນສິນຄ້າ

- ທ່ານບໍ່ຈຳເປັນຕ້ອງຈ່າຍເງິນໃຫ້ຄົບຕາມລາຄາ ທ່ານກໍ່ສາມາດຊື້ສິນຄ້ານັ້ນໄດ້

- ສາມາດຈ່າຍລາຄາຂອງສິນຄ້າເປັນງວດໄດ້

- ມີໂປຣໂມຊັ່ນຜ່ອນ 0% ທີ່ເຮັດໃຫ້ທ່ານບໍ່ຕ້ອງເສຍດອກເບ້ຍ

- ກໍລະນີມີບັດສະມາຊິກ ທ່ານກໍ່ໄດ້ຮັບສ່ວນຫຼຸດຈາກຮ້ານຄ້າທີ່ຮ່ວມລາຍການ ຫຼື ເກັບສະສົມແຕ້ມໄດ້

ຂໍ້ເສຍຂອງການຜ່ອນສິນຄ້າ

- ຜ່ອນສິນຄ້າ = ຕິດໜີ້

- ຈຳເປັນຕ້ອງມີຫຼັກຖານການເງິນ ຫຼື ມີເງິນຕາມທີ່ວົງເງິນກຳໜົດ

- ອາດຈະມີຄ່າປັບ ຖ້າຈ່າຍຄືນເກີນກຳໜົດ

- ແຕ່ລະຮ້ານຄ້າ ຫຼືບໍລິສັນສິນເຊື່ອມີເງື່ອນໄຂໃນການຜ່ອນແຕກຕ່າງກັນ

ຕາມປົກກະຕິແລ້ວ ການທີ່ຈະຜ່ອນສິນຄ້າທົ່ວໄປກັບທາງບໍລິສັດສິນເຊື່ອແມ່ນຈະມີເງື່ອນໄຂ ແລະ ຕ້ອງກຽມເອກະສານດັ່ງນີ້:

- ບັດປະຈຳໂຕ ຫຼື ພາສປອດ

- ສຳມະໂນຄົວ

- ໃບຢັ້ງຢືນເງິນເດືອນ ຫຼື ສະເຕດເມັ້ນຍ້ອນຫຼັງ 6 ເດືອນ ເພື່ອຢືນຢັນລາຍຮັບທີ່ທາງບໍລິສັດກຳນົດ

- ໃບຍີນຍອມການກວດສອບຂໍ້ມູນສີນເຊື່ອ

- ໃບຢັ້ງຢືນທີ່ຢູ່

ພື້ນຖານການຜ່ອນສິນຄ້າ

ການຈະຜ່ອນສິນຄ້ານັ້ນ ທ່ານຈະຕ້ອງເບິ່ງວ່າສິນຄ້ານັ້ນສາມາດຜ່ອນໄດ້ກັບບໍລິສັດສິນເຊື່ອທີ່ທ່ານເລືອກບໍ່ ແລ້ວສິນຄ້ານັ້ນຕ້ອງບໍ່ເກີນວົງເງິນທີ່ທ່ານມີໃນບັນຊີຂອງທ່ານ ເມື່ອມີການຈ່າຍຜ່ອນສິນຄ້າ ທ່ານສາມາດກຳນົດໄລຍະການຜ່ອນໄດ້ເຊັ່ນ 6, 9, 12, 18, 24 ແລະ 36 ເດືອນ ເຊິ່ງດອກເບ້ຍໃນແຕ່ລະໄລຍະອາດຈະໄລ່ແຕກຕ່າງກັນອອກໄປ.

ຂັ້ນຕອນການຜ່ອນສິນຄ້າ

1. ມີລາຍຮັບທີ່ສາມາດຈ່າຍຕາມວົງເງິນທີ່ທາງບໍລິສັດວາງໄວ້ ເຊິ່ງສິນຄ້າຕ່າງໆກໍ່ຈະມີວົງເງິນແຕກຕ່າງກັນໄປ ໂດຍປົກກະຕິຕ້ອງມີລາຍຮັບ 1,000,000 ກີບຂຶ້ນໄປ

2.  ເລືອກຊ່ອງທາງໃນກ່ານຊຳລະເງິນຕາມງວດ ເຊິ່ງທ່ານສາມາດຊຳລະເງິນຜ່ານແອັບທະນາຄານຫຼືທີ່ບໍລິສັດສິນເຊື່ອ

3. ຊຳລະເງິນຕາມງວດໃຫ້ຄົບຈຳນວນ ແລະ ຄົບຕາມທີ່ກຳນົດເວລາ ຖ້າຫາກຈ່າຍຄືນເກີນກຳນົດອາດຈະມີຄ່າປັບນຳ

ການທີ່ທ່ານຈະຜ່ອນສິນຄ້ານັ້ນ ທ່ານຕ້ອງວາງແຜນການເງິນໃຫ້ດີ ເພື່ອທີ່ທ່ານມີເງິນໝູນວຽນໄວ້ຈ່າຍຄ່າຜ່ອນໃນແຕ່ລະເດືອນ ແລະເພື່ອບໍ່ໃຫ້ຕິດໜີ້ແລະຖືກຄ່າປັບ ຫວັງວ່າບົດຄວາມນີ້ສິມີປະໂຫຍດໃຫ້ຄົນທີ່ສົນໃຈຜ່ອນສິນຄ້າກຽມຕົວແລະວາງແຜນການເງິນໄວ່ສຳລັບການຜ່ອນ. 

ໃນເວັບໄຊ yula.la ເອງກໍ່ມີບໍລິສັດສິນເຊື່ອໃຫ້ທ່ານເລືອກສັນຕາມຄວາມຕ້ອງການຂອງທ່ານ ທ່ານສາມາດເຂົ້າໄປເບິ່ງໄດ້ທີ່ www.yula.la/finance

ບົດຄວາມໂດຍ: ວະນິດາ ສຸວັນນະວົງ