10 ເຄັດລັບໃນການເຊົ່າເຮືອນວິນລ້າໃນຝັນຂອງທ່ານ

ການຍ້າຍຖິ່ນຖານໄປຢູ່ບ່ອນໃໝ່ອາດເຮັດໃຫ້ທ່ານກັງວົນ ແລະ ໜັກໃຈ, ໂດຍສະເພາະເມື່ອໃດກໍ່ຕາມທີ່ ມີຫຼາຍບ່ອນໃຫ້ເລືອກ. ຖ້າທ່ານເປັນຄົນໜຶ່ງທີ່ຫາກໍ່ມາຢູ່ລາວ ຫຼື ອາໄສຢູ່ທີ່ນີ້ແລ້ວ, ຕໍ່ໄປນີ້ຄືເຄັດລັບດີໆ ແລະ ມີປະໂຫຍດໃນການເຊົ່າເຮືອນວິນລ້າໃນລາວ.

ມີແບບເຮືອນຫຼາຍແບບພ້ອມກັບທາງເລືອກຕ່າງໆໃນລາວ, ບໍ່ວ່າຈະເປັນເຮືອນວິນລ້າແບບໄມ້ຊົງລາວ, ເຮືອນວິນລ້າແບບຮ່ວມສະໄໝ, ຫຼື ຈະແບບມີສະຖາປັດຕະຍະກໍາສະໄຕລຝຣັ່ງ. ຢ່າລືມວ່າ, ຖ້າທ່ານຕ້ອງການເຊົ່າເຮືອນວິນລ້າ, ເຈົ້າຂອງບ້ານສ່ວນຫຼາຍມັກຈະໃຫ້ຜູ້ທີ່ຈະເຊົ່າ ເຊົ່າແບບໄລຍະຍາວ, ສະນັ້ນ, ການໃຫ້ຄໍາໝັ້ນສັນຍາຖືເປັນສິ່ງສໍາຄັນຫຼາຍ!

ເຮືອນວິນລ້າແມ່ນເໝາະຫຼາຍຖ້າທ່ານມີຄອບຄົວ, ສັດລ້ຽງ ຫຼື ຕ້ອງການພື້ນທີ່ສ່ວນຕົວທີ່ມີຂະໜາດກວ້າງຂວາງ. ເຮືອນວິນລ້າແມ່ນເໝາະທີ່ສຸດ, ເພາະໂດຍປົກກະຕິແລ້ວມັນຈະງຽບສະຫງົບ, ກວ້າງຂວາງ, ມີຮົ່ມເງົາ ແລະ ມີບັນຍາກາດດີແຖມຍັງມີ ເດີ່ນບ້ານພ້ອມທັງຕົ້ນໝາກມ່ວງ ຫຼື ໝາກກ້ວຍໄວ້ໃຫ້ທ່ານ.

ເຈົ້າຂອງເຮືອນເຊົ່າຄົນລາວສ່ວນຫຼາຍມັກຈະປ່ອຍສະຖານທີ່ໃຫ້ຄົນຕ່າງປະເທດເຊົ່າ, ສະນັ້ນຈຶ່ງມີສະຖານທີ່ຢ່າງ ຫຼວງຫຼາຍທົ່ວເມືອງທີ່ຕັ້ງຢູ່ໃຈກາງເມືອງຕິດກັບອາຄານສູງ ຫຼື ໃນເຂດຊານເມືອງທີ່ມີພື້ນທີ່ກວ້າງຂວາງ.

ການເຊົ່າເຮືອນວິນລ້າແມ່ນເໝາະກັບຜູ້ທີ່ຈະອາໄສຢູ່ເປັນໄລຍະຍາວ ແລະ ບຸກຄົນ ຫຼື ຄອບຄົວຜູ້ທີ່ຕ້ອງ ການສະຖານທີ່ທີ່ມີຄວາມສະຫງົບງຽບ. ຕໍ່ໄປນີ້ຄືຄໍາເເນະນໍາ 10 ຂໍ້ໃນການະເຊົ່າເຮືອນວິນລ້າໃນລາວ.

 

ສົດຊື່ນ ແລະ ຊຸ່ມເຢັນກັບຕົ້ນໝາກພ້າວ. ຊຶ່ງສາມາດພົບໄດ້ທົ່ວໄປໃນລາວ.

1. ສາມາດຢູ່ກັບຄົນອື່ນໄດ້

ເຮືອນວິນລ້າແມ່ນມີຄວາມຍືດຍຸ່ນຫຼາຍ, ຖ້າທ່ານວາງແຜນທີ່ຈະຢູ່ຫຼາຍກວ່າສອງຄົນຂຶ້ນໄປ. ບໍ່ວ່າຈະຢູ່ຮ່ວມກັບຄອບຄົວຂອງທ່ານ ຫຼື ໝູ່, ບ້ານຂອງທ່ານອາດຈະມີສຽງລົບກວນເລັກໜ້ອຍ ແຕ່ຈະມີພື້ນທີ່ສ່ວນຕົວຫຼາຍຂຶ້ນ.

ຄອບຄົວ

ເຮືອນວິນລ້າແມ່ນເໝາະສໍາຫຼັບທ່ານທີ່ຍ້າຍມາຢູ່ລາວແບບຄອບຄົວ, ໂດຍສ່ວນຫຼາຍແລ້ວໃນເຮືອນທຸກຫຼັງມັກຈະ ມີ 4 ຫ້ອງນອນ. ມີຂະໜາດກວ້າງຂວາງ, ຕັ້ງຢູ່ສະຖານທີ່ໆເໝາະສົມ ແລະ ກໍ່ເໝາະທີ່ຈະອາໄສຢູ່ຮ່ວມກັບຄອບຄົວຂອງທ່ານທີ່ສຸດ. ຖ້າທ່ານມີລູກນ້ອຍ, ເຮືອນວິນລ້າແມ່ນຈໍາເປັນທີ່ສຸດເພື່ອຄວາມເປັນສ່ວນຕົວ. 

ຊຶ່ງ ຖ້າທ່ານມີສັດລ້ຽງ, ເຮືອນວິນລ້າກໍ່ຍັງເປັນມິດກັບສັດລ້ຽງອີກດ້ວຍ.

 

ເພີດເພີນໄປກັບເຮືອນວິນລ້າຫຼັງໃໝ່ຂອງທ່ານກັບຄອບຄົວທີ່ກໍາລັງເຕີບໃຫຍ່.

ເພື່ອນຮ່ວມບ້ານ

ຖ້າທ່ານຢູ່ຄົນດຽວ ແລະ ຕ້ອງການຢູ່ເຮືອນວິນລ້າ, ຄົນຕ່າງປະເທດສ່ວນຫຼາຍມັກຈະປ່ອຍວິນລ້າຂອງພວກ ເຂົາເຈົ້າໃຫ້ຄົນອື່ນເຊົ່າໃນບາງສ່ວນ! ມັນຈະດີຫຼາຍຖ້າທ່ານພິຈາລະນາເຊົ່າວິນລ້າເພື່ອທ່ານ, ໝູ່ເພື່ອນ ຫຼື ທ່ານຍັງສາມາດຊອກຫາຄົນມາເຊົ່ານໍາໄດ້ເມື່ອມາເຖິງລາວ.

ໂດຍປົກກະຕິແລ້ວ ເພື່ອນບ້ານຈະອໍານວຍຄວາມສະດວກໃຫ້ກັນ ແລະ ຮັບຜິດຊອບຄ່າບິນຕ່າງໆຮ່ວມກັນ ແລະ ມັນຈະດີກວ່າຖ້າທ່ານຈັດການເລື່ອງນີ້ເມື່ອມາເຖິງລາວ, ທ່ານຈຶ່ງຈະສາມາດຊອກຄົນມາຢູ່ນໍາຖືກຄົນ! ຄົນຕ່າງປະເທດທີ່ຍັງໜຸ່ມສ່ວນຫຼາຍມັກຈະມາລາວເພື່ອເປັນອາສາສະໝັກຕາມສັນຍາ 1 ປີ ຫຼື ເຮັດວຽກ.

2. ສິ່ງອໍານວຍຄວາມສະດວກ

ເປັນອີກເຄັດລັບໜຶ່ງໃນການເຊົ່າເຮືອນວິນລ້າໃນລາວ, ເພາະສິ່ງນີ້ຈະຂຶ້ນກັບຂະໜາດຂອງເຮືອນ, ນີ້ຄືບາງ ຈຸດທີ່ທ່ານຄວນຮູ້ກ່ຽວກັບເຮືອນວິນລ້າ.ທ່ານຄວນສ້າງລາຍການສໍາຄັນໆຕໍ່ກັບເຮືອນທີ່ທ່ານຕ້ອງການ. ນີ້ເປັນວິທີໜຶ່ງທີ່ຈະຊ່ວຍໃຫ້ທ່ານຮູ້ວ່າຄວາມຕ້ອງການແບບໃດທີ່ເໝາະກັບໂຕທ່ານ. ຍິ່ງມີສິ່ງອໍານວຍຄວາມສະດວກຫຼາຍທ່ານກໍ່ຍິ່ງຈະເສຍຄ່າເຊົ່າລາຍເດືອນຫຼາຍຂຶ້ນເທົ່ານັ້ນ, ສະນັ້ນທ່ານຄວນຈະເພື່ອໃຈໄວ້ເພື່ອຊອກເອົາໂຕທີ່ມີລາຄາທີ່ເໝາະສົມທີ່ສຸດ.

 

ມີອ່າງລອຍນໍ້າໃຫ້ທ່ານໄດ້ລອຍໄດ້ຢ່າງເຢັນສະບາຍໃນຊ່ວງລະດູຮ້ອນໃນລາວ.

ສິ່ງອໍານວຍຄວາມສະດວກຕ່າໆແມ່ນປະກອບມີ:

- ແອ

- ເຄື່ອງຊັກຜ້າ

- ສະລອຍນໍ້າ

- ລະບຽງຕາກອາກາດ

- ສວນ

- ທີ່ຈອດລົດສ່ວນຕົວ/ຄອກລົດ

- ປະຕູໂຂງ

- ຄວາມປອດໄພ

- ເປັນມິດກັບສັດລ້ຽງ

- ເຄື່ອງປັບນໍ້າອຸ່ນ

- ສວນທາງໜ້າ ແລະ ຫຼັງບ້ານ

ເຮືອນແຕ່ລະຫຼັງຈະບໍ່ຄືກັນ, ຖ້າທ່ານຮູ້ວ່າທ່ານຕ້ອງການຫຍັງໃນເບື້ອງຕົ້ນ, ທ່ານສາມາດຫາເມນູເພື່ອຄົ້ນຫາບັນດາສິ່ງອໍານວຍຄວາມສະດວກຕ່າງໆນັ້ນໄດ້. ທ່ານສາມາດຕິດຕໍ່ສອບຖາມພວກເຮົາໄດ້ ແລະ ພວກເຮົາຈະຊ່ວຍທ່ານຊອກຫາສິ່ງທີ່ທ່ານຕາມຫາ

3. ຄວາມປອດໄພ

ຄວາມປອດໄພເເມ່ນປັດໃຈຫຼັກໃນການຕັດສິນໃຈເຊົ່າເຮືອນ.

ຄວາມປອດໄພຂອງເຮືອນວິນລ້າແມ່ນຈະແຕກຕ່າງກັນອອກໄປ ສ່ວນອະພາດເມັ້ນແມ່ນຈະມີກ້ອງວົງຈອນ ປິດ ແລະ ຄົນຍາມ. ເຮືອນເຊົ່າສ່ວນຫຼາຍຈະມີລະບົບປ້ອງກັນໂດຍການໃຫ້ກຸນແຈໜ້າບ້ານ ແລະ ເຈົ້າຂອງ ເຮືອນໃຫ້ເຊົ່າມັກຈະອາໄສຢູ້ອ້ອມແອ້ມແຖວນັ້ນ, ບາງຄັ້ງກໍ່ອາດຈະຢູ່ກົງກັນຂ້າມກັບປະຕູຮົ້ວເຮືອນຂອງທ່ານດ້ວຍຊໍ້າ, ຖ້າທ່ານຕ້ອງການຄວາມຊ່ວຍເຫຼືອກໍ່ບໍ່ເປັນເລື່ອງທີ່ຍາກຫຍັງເລີຍ!

ຖ້າທ່ານຕ້ອງການຄວາມປອດໄພເພີ່ມເຕີມແມ່ນຈະມີ ກ້ອງວົງຈອນປິດ, ທ່ານສາມາດກວດເບິ່ງລາຍການ ສິນຄ້າໄດ້ທີ່ນີ້ ເພື່ອຊື້ອຸປະກອນຄວາມປອດໄພທີ່ທ່ານຕ້ອງການ.

ອີກໜຶ່ງສິ່ງເພື່ອການສ້າງຄວາມປອດໄພໃຫ້ແກ່ບ້ານຂອງທ່ານຄືການລ້ຽງໝາເພື່ອເຝົ້າບ້ານ! ເພາະຄົນສ່ວນຫຼາຍມັກຈະລ້ຽງໝາໄວ້ນອກບ້ານເພື່ອເຝົ້າເຫົ່າຄົນແປກໜ້າທີ່ຜ່ານໄປມາ ຊຶ່ງທ່ານອາດຈະເຫັນສັນຍານທີ່ໝາຈະມີປະຕິກິລິຍາອອກມາເວລາທີ່ມີຄົນບຸກລຸກບ້ານ.

4. ໃບບິນຕ່າງໆ

ໃບບິນຕ່າງໆຈະຖືກແຍກຖ້າທ່ານເຊົ່າເຮືອນວິນລ້າ, ຊຶ່ງຈະຕ່າງຈາກການເຊົ່າອະພາດເມັ້ນ ແລະ ນີ້ຄືບັນດາບິນຕ່າງໆທີ່ທ່ານອາດຈະຕ້ອງໄດ້ຈ່າຍ.

- ຄ່າໄຟຟ້າ: ສໍາຫຼັບເຮືອນວິນລ້າທີ່ມີ 2 ຫ້ອງນອນ ແມ່ນຈະຕົກເປັນເງິນປະມານ $50 - $70. ພາຍຫຼັງທີ່ມີ ການແຜ່ລະບາດຂອງໄວຣັສໂຄວິດ-19, ລັດຖະບານໄດ້ມີການຫຼຸດຄ່າໄຟລົງໃຫ້ຢູ່ທີ່  151 ຫາ 461 kWh ຕໍ່ເດືອນ. ໃນຊ່ວງລະດູຮ້ອນໃນລາວແມ່ນຈະເປັນຊ່ວງທີ່ມີອາກາດຮ້ອນຫຼາຍ, ດີແທ້ທ່ານຄວນມີການວາງແຜນງົບໄວ້ເເນ່ສໍາລັບຊ່ວງນີ້!

ຕາຕະລາງລາຄາຂອງຄ່າໄຟຟ້າໃນປະຈຸບັນ: 

- ບິນຄ່ານໍ້າປະປາ: ຂຶ້ນກັບປະລິມານການໃຊ້ງານແຕ່ໂດຍສະເລ່ຍທ່ານອາດຈະໄດ້ຈ່າຍຢູ່ທີ່ປະມານ 10 - 20 ໂດລາຕໍ່ເດືອນ.

- ຄ່າອິນເຕີເນັດ: ຂຶ້ນກັບແພັກເກັດ (ຂໍ້ມູນເພີ່ມເຕີມຢູ່ດ້ານລຸ່ມ)

- ຄ່າຂີ້ເຫຍື່ອ: ຈະມີແບບລາຍເດືອນຕົກຢູ່ປະມານ  20,000 ກີບ ຫຼື ທຽບເທົ່າ 2 ໂດລາ ໂດຍຈະມີການເກັບທຸກໆໜຶ່ງຄັ້ງຕໍ່ອາທິດ.

- ຄ່າອະນາໄມ: ຖ້າທ່ານບໍ່ມີເວລາໃນການທໍາຄວາມສະອາດດ້ວຍຕົວເອງ, ທ່ານສາມາດຈ້າງຄົນອະນາໄມໄດ້. ສະເລ່ຍຄ່າແມ່ບ້ານຈະຕົກຢູ່ປະມານຜູ້ລະ 500,000 ກີບ (60 ໂດລາ) ຕໍ່ເດືອນ ຊຶ່ງຈະມີການອະນາໄມສອງຄັ້ງຕໍ່ອາທິດ.

ມັນອາດຈະເປັນເລື່ອງຍາກທີ່ຈະຄິດໄລ່ຄ່າໃຊ້ຈ່າຍທີ່ແຕກຕ່າງກັນດ້ວຍຕົນເອງ, ໂດຍສະເພາະຖ້າທ່ານເປັນຜູ້ໜຶ່ງທີ່ຫາກໍ່ມາຢູ່ລາວໃໝ່. ທ່ານຄວນລົມກັບຕົວແທນ ຫຼື ເຈົ້າຂອງເຮືອນເພື່ອຊ່ວຍຈັດແຈງຄ່າໃບບິນຕ່າງໆ. ຊອກຮູ້ເພີ່ມເຕີມກ່ຽວກັບ ຕົວເລືອກທາງດ້ານທະນາຄານ ແລະ ການເງິນໃນລາວໃນມື້ນີ້ ໜ້າຕ່າງປຽບທຽບດ້ານການເງິນຂອງ Yula

5. ອິນເຕີເນັດ

ການເຊົ່າເຮືອນແມ່ນມີຄວາມສະດວກຫລາຍ, ແຕ່ວ່າໃບບິນສ່ວນໃຫຍ່ເປັນຕົ້ນ ຄ່າວາຍຟາຍ (WIFI), ແມ່ນຈະຖືກແຍກອອກຕ່າງຫາກຖ້າທຽບໃສ່ອະພາດເມັ້ນ. ເຈົ້າຂອງເຮືອນສ່ວນໃຫຍ່ບໍ່ຄ່ອຍຈະເອົາ

ເຂົ້າໃນເຮືອນວິນລ້າທີ່ໃຫ້ເຊົ່ານັ້ນ, ເພາະສະນັ້ນທ່ານຄວນຈະມີການວາງແຜນທີ່ຈະຊື້ອິນເຕີເນັດເຂົ້າບ້ານ. ແຕ່ບໍ່ຕ້ອງກັງວົນ, ນີ້ແມ່ນຄຳແນະນຳບາງຢ່າງສຳລັບວິທີການຕິດຕັ້ງ WIFI ເມື່ອໃດກໍ່ຕາມທີ່ທ່ານຈະເຊົ່າເຮືອນ.

ຈະມີທາງເລືອກດ້ານອິນເຕີເນັດຄວາມໄວສູງຫຼາຍແຫ່ງແກ່ທ່ານໃນລາວ ແລະ ຮູບແບບການເຕີມເງິນ ທາງມືຖືກໍ່ສະດວກສະບາຍໃນການຕິດຕັ້ງ. 

 ບັນດາຜູ້ສະໜອງດາຕ້າ ແລະ WIFI ທີ່ເດັ່ນໆໃນລາວແມ່ນຈະມີ:

ບໍລິສັດລາວໂທລະຄົມ (LAO TELECOM) ຊຶ່ງເປັນບໍລິສັດທີ່ມີຊື່ສຽງໃນລາວ. ທ່ານສາມາດກວດເບິ່ງບັນດາລາຍລະອຽດທີ່ທາງບໍລິສັດມີໄດ້ທີ່ນີ້.

ຢູນິເທວ

ອີທີເອລ ລາວ

ທີພລັດ/ບີລາຍ

ສະກາຍລາຍ

ລາວແຊັດ

ພາເນັດ 4 ຈີ ອິນເຕີເນັດ 

ຖ້າທ່ານຕ້ອງການ ໃຊ້ wifi ຊົ່ວຄາວກ່ອນທີ່ຈະໃຊ້ແພັກເກັດອິນເຕີເນັດໂມເດັມ, ທ່ານກໍ່ພຽງແຕ່ຊື້ຊິມໂທລະສັບ ແລະ ເປີດໃຊ້ຮອດສະປອດ (hotspot). ສໍາຫຼັບອີກທາງເລືອກອື່ນໆແມ່ນທ່ານສາມາດກວດເບິ່ງຕາມລາຍການ ວາຍຟາຍຄວາມໄວສູງ ໄດ້ທີ່ນີ້

6. ການຈ່າຍຄ່າເຊົ່າ

 ສິ່ງສຳຄັນອີກຢ່າງໜຶ່ງທີ່ທ່ານຄວນພິຈາລະນາໃນເວລາທີ່ຈະເຊົ່າເຮືອນວິນລ້າໃນລາວແມ່ນຈະກ່ຽວຂ້ອງກັບຂໍ້ຕົກລົງຂອງການຈ່າຍຄ່າເຊົ່າ, ໂດຍສະເພາະຖ້າທ່ານຕ້ອງການວາງແຜນງົບປະມານຂອງທ່ານກ່ອນຈະຍ້າຍເຂົ້າມາ.

ສໍາລັບການຈ່າຍຄ່າເຊົ່າສາມາດຊຳລະໄດ້ຫຼາຍແບບບໍ່ວ່າຈະຈ່າຍແບບລາຍເດືອນ ແລະ ຈ່າຍເຕັມຈຳນວນກ່ອນລ່ວງ ໜ້າ. ນີ້ແມ່ນບາງສິ່ງທີ່ສຳຄັນທີ່ທ່ານຄວນຮູ້ກ່ຽວກັບສັນຍາເຊົ່າເຮືອນວິນລ້າໃນປະເທດລາວ.

ໃນລາວ, ສຳລັບເຮືອນວິນລ້າ, ເຈົ້າຂອງບ້ານສ່ວນໃຫຍ່ຕ້ອງການຜູ້ເຊົ່າເຮືອນທີ່ຈະຢູ່ໄລຍະຍາວ ແລະ ຈະເກັບຄ່າເຊົ່າລ່ວງໜ້າເປັນເງິນສົດບໍ່ວ່າຈະເປັນ 3, 6, ຫລື 12 ເດືອນຂຶ້ນໄປ. ກໍລະນີທີ່ຄ່າເຊົ່າປະຈຳ ເດືອນຕົກຢູ່ປະມານ 700 ໂດລາ, ແລ້ວທ່ານອາດຈະຕ້ອງຈ່າຍເງິນລ່ວງໜ້າ 2,100 ໂດລາ ບວກກັບເງິນຄໍ້າປະກັນ.

ທ່ານຄວນພິຈາລະນາກ່ຽວກັບເລື່ອງດິນຟ້າອາກາດນໍາ, ຈາກລະດູຮ້ອນອົບເອົາຈົນເຖິງລະດູຝົນ, ແລະ ລະດູ ໜາວແມ່ນສັ້ນຫຼາຍ. ດີແທ້ທ່ານຄວນຈະຊອກສະຖານທີ່ທີ່ເໝາະສົມກັບສະພາບອາກາດກ່ອນທີ່ຈະເຊັນສັນ ຍາໄລຍະຍາວ.

ໃນປີທີ່ຜ່ານມາ, ລາຄາຂອງການເຊົ່າແມ່ນມີການເໜັງຕີງ, ຍ້ອນວ່າມີຄົນຕ່າງປະເທດເຄື່ອນຍ້າຍເຂົ້າມາຢູ່ລາວ ແລະ ມີການເຊົ່າເຮືອນຫຼາຍຂຶ້ນ. ເຖິງຢ່າງໃດກໍ່ຕາມ, ໃນໄລຍະທີ່ມີການແຜ່ລະບາດຂອງໄວຣັສໂຄວິດ, ຜູ້ຄົນຈໍານວນດັ່ງກ່າວຕ່າງກໍ່ກັບບ້ານຈຶ່ງເຮັດ ໃຫ້ລາຄາຂອງຕະຫຼາດອະສັງຫາຫຼຸດລົງຍ້ອນວ່າເຈົ້າຂອງເຮືອນກໍ່ຂຸ້ນຂ້ຽວຊອກຫາຜູ້ເຊົ່າເຮືອນຄົນໃໝ່.

ໂດຍລວມແລ້ວ,ລາຄາຂອງຄ່າເຊົ່າໃນລາວບໍ່ໄດ້ຖືກກຳນົດຕາຍຕົວ, ຫຼື ເວົ້າອີກຢ່າງໜຶ່ງຄືບໍ່ມີຄວາມແນ່ນອນ. ລາຄາແມ່ນຂື້ນກັບສະຖານທີ່, ການຄາດຄະເນເງິນເດືອນຂອງຜູ້ເຊົ່າ ແລະ ສະພາບຂອງຕະຫຼາດ.

ກວດເບິ່ງລາຍການເຮືອນວິນລ້າຕາມລາຄາສະເລ່ຍສະເພາະເຮືອນທີ່ມີ 2 ຫ້ອງໃນນະຄອນຫຼວງວຽງຈັນ: ລະດັບຄຸນນະພາບພື້ນຖານ: 300-500 ໂດລາ ຕໍ່ເດືອນ

ລະດັບຄຸນນະພາບປານກາງ: 550-700 ໂດລາ ຕໍ່ເດືອນ

ລາຄາຄຸນນະພາບສູງ: 750-1100 ໂດລາ ຕໍ່ເດືອນ

ລະດັບທີ່ຄຸນນະພາບສູງທີ່ສຸດ: 1200 ໂດລາ ຕໍ່ເດືອນ

ຖ້າທ່ານບໍ່ສາມາດຊອກຫາສິ່ງທີ່ທ່ານຕ້ອງການ, ຕິດຕໍ່ຫາພວກເຮົາໄດ້ ແລະ ພວກເຮົາຈະຄັດສັນ ໃຫ້ທ່ານໃນແບບທີ່ທ່ານຕ້ອງການ.

7. ສັນຍາເຊົ່າ

ອີກຄໍາແນະນໍາໜຶ່ງໃນການເຊົ່າວິນລ້າຢູ່ລາວ ຄືທ່ານຕ້ອງອ່ານບັນດາລາຍລະອຽດຂອງສັນຍາເຊົ່າ,ໂດຍສະເພາະຄົນທີ່ຈະເຊົ່າໄລຍະຍາວ ທ່ານຕ້ອງແນ່ໃຈໃຫ້ໄດ້ວ່າ ສັນຍາດັ່ງກ່າວນັ້ນມີຄວາມເປັນທໍາຕໍ່ໂຕທ່ານຫຼືບໍ່!

ຄວນກວດເບິ່ງລາຍລະອຽດຕ່າງໆເພາະບາງຄັ້ງຜູ້ໃຫ້ເຊົ່າບ້ານຂອງທ່ານອາດຈະອໍານວຍຄວາມສະດວກທາງດ້ານບໍລິການຊ່າງສ້ອມແປງ ຖ້າຫາກມີບັນຫາອີກດ້ວຍ.

ກວດເບິ່ງບັນດາຂໍ້ຕົກລົງທີ່ໄດ້ລະບຸໄວ້ບໍ່ວ່າຈະເປັນເລື່ອງຂອງຄວາມຄາດຫວັງຕ່າງໆທີ່ອາດຈະລົບກວນທ່ານໄດ້, ເຊັ່ນ: ເງິນມັດຈໍາ, ຕາຕະລາງຂອງການເຊົ່າ, ຊັບສິນທີ່ມີຈຸດບົກຜ່ອງ ແລະ ອື່ນໆ. ແລະ ບັນດາລາຍການຕໍ່ໄປນີ້ຄວນຈະຖືກລະບຸໄວ້ໃນສັນຍາເຊົ່າ: 

- ຊື່ ແລະ ເບີຕິດຕໍ່ລະຫວ່າງຜູ້ເຊົ່າ ແລະ ຜູ້ໃຫ້ເຊົ່າ.

- ລາຍລະອຽດຂອງສະຖານທີ່ເຊົ່າ

- ຂໍ້ຕົກລົງຂອງການເຊົ່າ ແລະ ການຊໍາລະເງິນ

- ເງິນຄໍ້າປະກັນ (ຖ້າມີ)

- ເງື່ອນໄຂຂອງສັນຍາ ແລະ ການຕໍ່ສັນຍາ.

- ການສິ້ນສຸດສັນຍາ

- ການນໍາໃຊ້ສະຖານທີ່ເຊົ່າ

- ບັນດາພັນທະຂອງຄູ່ສັນຍາ

- ການຕາງໜ້າ ແລະ ການຮັບປະກັນ.

ຖ້າທ່ານຕ້ອງການການຊ່ວຍເຫືຼອທາງດ້ານກົດໝາຍກ່ຽວກັບອະສັງຫາໃນລາວ, ທ່ານສາມາດຕິດຕໍ່ ມາຫາພວກເຮົາໄດ້ທີ່ນີ້. ພວກເຮົາຈະປະສານງານໄປຍັງທີ່ປຶກສາດ້ານກົດໝາຍໃຫ້ແກ່ທ່ານ. ທີ່ປຶກສາດັ່ງກ່າວສາມາດເວົ້າທັງພາສາລາວ, ອັງກິດ ແລະ ຈີນ.

ເຟີນິເຈີໄມ້ທີ່ຄັດເງົາຈາກບ້ານເກົ່າແບບລາວໆ

8. ການຕົບແຕ່ງ

ສ່ວນຫຼາຍເຮືອນວິນລ້າມັກຈະຖືກຕົບແຕ່ງ ແຕ່ວ່າຈະມີຄວາມແຕກຕ່າງກັນຫຼາຍ. ບາງຫຼັງຄາເຮືອນຈະມີລັກ ສະນະພິເສດ ແລະ ບາງຫຼັງກໍ່ຈະເປັນແບບບ້ານລາວເດີມ ເຮືອນຊົງລາວ, ແຕ່ຖ້າທ່ານເລືອກຫຼັງທີ່ຫາກໍ່ປຸກໃໝ່ ສະໄຕລຢູໂຣບ ກໍ່ຈະມີລາຄາທີ່ແພງຂຶ້ນ.

ສຳລັບເຄື່ອງໃຊ້ໃນເຮືອນຄົວ, ເຄື່ອງໃຊ້ຂະໜາດນ້ອຍ (ເຄື່ອງເຮັດກາເຟ, ເຕົາອົບເຂົ້າໜົມ, ເຄື່ອງປັ່ນ, ແລະ ອື່ນໆ), ທ່ານສາມາດກວດບັນດາລາຍການໄດ້

ເຟີນິເຈີສໍາລັບເຮືອນວິນລ້າແມ່ນຈະມີ:

- ຕຽງນອນ

- ໂຊຟາ

- ໂຕະ ແລະ ຕັ່ງ

- ຕູ້ໃຊ້ເສື້ອຜ້າ

- ເຄື່ອງໃຊ້ຂະໜາດນ້ອຍໃນຄົວ (ທີ່ມີຢູ່ຕາມບ້ານ)

- ໂທລະພາບ (ແຕ່ຕ້ອງຊື້ຈານດາວທຽມໃສ່ເອງ)

- ເຄື່ອງຊັກຜ້າ (ຫຼາຍຂະໜາດ)

ບ້ານທີ່ບໍ່ໄດ້ຕົບແຕ່ງດ້ວຍເຟີນິເຈີແມ່ນຈະມີລາຄາທີ່ຕໍ່າລົງມາ. ມັນຈະເໝາະກັບທ່ານທີ່ວາງແຜນຈະພັກ ເຊົາເປັນໄລຍະຍາວ ແລະ ຕ້ອງການພື້ນທີ່ສ່ວນຕົວ.ທ່ານສາມາດເລືອກເບິ່ງເຟີນິເຈີໄດ້ທີ່ນີ້

9. ບັນດາຕົວແທນດ້ານອະສັງຫາ

ຕົວແທນດ້ານອະສັງຫາສາມາດຊ່ວຍທ່ານຫາເຮືອນໄດ້ງ່າຍຂຶ້ນ ແລະ ປະຢັດເວລາທ່ານໄດ້ອີກດ້ວຍ; ເຖິງແນວໃດກໍ່ຕາມ, ມັນກໍ່ຍ່ອມມີທັງຜົນດີ ແລະ ຜົນລົບໃນການຈ້າງຕົວແທນດ້ານອະສັງຫາ.

ມີຕົວແທນດ້ານອະສັງຫາທີ່ສາມາດສື່ສານດ້ານພາສາຢູ່ຫຼາຍແຫ່ງ ບໍ່ວ່າຈະເປັນຄົນທ້ອງຖິ່ນ ຫຼື ຄົນຕ່າງຊາດ. ໃນລາວບັນດາອະສັງຫາສ່ວນຫຼາຍແມ່ນຈະເປັນຂອງສ່ວນຕົວ, ມັນຈຶ່ງບໍ່ຈໍາເປັນຕ້ອງມີຜູ້ຈັດການດ້ານອະສັງ ຫາສະເພາະ.

ຕົວແທນດ້ານອະສັງຫາຄືຄົນກາງລະຫວ່າງທ່ານ ແລະ ເຈົ້າຂອງບ້ານ. ພວກເຂົາຈະຊ່ວຍທ່ານໄດ້ຫຼາຍຖ້າທ່ານ ເປັນຄົນທີ່ຫາກໍ່ມາຢູ່ລາວໃໝ່, ເພາະບາງຄັ້ງອຸປະສັກໃນການນໍາໃຊ້ພາສາອາດເຮັດໃຫ້ທ່ານເກີດບັນຫາໃນ ການຕາມຫາທີ່ຢູ່ອາໄສດັ່ງກ່າວ ​ແລະ ຈໍາເປັນແທ້ໆທີ່ທ່ານຕ້ອງຊອກຫາເຈົ້າຂອງບ້ານ ແລະ ສະຖານທີ່ທີ່ເໝາະ ສົມທີ່ສຸດແກ່ໂຕທ່ານ.

ຖ້າທ່ານຕ້ອງການຕົວແທນທາງດ້ານອະສັງຫາ ແລະ ຢາກຄົ້ນຫາດ້ວຍຕົວຂອງທ່ານເອງແລ້ວ, ທ່ານກໍ່ສາມາດ ຂັບລົດໄປຫາລະແວກບ້ານຕ່າງໆ ແລ້ວຊອກຫາປ້າຍທີ່ປະກາດວ່າ “ຫ້ອງວ່າງໃຫ້ເຊົ່າ” ຕາມດ້ວຍຕິດຕໍ່ໄປຍັງເບີ ທີ່ຕິດປະກາດໃນນັ້ນໄດ້ເລີຍ, ແຕ່ທ່ານຄວນຄໍານຶງເຖິງບັນຫາການໃຊ້ພາສາໃນການສື່ສານນໍາ. 

ທ່ານຕ້ອງການຕົວແທນທາງດ້ານອະສັງຫາຕິດຕໍ່ຫາພວກເຮົາໄດ້ແລ້ວມື້ນີ້

ເຮືອນວິນລ້າແມ່ນມີຫຼາຍຮູບຊົງ, ຫຼາຍແບບ ແລະ ຍັງມີຫຼາຍທາງເລືອກໃຫ້ແກ່ທ່ານ. ມັນອາດເປັນເລື່ອງຍາກທີ່ຈະຊອກ ຫາບ່ອນທີ່ເໝາະສົມທ່ານທຸກໆດ້ານ, ເເຕ່ພວກເຮົາເຊື່ອວ່າທ່ານຈະຄົ້ນຫາມັນໄດ້ແນ່ນອນ. ຊອກຫາລາຍການເຮືອນວິນລ້າໃນຂອບເຂດນະຄອນຫຼວງວຽງຈັນໄດ້ແລ້ວທີ່ນີ້

10. ສະຖານທີ່, ສະຖານທີ່, ສະຖານທີ່!

ຄໍາເເນະນໍາສຸດທ້າຍຂອງພວກເຮົາແມ່ນການເລືອກສະຖານທີ່ ທີ່ດີທີ່ສຸດໃຫ້ແກ່ໂຕທ່ານ.

ສໍາຫຼັບເຮືອນວິນລ້າມັກຈະມີຢູ່ຫຼາຍໆສະຖານທີ່ ທີ່ແຕກຕ່າງກັນໄປ. ການເລືອກສະຖານທີ່ທີ່ເໝາະກັບທ່ານ ແລະ ຄວາມຕ້ອງການທີ່ທ່ານມີນັ້ນຖືວ່າເປັນສິ່ງສໍາຄັນຫຼາຍ. ສໍາຫຼັບພາກສ່ວນທີ່ຢູ່ໃນຕົວເມືອງນັ້ນກໍ່ມັກຈະມີລາຄາທີ່ ແພງກວ່າເຂດນອກເມືອງ.

ຖ້າທ່ານຕ້ອງການຢູ່ໃຈກາງເມືອງເລີຍ, ອາດຈະໄດ້ມຸມນອກບ້ານທີ່ອ່າວແຄບແນ່ ແຕ່ຖ້າທ່ານຢູ່ເຂດ ຫ່າງໄກຕົວເມືອງໄປແນ່ທ່ານອາດຈະໄດ້ເດີ່ນບ້ານທີ່ກວ້າງຂວາງຂຶ້ນ ແລະ ມີໂອກາດທີ່ຈະບິດໝາກມ່ວງມາກິນຫຼີ້ນໄດ້! 

ຖ້າທ່ານກໍາລັງຊອກຫາເຮືອນວິນລ້າທີ່ເປັນຈຸດສະເພາະໃດໜຶ່ງຂອງວຽງຈັນ, ທ່ານສາມາດກວດເບິ່ງໄດ້ຕາມ ລາຍການດັ່ງລຸ່ມນີ້:

ເຮືອນວິນລ້າໃນເມືອງ ຈັນທະບູລີ

ເຮືອນວິນລ້າໃນເມືອງ ສີໂຄດຕະບອງ

ເຮືອນວິນລ້າໃນເມືອງ ສີສັດຕະນາກ

ເຮືອນວິນລ້າໃນເມືອງ ໄຊເສດຖາ

 

ເຮືອນວິນລ້າສະໄຕລໂມເດິນ ກັບສວນທີ່ງົດງາມ

ສໍາຫຼັບຂໍ້ມູນເພີ່ມເຕີມກ່ຽວກັບສະຖານທີ່ຕ່າງໆໃນການພັກອາໄສສໍາຫຼັບຄົນຕ່າງຊາດ, ກວດເບີ່ງບຼອກລ່າສຸດໄດ້ທີ່ນີ້

ສະຫຼຸບ, ເຮືອນວິນລ້ານີ້ແມ່ນທາງເລືອກທີ່ເໝາະສົມທີ່ສຸດຖ້າທ່ານວາງແຜນທີ່ຈະອາໄສໃນລາວຢ່າງຕໍ່າໜຶ່ງປີ. ເຈົ້າຂອງເຮືອນແມ່ນຂ້ອນຂ້າງມັກໃຫ້ຜູ້ເຊົ່າເຊົ່າເຮືອນເປັນໄລຍະຍາວ ແລະ ຈະເຮັດໃຫ້ດີທີ່ສຸດເພື່ອແນ່ໃຈວ່າ ທ່ານໄດ້ຮັບຄວາມສະດວກສະບາຍ ແລະ ປອດໄພ.  ເຮືອນວິນລ້າແມ່ນມີຂະໜາດກວ້າງ, ມີເອກະລັກສະເພາະ ແລະ ມີໃຫ້ທ່ານໄດ້ເຊົ່າຢາງຄັບຄາໜາແໜ້ນຢູ່ທົ່ວລາວ. ຍິ່ງຄົນຕ່າງປະເທດເຂົ້າມາລາວຫຼາຍ, ເຈົ້າຂອງບ້ານ ກໍ່ຍິ່ງໄດ້ຮັບການຟື້ນຟູ ແລະ ສາມາດປ່ອຍເຮືອນໃຫ້ເຊົ່າໄດ້ຫຼາຍຂື້ນ. ຊອກຫາບ້ານເຊົ່າຂອງທ່ານໄດ້ແລ້ວມື້ນີ້, ທີ່ມີຫຼາຍກວ່າຮ້ອຍກວ່າຫຼັງໄດ້ທີ່ Yula.la

ຂໍ້ຈໍາກັດຄວາມຮັບຜິດຊອບ:

ບລັອກ/ເວັບໄຊທ໌ນີ້ແມ່ນສ້າງຂຶ້ນໂດຍບໍລິສັດຂອງພວກເຮົາໂດຍມີຈຸດປະສົງໃຫ້ຄວາມຮູ້ເທົ່ານັ້ນ. ເພື່ອເປັນການໃຫ້ຂໍ້ມູນ ແລະ ຄວາມເຂົ້າໃຈທົ່ວໄປຕໍ່ກັບເນື້ອໃນທີ່ເລືອກມາຢ່າງເປັນລາຍລັກອັກສອນ, ຈະບໍ່ແມ່ນການໃຫ້ຄໍາເເນະນໍາທາງດ້ານກົດໝາຍ ຫຼື ການລົງທຶນໃດໆ. ການນໍາໃຊ້ບຼອກນີ້ທ່ານຈະເຫັນໄດ້ວ່າຈະບໍ່ມີຄວາມສໍາພັນໃດໆລະຫວ່າງລູກຄ້າ ແລະ ທ່ານ ແລະ ຜູ້ເຜີຍແຜ່ ໃນເວັບໄຊທ໌ ຫຼື ບລັອກນີ້. ບໍ່ຄວນນໍາໃຊ້ເວັບໄຊທ໌ ຫຼື ບລັອກນີ້ແທນຄໍາແນະນໍາທາງດ້ານກົດໝາຍ ແລະ ການລົງທຶນໃດໆ.