Yula.la ຂ່າວ

ປະເທດອົດສະຕາລີໄດ້ກາຍເປັນສູນກາງໃຫ້ແກ່ນັກລົງທຶນດ້ານອະສັງຫາ, ຜູ້ປະກອບການ ແລະ ນັກສຶກສາຂອງຄົນອາຊີໄປແລ້ວ. ເພາະມີຄົນຫລາຍກວ່າ 7.5 ລ້ານຄົນ ຫຼື ປະມານ 29.7% ຂອງຈໍານວນປະຊາກອນທັງໝົດທີ່ພວມອາໃສຢູ່ໃນອົດສະຕາລີ ປະຈຸບັນຊຶ່ງສ່ວນຫຼາຍແລ້ວແມ່ນຄົນຕ່າງປະເທດ. ໃນນີ້ 7.8% ຂອງຈໍານວນດັ່ງກ່າວແມ່ນມາຈາກອາຊີ. 

ສາເຫດທີ່ບັນດານັກລົງທຶນດ້ານອະສັງຫາ ແລະ ຜູ້ຄົນອົບພະຍົບໄປຍັງອົດສະຕາລີນີ້ແມ່ນເກີດຈາກຫຼາຍປັດໃຈ, ຊຶ່ງໜຶ່ງໃນນັ້ນກໍ່ຍ້ອນມີຫຼາຍສະຖາບັນການສຶກສາເປັນທີ່ຍອມຮັບກັນທົ່ວໂລກ, ແນວທາງການດໍາລົງຊີວິດທີ່ເປັນມິດກັບສະພາບແວດລ້ອມ ແລະ ໂຕເມືອງ ແລະ ໂອກາດໃນການລົງທຶນແກ່ຄົນຕ່າງຊາດກໍ່ເພີ່ມຂຶ້ນເລື້ອຍໆ.

ການສຶກສາ:

ທ່ານຮູ້ບໍ່ວ່າປະເທດອົດສະຕາລີແມ່ນເປັນໜຶ່ງໃນປະເທດທີ່ມີຈໍານວນນັກສຶກສາຕ່າງປະເທດຫຼາຍທີ່ສຸດໃນໂລກ?

ໃນປີ 2019,  ມີນັກສຶກສາຕ່າງຊາດຈໍານວນ14% ທີ່ໄດ້ລົງທະບຽນຮຽນຫຼັກສູດປະລິນຍາຕີ ແລະ ອີກ 48% ແມ່ນລົງທະບຽນຮຽນຫຼັກສູດປະລິນຍາໂທ ແລະ ອີກ 32% ລົງທະບຽນຮຽນຫຼັກສູດປະລິນຍາເອກ(ຂໍ້ມູນອ້າງອີງ).ອົດສະຕາລີເປັນປະ ເທດປາຍທາງອັນດັບທີ 3 ທີ່ໄດ້ຮັບຄວາມນິຍົມທາງດ້ານການສຶກສາຮອງຈາກປະເທດ ສະຫະລັດອາເມຣິກາ ແລະ ອັງ ກິດ. ແຕ່ເນື່ອງຈາກລະບຽບທາງການອອກວີຊ່າຂອງສະຫະລັດອາເມຣິກາເພື່ອຕ້ານກັບໄວຣັສໂຄວິດ-19 ແລະ ຄວາມບໍ່ແນ່ນອນທາງດ້ານການເມືອງທາງເສດຖະກິດທີ່ມີຕໍ່ຈີນ. ອົດສະຕາລີກາຍເປັນປະເທດທີ່ຄອງອັນດັບ 2 ສໍາຫຼັບປະເທດທີ່ນັກສຶກສາຕ່າງປະເທດນິຍົມໄປສຶກສາຕໍ່ເພີ່ມຂຶ້ນໄດ້ຢ່າງວ່ອງໄວ.

ໃນ ສປປ ລາວ, ທຸກໆປີ ລັດຖະບານ ອົດສະຕາລີ ໄດ້ມອບທຶນການສຶກສາເປັນຈໍານວນຫຼວງຫຼາຍໃຫ້ແກ່ນັກສຶກສາລາວໂດຍຜ່ານໂປຣແກຣມ Australia Awards Laos, ຊຶ່ງຈະເປັນການເປີດໂອກາດທີ່ໜ້າປະທັບໃຈໃຫ້ແກ່ບັນດານັກສຶກສາຄົນລາວທີ່ກໍາລັງສະແຫວງຫາການສຶກສາຂັ້ນສູງອີກດ້ວຍ. ເຖິງແມ່ນວ່າຈະມີນັກສຶກສາຈໍານວນບໍ່ໜ້ອຍທີ່ມັກຈະອາໄສຢູ່ເມືອງ ເມວເບິນ ຫຼື ຊິດນີ້, ແຕ່ພວກເຮົາຈະພາທ່ານໄດ້ຮູ້ຈັກກັບເມືອງ ແຄນເບີຣາ, ເມືອງຫຼວງຂອງອົດສະຕາລີທີ່ທ່ານອາດຈະຄົ້ນພົບຈຸດໝາຍປາຍທາງໃໝ່ໃຫ້ແກ່ທ່ານເພື່ອການສຶກສາ ຫຼື ເປັນທີ່ພັກພາອາໄສກໍ່ວ່າໄດ້.

ແຄນເບີຣາ, ຫຼື ທີ່ຮູ້ຈັກກັນດີວ່າ “ເມືອງແຫ່ງການສຶກສາໃນອົດສະຕາລີ” ເປັນອີກສະຖານທີ່ໆໜ້າດຶງດູດໃຫ້ແກ່ການສຶກສາຢູ່ຕ່າງແດນນັ້ນກໍ່ເພາະມີບາງຫຼັກສູດຈາກມະຫາວິທະຍາໄລຊັ້ນນໍາຂອງໂລກໄດ້ເປີດໂອກາດຢ່າງມະຫາສານໃຫ້ກັບນັກສຶກສາຕ່າງຊາດທີ່ຈົບໃໝ່.

ບັນດາມະຫາວິທະຍາໄລທີ່ສໍາຄັນໆຂອງອົດສະຕາລີ ແມ່ນຕັ້ງຢູ່ເມືອງ ແຄນເບີຣາ ຊຶ່ງລວມມີ:

ມະຫາວິທະຍາໄລ ອົດສະຕາລີ ເນເຊິນນໍ, ເປັນມະຫາວິທະຍາໄລອັນດັບໜຶ່ງ: ANU ເປັນມະຫາວິທະຍາໄລຊັ້ນນໍາຂອງໂລກທາງດ້ານການຄົ້ນຄວ້າ, ທີ່ຕິດອັນດັບ 1 ຂອງອົດສະຕາລີ ຕັ້ງຢູ່ ເມືອງ ແຄນເບີຣາ. ANU ມີວິໄສທັດທີ່ເຂັ້ມແຂງທີ່ຈະນໍາເອົາທັງໂອກາດໃນການເຮັດວຽກ ແລະ ການສຶກສາທີ່ດີທີ່ສຸດມາມອບໃຫ້ແກ່ບັນດານັກສຶກສາຕ່າງຊາດ. ນອກນັ້ນ ANU ຍັງມີສາຍພົວພັນການຮ່ວມມືທີ່ເຂັ້ມແຂງກັບອາຊີຕາເວັນອອກ ສ່ຽງໃຕ້ ແລະ ຈີນ ໂດຍຜ່ານການປະສານງານກັບບັນດາເຈົ້າໜ້າທີ່ທີ່ຈະເຊື່ອມເອົາການຮ່ວມມືທາງດ້ານວິຊາການ ແລະ ການວິໄຈໄປທົ່ວທັງພາກພື້ນ.

ມະຫາວິທະຍາໄລ ແຄນເບີຣາ: UC ຢູ່ໃນ 1 ຂອງບັນດາມະຫາວິທະຍາໄລຊັ້ນນໍາຂອງໂລກ ແລະ ຕິດອັນດັບທີ 10 ໃນ ອົດສະຕາລີ.ເປັນມະຫາວິທະຍາໄລທີ່ຮູ້ຈັກກັນດີໃນບັນດາຈໍານວນນັກສຶກສາໜຸ່ມທີ່ມີຊີວິດຊີວາ, ຊຶ່ງຖືກຈັດເປັນອັນດັບທີ 20 “ມະຫາວິທະຍາໄລຄົນໜຸ່ມ” ຂອງໂລກ.

ອີກແງ່ມຸມໜຶ່ງທີ່ໜ້າສົນໃຈນັ້ນກໍ່ຄືນັກສຶກສາຕ່າງປະເທດທີ່ຮຽນຈົບມານັ້ນສາມາດທີ່ຈະເຮັດວຽກໄດ້ເຖິງ 2 - 4ປີ ອີກດ້ວຍ, ຊຶ່ງສິ່ງນີ້ເອີ້ນວ່າສະຕຣີມການເຮັດວຽກຂອງນັກສຶກສາພາຍໃຕ້ວີຊ່ານັກສຶກສາທີ່ຈົບໃໝ່ຊົ່ວຄາວ ຊຶ່ງໃນໄລຍະເວລານີ້, ນັກສຶກສາດັ່ງກ່າວຍັງສາມາດທີ່ຈະເອົາສະມາຊິກຄອບຄົວຂອງຕົນມາຢູ່ນໍາໄດ້ອີກ.

ດ້ວຍໂອກາດອັນໂດດເດັ່ນຫຼາຍຢ່າງແກ່ນັກສຶກສາຕ່າງປະເທດ,ມັນຈຶ່ງບໍ່ເປັນສິ່ງທີ່ແປກເລີຍທີ່ເມືອງ ແຄນເບີຣາ ໄດ້ກາຍເປັນຈຸດໝາຍປາຍທາງອັນດັບຕົ້ນໆທາງດ້ານການສຶກສາໃນອົດສະຕາລີຢ່າງວ່ອງໄວ.ເພາະໂດຍປົກກະຕິແລ້ວເມື່ອທ່ານຄິດທີ່ຈະຮຽນຕໍ່ຕ່າງປະເທດ, ທ່ານກໍ່ອາດຈະຢາກຮູ້ແມ່ນບໍ່ວ່າໃນອີກຫຼາຍປີຂ້າງໜ້າວ່າຊີວິດທ່ານຈະເປັນແນວໃດ.

ຮູບແບບການໃຊ້ຊີວິດ:

ແຄນເບີຣາ ເປັນເມືອງທີ່ງົດງາມກາງແຄມຊາຍຝັ່ງທະເລຂອງມະຫາສະໝຸດປາຊີຟິກຊຶ່ງຕັ້ງຢູ່ລະຫວ່າງກາງເມືອງທີ່ຄຶກຄັກເຊັ່ນ: ເມລເບິ້ນ ແລະ ຊິດນີ້. ເປັນສະຖານທີ່ທີ່ມີຮູບແບບການໃຊ້ຊິີວິດທີ່ລຽບງ່າຍເປັນມິດກັບສິ່ງແວດລ້ອມ, ສະອາດງາມຕາ, ສາມາດປັບຄວາມສົມດຸນໃຫ້ຫຼາຍຄົນສາມາດມີສຸຂະພາບທີ່ດີຂຶ້ນໄດ້. ເປັນເມືອງຖືກຈັດອັນດັບວ່າໃຫ້ເປັນເມືອງທີ່ມີຄຸນນະພາບໃນການໃຊ້ຊີວິດທີ່ສູງ ແລະ ມົນລະພິດຕໍ່າ. ສໍາຫຼັບລະບົບ ການຂົນສົ່ງດ້ານສາທາລະນະແມ່ນຈະມີລົດເມ, ລົດໄຟ ແລະ ມີເສັ້ນທາງລົດຖີບຫຼາຍແຫ່ງໃນເມືອງ.

ເນື່ອງຈາກເມືອງນີ້ເປັນເມືອງຫຼວງທີ່ປະກອບໄປດ້ວຍແຫຼ່ງທ່ອງທ່ຽວທີ່ສາມາດດຶງດູດຜູ້ຄົນໄດ້ຢ່າງຫຼວງຫຼາຍ ເຊັ່ນ: ພາເລຍເມັ້ນເຮົ້າ (the Parliament House), ອານຸສາວະລີໄຊ (Australian War Memorial) ແລະ ຫໍພິພິດຕະພັນດ້ານຮູບພາບຫຼາຍແຫ່ງຂອງອົດສະຕາລີ. ຖ້າຫາກທ່ານກໍາລັງຊອກຫາຕົວເມືອງທີ່ມີຄວາມສົມດູນທາງດ້ານທໍາມະຊາດພ້ອມກັບເມືອງຫຼວງແລ້ວ, ແຄນເບີຣາ ແມ່ນເໝາະທີ່ສຸດສໍາຫຼັບທ່ານ, ເພາະມັນໃຊ້ເວລາພຽງບໍ່ເທົ່າໃດນາທີໃນການເດີນທາງຜ່ານບັນດາພູເຂົາທີ່ມີເອກະລັກທາງທໍາມະຊາດ, ທະເລສາບ, ປ່າ ແລະ ບັນດາຮ່ອມພູ. ກິດຈະກໍາຕ່າງໆເປັນຕົ້ນວ່າການຍ່າງປ່າ ແລະ ຖີບລົດຖີບຖືເປັນກິດຈະກໍາທີ່ເປັນທີ່ນິຍົມຫຼາຍແກ່ໝູ່ນັກສິຶກສາ ແລະ ຜູ້ຄົນໃນທ້ອງຖິ່ນດັ່ງກ່າວ.

ນອກຈາກເມືອງແຄນເບີຣາຈະເປັນເມືອງແຫ່ງການສຶກສາຂອງອົດສະຕາລີແລ້ວມັນຍັງເປັນເມືອງທີ່ມີເສດຖະກິດດີເພາະມີລາຍຮັບສູງ ແລະ ອັດຕາການຕົກງານທີ່ຕໍ່າ. ຊຶ່ງດັດຊະນີຄ່າຄອງຊີບ ແມ່ນຢູ່ທີ່ 78.25 ແລະ ຄ່າເຊົ່າສະເລ່ຍແມ່ນ 61.87% ຊຶ່ງຈະຕໍ່າກວ່າຄ່າເຊົ່າໃນເມືອງນິວຢອກ. ຄາດວ່າໃນປີ 2041 ຈະມີປະຊາກອນເພີ່ມຂຶ້ນເຖິງ 589,000 ຄົນຊຶ່ງຈະເຮັດໃຫ້ຄົນທີ່ຕ້ອງການເຮືອນໃໝ່ສູງເຖິງ 100,000 ຫຼັງ:ໂຄງການສ້າງອະພາດເມັ້ນຫຼາຍແຫ່ງກໍ່ກໍາລັງຖືກພັດທະນາຢູ່ເຂດອ້ອມແອ້ມມະຫາວິທະຍາໄລແຄນເບີຣາ.ວ່າງມໍ່ໆມານີ້ກໍ່ມີຫຼາຍທຸລະກິດທັງລະດັບໂລກ ແລະ ພາຍໃນທີ່ໄດ້ສ້າງໂອກາດໃນການເຮັດວຽກຮວ່ມກັບບັນດາອຸດສາຫະກໍາຊັ້ນນໍາ ແລະ ລັດຖະບານໃນຂົງເຂດການສຶກສາ, ວິທະຍາສາດ ແລະ ຂະແໜງການຄົ້ນຄວ້າ. ຊຶ່ງເປັນປັດໃຈໜຶ່ງທີ່ເຮັດໃຫ້ເມືອງແຄນເບີຣາເປັນອີກເມືອງທີ່ເໝາະແກ່ການການສຶກສາ ແລະ ຍັງມີຫຼາກຫຼາຍໂອກາດໃນການຫາວຽກເຮັດງານທໍາອີກດ້ວຍ.

ຜົນຕອບແທນທີ່ຜູ້ເປັນເຈົ້າຂອງຊັບສິນທີ່ເປັນຄົນຕ່າງຊາດຈະໄດ້ຮັບຈາກການລົງທຶນດ້ານອະສັງຫາລິມະຊັບ:

ອີກໜຶ່ງເຫດຜົນຫຼັກທີ່ນັກສຶກສາຫຼາຍຄົນບໍ່ໄປສຶກສາທີ່ຕ່າງປະເທດກໍ່ຍ້ອນວ່າມັນມີຄ່າໃຊ້ຈ່າຍທີ່ສູງ.ເພາະໂດຍສະເລ່ຍແລ້ວຄ່າຄອງຊີບຕໍ່ຫົວຄົນໃນອົດສະຕາລີແມ່ນຂ້ອນຂ້າງສູງເມື່ອທຽບໃສ່ລາວ,ແຕ່ກໍ່ຍັງມີໂອກາດອັນດີໆຫຼາຍຢ່າງທີ່ມັກຈະຖືກມອງຂ້າມເຊັ່ນວ່າ:ວ່າການລົງທຶນໃນການຊື້ຊັບສິນໃນຂະນະທີ່ທ່ານໃຊ້ຊີວິດໃນອົດສະຕາລີ.ຄົນຕ່າງປະເທດຈະມີໂອ ກາດໃນການລົງທຶນທີ່ສົມເຫດສົມຜົນຫຼາຍກວ່າເພາະຢູ່ນັ້ນເພິ່ນອະນຸຍາດໃຫ້ຊາວຕ່າງຊາດມີສິດຊື້ຊັບສິນໄດ້.

ການລົງທຶນໃສ່ກັບການຊື້ອະສັງຫາລິມະຊັບໃນຖານະທີ່ທ່ານເປັນນັກສຶກສາຕ່າງຊາດເປັນອີກວິທີທີ່ຈະຊ່ວຍໃຫ້ທ່ານຫຼດຜ່ອນຄ່າໃຊ້ຈ່າຍຕ່າງໆໄດ້ດີທີ່ສຸດ ແລະ ທ່ານເອງຍັງສາມາດໄດ້ຮັບຜົນຕອບ. ຍົກຕົວຢ່າງເຊັ່ນ: ອີງຕາມ Allhomes.com.au, ໄດ້ໃຫ້ຮູ້ວ່າຄ່າເຊົ່າທີ່ໄລ່ສະເລ່ຍເປັນລາຍອາທິດສະເພາະໃນ ແຄນເບີຣາ ແມ່ນຕົກເປັນເງິນປະມານ 550 ໂດລາອົດສະຕາລີ ແລະ ສະເລ່ຍຕໍ່ຄົນແມ່ນ 470 ໂດລາອົດສະຕາລີ.

ຖ້າທ່ານກໍາລັງທີ່ຈະສຶກສາໃນລະດັບປະລິນຍາຕີທີ່ມີໄລຍະ 4 ປີ ແລະ ບວກ 2 ຫາ 4 ປີ ເພື່ອຮຽນຕໍ່, ມັນຈະເປັນສິ່ງທີ່ສົມເຫດສົມຜົນທີ່ສຸດທີ່ຈະລົງທຶນດ້ານອະສັງຫາລິມະຊັບ, ທັງນີ້ກໍ່ເພື່ອສ້າງຜົນຕອບແທນປະຈໍາປີ ແລະ ທ່ານກໍ່ຍັງມີໂອກາດທີ່ຈະຂາຍຊັບດັ່ງກ່າວໄດ້ໃນພາຍຫຼັງ, ເພາະສະນັ້ນມັນອາດດີກວ່າທີ່ທ່ານຈະເອົາເງິນໄປເທໃຫ້ກັບຜູ້ທີ່ເປັນເຈົ້າຂອງບ້ານທີ່ທ່ານອາດຈະໄດ້ຜົນຕອບແທນພຽງເລັກໜ້ອຍ ຫຼື ອາດຈະບໍ່ໄດ້ເລີຍ.

ອົດສະຕາລີ ເປັນຈຸດໝາຍປາຍທາງທີ່ແທດເໝາະທີ່ສຸດສໍາຫຼັບບັນດານັກສຶກສາ ແລະ ຊາວຕ່າງຊາດທີ່ຈະໄປອາໄສຊຶ່ງເປັນທີ່ນິຍົມຫຼາຍຂຶ້ນໃນທຸກໆປີ. ວິຖີການດໍາລົງຊີວິດທີ່ເປັນກັນເອງ, ລະບົບການສຶກສາທີ່ເປັນທີ່ຍອມຮັບລະດັບໂລກ ແລະ ມີກົດໝາຍຄຸ້ມຄອງຄົນເຂົ້າເມືອງທີ່ເອື້ອອໍານວຍແກ່ນັກລົງທຶນຕ່າງປະເທດຊຶ່ງສິ່ງດັ່ງກ່າວນີ້ແມ່ນເປັນສິ່ງທີ່ດີຫຼາຍຕໍ່ຄົນຕ່າງຊາດເພື່ອທີ່ຈະໄປອາໄສ, ສຶກສາ, ເຮັດວຽກ ແລະ ລວມເຖິງລົງທຶນຢູ່ທີ່ນີ້.

ອົດສະຕາລີຄືຕະຫຼາດດ້ານອະສັງຫາທີ່ດີທີ່ສຸດ

ເປັນຫຍັງຈຶ່ງແມ່ນ ແຄນເບີຣາ? ແລະ ເປັນຫຍັງຕ້ອງເປັນຕອນນີ້?

ທ່ານກໍາລັງຊອກຫາການລົງທຶນທາງດ້ານອະສັງຫາລິມະຊັບໃໝ່ ໃນເມືອງ ແຄນເບີຣາ, ປະເທດອົດສະຕາລີ ຢູ່ ຫຼື ບໍ່? ສາມາດກວດເບິ່ງອະສັງຫາຂອງ GEOCON ທີ່ມີທັງອະພາດເມັ້ນຮວ່ມສະໄໝ ແລະ ອະພາດເມັ້ນທີ່ຕັ້ງຢູ່ໃຈກາງເມືອງຫຼາຍກວ່າ  2,500 ແຫ່ງທີ່ກໍາລັງຈະຖືກປ່ອຍໃນແຄນເບີຣາ.ການລົງທຶນແມ່ນເລີ່ມຈາກຂັ້ນຕໍ່າຕັ້ງແຕ່ 200,000 ໂດລາອົດສະຕາລີ.

ທ່ານສາມາດສອບຖາມເພື່ອຂໍຄໍາປຶກສາຟຣີທາງອອນລາຍຫຼືສາມາດມາທີ່ຫ້ອງການຂອງພວກເຮົາໄດ້ທີ່ນະຄອນຫຼວງວຽງຈັນ,ສປປລາວ. ຄົ້ນຫາເພີ່ມເຕີມໄດ້ທີ່ນີ້