Yula.la ຂ່າວ

ເວລາທີ່ທ່ານຕ້ອງການສືບຕໍ່ດຳເນີນທຸລະກິດ ການເຊົ່າສິນເຊື່ອເພື່ອທຸລະກິດແມ່ນຕົວເລືອກໜຶ່ງທີ່ທ່ານອາດຈະພິຈາລະນາ ເພື່ອຂະຫຍາຍທຸລະກິດ ຫຼື ສຳຮອງທຸລະກິດຂອງທ່ານ. ໃນປະເທດລາວເຮົາເອງກໍ່ມີທານະຄານ ຫຼື ສະຖາບັນການເງິນທີ່ທ່ານສາມາດໄປເຊົ່າສິນເຊື່ອທຸລະກິດນຳໄດ້ ໂດຍສະເພາະທຸລະກິດແບບນ້ອຍ

ໃນເວັບໄຊ yula.la ເອງກໍ່ໄດ້ມີການໂຄສະນາທະນາຄານຫຼາຍແຫ່ງໃຫ້ທ່ານເລືອກສັນ ຖ້າທ່ານສົນໃຈທີ່ຈະເຊົ່າສິນເຊື່ອເພື່ອທຸລະກິດຂອງທ່ານ ເຂົ້າໄປທີ່ ”ສິນເຊື່ອ” ເພື່ອກູ້ຢືມສິນເຊື່ອກັບທະນາຄານທີ່ທ່ານຕ້ອງການ

ຫາກທ່ານຍັງສົງໄສກັບການກູ້ຍືມເພື່ອທຸລະກິດ ບົດຄວາມນີ້ເຮົາຈະມາແນະນຳວິທີການກູ້ຢືມເພື່ອທຸລະກິດຂອງທ່ານ

1. ເງື່ອນໄຂການຂໍກູ້ຢືມ

ຜູ້ໃຫ້ຍືມຕ້ອງວິເຄາະຄວາມສ່ຽງໃນການໃຫ້ກູ້ຢືມ ໂດຍເບິ່ງຈາກຄະແນນເຄຼດິດ, ປີໃນການເຮັດທຸລະກິດ (ຢ່າງໜ້ອຍໜຶ່ງປີ) ລາຍໄດ້ປະຈຳປີ ແລະ ຄວາມສາມາດໃນການຊຳລະເງິນ

2. ລະບຸຈຸປະສົງໃນການຂໍກູ້ຢືມ

ມັນສຳຄັນຫຼາຍທີ່ທ່ານຕ້ອງມີຈຸດປະສົງທີ່ຈະແຈ້ງສຳລັບທຸລະກິດຂອງທ່ານ, ທ່ານຕ້ອງສ້າງຄວາມໝັ້ນໃຈໃຫ້ຜູ້ໃຫ້ກູ້ຢືມວ່າເງິນກູ້ຈະຖືກລົງທືນໄປໃນທາງທີ່ເໝາະສົມ. ທ່ານຍັງຕ້ອງລະບຸຈຳນວນເງິນທີ່ທ່ານຕ້ອງການກູ້ຢືມ ເພື່ອຮັບປະກັນວ່າທ່ານສາມາດຈ່າຍຄືນຕາມຈຳນວນທີ່ກຳໜົດໄດ້

3.  ໄລຍະໃນການກູ້ຢືມ

ໃຫ້ເບິ່ງໄລຍະໃນການກູ້ຍືມວ່າທ່ານຈະສາມາດຈ່າຍຄືນຕາມທີ່ກຳນົດໃນແຕ່ລະເດືອນໄດ້ ຢ່າລືມເບິ່ງຂໍ້ກຳນົດ ແລະ ເງື່ອນໄຂເພີ່ມເຕີມທີ່ທາງທະນາຄານລະບຸໄວ້. ເບິ່ງເງື່ອນໄຂແລະສຶກສາຂໍ້ມູນຈາກຫຼາຍໆທະນາຄານຫຼືບໍລິສັດສີນເຊື່ອ ເພື່ອທີ່ທ່ານຈະໄດ້ສັນຍາກູ້ຢືມຕາມທີ່ທ່ານຕ້ອງການ

4. ເອກະສານທີ່ຕ້ອງກຽມ

ທະນາຄານສ່ວນຫຼາຍໃນລາວ ຕ້ອງການເອກະສານໃນການມາຂໍກູ້ຢືມດັ່ງນີ້:

- ໃບສະເໜີຂໍກູ້ຢືມເງິນ (ຕາມແບບຟອມຂອງ ທຄຕລ).

- ສໍາເນົາ: ໃບທະບຽນວິສາຫະກິດ, ໃບທະບຽນອາກອນ (ປີປະຈຸບັນ), ໃບອະນຸຍາດອື່ນໆທີ່ກ່ຽວຂ້ອງ.

- ສໍາເນົາ: ບັດປະຈໍາຕົວ/ສໍາມະໂນຄົວ.

- ເອກະສານການລາຍງານການເງິນຂອງທຸລະກິດ.

- ແຜນທຸລະກິດ (ຕາມແບບຟອມຂອງທານະຄານນັ້ນ)

- ສໍາເນົາ ຫຼັກຊັບຄໍ້າປະກັນ: ໃບຕາດິນຖາວອນ, ໃບຢັ້ງຢືນເງິນຝາກ

- ຕ້ອງມີລາຍໄດ້ສະໝ່ຳສະເໝີ ແລະພຽງພໍ ເພື່ອສະໜອງຄ່າໃຊ້ຈ່າຍໃນຄົວເຮືອນແລະ ຊຳລະຄືນໃຫ້ທະນາຄານ

ທັ້ງໝົດນີ້ແມ່ນພື້ນຖານນການຂໍກູ້ຢືມເພື່ອທຸລະກິດ ເພື່ອໃຫ້ເປັນອີກທາງເລືອກໜຶ່ງໃຫ້ທ່ານໃນການສືບຕໍ່ດຳເນີທຸລະກິດຕາມທີ່ທ່ານຕ້ອງການ ມີທະນາຄານຫຼາຍແຫ່ງທີ່ໃຫ້ສຶນເຊື່ອເພື່ອທຸລະກິດ ທ່ານສາມາດຊອກຫາທະນາຄານດັ່ງກ່າວໃນເວັບໄຊຂອງເຮົາ

ພໍໄດ້ຮຽນຮູ້ກ່ຽວກັບການຂໍກູ້ຢືມເພື່ອທຸລະກິດແລ້ວແມ່ນບໍ່? ທ່ານສາມາດເຂົ້າມາເບິ່ງຕົວເລືອກສິນເຊື່ອຫຼາຍກວ່າ 10 ບໍລິສັດກັບເຮົາໄດ້ທີ່ yula.la/finance

ບົດຄວາມໂດຍ : ວະນິດາ ສຸວັນນະວົງ