Yula.la ຂ່າວ

ຜູ້ໃດທີ່ກຳລັງຊື່ປະກັນໄພລົດເປັນຄັ້ງທຳອິດ ອາດຈະຍັງບໍ່ຮູ້ວ່າໃນປະກັນໄພລົດຕ້ອງມີຫຍັງແດ່ ຫຼື ຕ້ອງການຫຍັງຈາກການຊື້ປະກັນໄພລົດ ເຊິ່ງບໍລິສັດປະກັນໄພຕ່າງກໍ່ມີຜະລິດຕະພັນປະກັນໄພລົດໃຫ້ທ່ານເລືອກຕາມຄວາມເໝາະສົມ. ບົດຄວາມນີ້ເຮົາຈະມາແນະນຳວິທີການເລືອກຊື້ປະກັນໄພລົດ ມາເບິ່ງກັນວ່າເຮົາຄວນພິຈາລະນາໃນການຊື້ປະກັນໄພລົດແນວໃດ. 

ສຳຫຼັບໃຜທີ່ກຳລັງຊອກຊື້ປະກັນໄພລົດ ທາງເວັບ yula.la ກໍ່ໄດ້ຮວບຮ່ວມບໍລິສັດປະກັນໄພໄວ້ໃຫ້ທ່ານເລືອກສັນ ກົດທີ່ນີ້ເພື່ອເຂົ້າໄປເບິ່ງລາຍການບໍລິສັດປະກັນໄພ

ການໃຊ້ລົດຂອງທ່ານໃນຊີວິດປະຈຳວັນ

ລຳດັບທຳອິດຂອງການຊື້ປະກັນໄພລົດ ແມ່ນທ່ານຕ້ອງຮູ້ລັກສະນະນິໄສຫຼືການນຳໃຊ້ລົດໃນຊີວິດປະຈຳວັນຂອງທ່ານກ່ອນ ບໍ່ວ່າຈະເປັນລົດທີໃຊ້ສ່ວນໃຫຍ່ໃນເມືອງ ຫຼື ຕ່າງແຂວງ ປະລິມານການໃຊ້ລົດຕໍ່ອາທິດໜ້ອຍຫຼາຍຊ່ຳໃດ ເສັ້ນທາງການໃຊ້ລົດແປັນແນວໃດ ແລະມີຄວາມສ່ຽງຕໍ່ອູບັດຕິເຫດຫຼາຍໜ້ອຍສ່ຳໃດ ນອກຈາກນີ້ປະສົບການໃນການຂັບລົດຂອງທ່ານກໍ່ເປັນອີກສິ່ງໜຶ່ງທີ່ທ່ານຕ້ອງພິຈາລະນານຳເຊັ່ນ: ທ່ານຫາກໍ່ໄດ້ໃບຂັບຂີ່ມາໃໝ່ໆ ຫາກໍ່ໄດ້ລົດຄັນທຳອິດໃນຊີວິດ ຫຼື ທ່ານອາດຈະຂັບລົດມາໄດ້ຫຼາຍປີແລ້ວ ເປັນຕົ້ນ. ສິ່ງເຫຼົ່ານີ້ຈະເປັນໂຕກຳນົດຄຸນນະສົມບັດທີ່ຄວນມີໃນປະກັນໄພລົດຂອງທ່ານໃນເບື້ອງຕົ້ນ.  

ຊື່ສຽງຂອງບໍລິສັດປະກັນໄພ

ສິ່ງທີ່ສຳຄັນຢ່າງໜຶ່ງໃນການຊື້ປະກັນລົດກໍ່ຄືບໍລິສັກຜູ້ໃຫ້ປະກັນໄພ ວ່າມີຊື່ສຽງຄວາມເປັນມາຢ່າງໃດ ມີຄວາມໝັ່ນຄົງຫຼາຍໜ້ອຍສ່ຳໃດ ມີປະຫວັດໃນການຮ້ອງຂໍກໍລະນີຂອງລູກຄ້າຄົນກ່ອນໆ ເປັນແນວໃດ ທ່ານສາມາດຫາໄດ້ຈາກຂ່າວຕ່າງໆ ສື່ໂຊຊຽວມີເດຍ ຫຼືເວັບໄຊຂອງບໍລິສັດປະກັນໄພເປັນຕົນ ຫຼືທ່ານສາມາດສອບຖາມກັບຕົວແທນຂາຍປະກັນລົດທີ່ສາມາດໃຫ້ຂໍ້ມູນໃນສ່ວນນີ້ໄດ້

ທຶນປະກັນລົດ

ສິ່ງຕໍ່ມາທີ່ທ່ານຕ້ອງເບິ່ງແມ່ນ ຈຳນວນວົງເງິນທຶນປະກັນ ເຊິ່ງວົງເງິນນີ້ຈະເປັນເງິນທີ່ບໍລິສັດຈະຈ່າຍຄືນໃຫ້ກັບທ່ານໃນກໍລະນີ້ທີ່ເກີດອຸບັດຕິເຫດໜັດຈົນລົດໄດ້ຮັບຄວາມເສຍຫາຍເກີນ 70% ໂດຍປົກກະຕິ ສິ່ງທີ່ຈະເປັນຕົວກຳນົດວົງເງິນທຶນປະກັນ ກໍ່ຄືລາຄາກາງຂອງລົດລຸ້ນນັ້ນ ໂດຍຫັກຄ່າຄວາມເສື່ອມລາຄາຕໍ່ປີອອກໄປ 10%

ຄວາມຄຸ້ມຄອງອຸບັດຕິເຫດສ່ວນບຸກຄົນ

ໃນສ່ວນີ້ຄວາມຄຸ້ມຄອງຄ່າຮັກສາພະຍາບານຫາກເກີດອູບັດຕິເຫດໃຫ້ແກ່ຜູ້ຂັບຂີ່ ແລະ ຜູ້ໂດຍສານທີ່ຢູ່ໃນລົດຄັນທີ່ເອົາປະກັນ ໂດຍຈຳນວນຜູ້ໂດຍສານຈະໄດ່ຮັບຄວາມຄຸ້ມຄອງສູງສຸດຈະຢູ່ທີ່ 6 ຄົນ (ຂຶ້ນຢູ່ກັບບໍລິສັດປະກັນໄພ ແລະ ຜະລິດຕະພັນ) ເຊິ່ງຄ່າຮັກສາພະຍາບານນີ້ຈະໃຫ້ຄວາມຄຸ້ມຄອງເປັນລາຍບຸກຄົນ ຄົນລະເທົ່າໆກັນຕາມທີ່ລະບຸໄວ້ໃນສັນຍາ

ບໍລິການເສີມຂອງບໍລິສັດປະກັນ

ເປັນບໍລິການອື່ນໆ ນອກເໜືອຈາກຄວາມຄຸ້ມຄອງໃນສັນຍາ ທີ່ບໍລິສັດປະກັນມີໃຫ້ບໍລິການແກ່ຜູ້ທີ່ເຮັດປະກັນໄພລົດກັບບໍລິສັດ ບໍ່ວ່າຈະເປັນບໍລິການລົດລາກ ຫຼື ສາຍດ່ວນຕະຫຼອດ 24 ຊົ່ວໂມງ ທີ່ຄອບຄຸບໃນທຸດພື້ນທີ່ຂອງປະເທດ ບໍ່ວ່າຈະເກີດເຫດຢູ່ບ່ອນໃດ ກໍ່ສາມາດຕິດຕໍ່ບໍລິສັດປະກັນໄພໄດ້ ເປັນຕົ້ນ

ແປງລົດຢູ່ສູນ ຫຼື ຢູ່ອູ່ແປງລົດ

ໃນຜະລິດຕະພັນຂອງປະກັນໄພລົດ ຈະລະບຸໄວ້ຊັດເຈນວ່າຜູ້ຂັບຂີ່ຈະສົ່ງລົດເຂົ້າໄປແປງໄດ້ຢູ່ໄສເມື່ອເກີດເຫດ ເຊິ່ງແບ່ງອອກໄດ້ເປັນສອງປະເພດຄື ແປງຢູ່ທີ່ສູນບໍລິການຂອງຢີ່ຫໍ້ລົດຂອງທ່ານ ຫຼື ແປງຢູ່ອູ່ແປງລົດທົ່ວໄປ ໂດຍອູ່ແປງລົດນັ້ນກໍ່ຈະແບ່ງອອກໄປໄດ້ອີກສອງປະເພດຄື ອູ່ນອກເຄືອ ທີ່ບໍ່ໄດ້ຢູ່ໃນເຄືອຂ່າຍຂອງບໍລິສັດປະກັນໄພ ແລະ ອູ່ໃນເຄືອທີ່ຢູ່ໃນລະບົບເຄືອຂ່າຍຂອງບໍລິສັດປະກັນໄພ 

ບໍ່ວ່າທ່ານຈະເລືອກແບບໃດກໍ່ຈະຖືເປັນໂຕກຳນົດຄ່າເບ້ຍປະກັນນຳ ຫາກທ່ານເລືອກແປງລົດທີ່ສູນກໍ່ຈະມີຄ່າເບ້ຍປະກັນທີ່ແພງກວ່າເອົາໄປແປງຢູ່ອູ່

ຄວາມຮັບຜິດຊອບຕໍ່ບຸກຄົນພາຍນອກ

ເປັນການຄຸ້ມຄອງທີ່ມີຕໍ່ບຸກຄົນພາຍນອກລົດທີ່ປະສົບອຸບັດຕິເຫດ ບໍ່ວ່າຈະເປັນຄົນຍ່າງຕາມຖະໜົນ ຫຼື ຄູ່ກໍລະນີທີ່ຢູ່ໃນລົດອີກຄັນ ເຊິ່ງຈະແບ່ງອອກໄດ້ເປັນ 2 ຢ່າງຄື: ຄວາມຄຸ້ມຄອງເສຍຫາຍຕໍ່ຊີວິດ ຮ່າງກາຍ ຫຼື ອະນາໄມຂອງບຸກຄົນພາຍນອກ ແລະ ຄວາມຄຸ້ມຄອງຄວາມເສຍຫາຍຕໍ່ຊັບສິນຂອງບຸກຄົນພາຍນອກ

ເບ້ຍປະກັນໄພລົດ

ເບ້ຍປະກັນກໍ່ຄືລາຄາປະກັນໄພລົດນັ້ນເອງ ທຸກສິ່ງທີ່ກ່າວມາຂ້າງຕົ້ນແມ່ນໂຕກຳນົດຄ່າເບ້ຍປະກັນໄພລົດຍົນ ເຊິ່ງສິ່ງເຫຼົ່ານີ້ເປັນຄຸນນະສົມບັດສຳຄັນ ທີ່ຜູ້ຂັບຂີ່ຄວນຈະມີເອົາໄວ້ເພື່ອຄວາມຄຸ້ມຄອງທີ່ຄຸ້ມຄ່າ ປ້ອງກັນຄວາມສ່ຽງຂອງໃນເລື່ອງວິກິດທາງການເງິນຂອງທ່ານ

ນີ້ແມ່ນຂໍ້ມູນທີ່ທ່ານຕ້ອງເກັບກຳໄວ້ ເພື່ອທີ່ຈະໄດ້ເລືອກຊື້ປະກັນໄພລົດທີ່ຕົງຕໍ່ຄວາມຕ້ອງການ ແລະ ມີການຄຸ້ມຄອງທີ່ຄຸ້ມຄ່າສຳລັບທ່ານ. ບໍ່ວ່າຈະເປັນປະກັນໄພແບບໃດ ທ່ານກໍ່ຕ້ອງເລືອກຜະລິດຕະພັນທີ່ສາມາດຄຸ້ມຄອງທ່ານທັ້ງຊີວິດ ແລະ ຊັບສິນ ພ້ອມແບ່ງເບົາພາລະທາງການເງິນໃຫ້ທ່ານນຳ ນັ້ນແມ່ນໜ້າທີ່ຂອງປະກັນໄພທຸກແບບ.