Yula.la ຂ່າວ

ຍົກລະດັບການຄ້າທາງເອເລັກໂຕຣນິກ (E-commerce) ໃນລາວໃຫ້ກ້າວໄປສູ່ຂັ້ນຕໍ່ໄປກັບການເປີດຕົວຂອງແອັບ: Yula 2.0

ພວກເຮົາມີຄວາມພາກພູມໃຈທີ່ໄດ້ປະກາດວ່າ Yula.la ຜູ້ນໍາດ້ານເພຣດຟອມການຄ້າທາງເອເລັກໂຕຣນິກທີ່ໃຫ້ບໍລິການເປັນເວລາຍາວນານທີ່ສຸດຂອງປະເທດລາວນັບແຕ່ປີ 2012 ເປັນຕົ້ນມາ ໄດ້ກາຍມາເປັນຊ່ອງທາງທີ່ມີຄວາມສາມາດທາງດ້ານເຕັກນິກ ແລະ ມີປະສິດທິພາບຫຼາຍຂື້ນໂດຍປະສົມປະສານໄປກັບແອັບທີ່ສາມາດດາວໂຫຼດໄດ້ຟຣີຜ່ານລະບົບແອນດຣອຍ ແລະ ແອບເປີ້ນ ສະຕໍ.

ປະຫວັດຄວາມເປັນມາ:

Yula.la ເປັນຕົວແທນໃຫ້ແກ່ຕະຫຼາດອັນດັບ 1 ຂອງລາວເຊິ່ງມີຜູ້ເຂົ້າຊົມໃຊ້ໃນເວັບໄຊ້ຫຼາຍກວ່າ 1.3 ລ້ານຄົນໃນແຕ່ລະປີ. ເຊິ່ງສະເລ່ຍເປັນຕົວເລກຜູ້ເຂົ້າເຄື່ອນໄຫວຊົມໃຊ້ປະມານ 3,000-4,000 ຄົນໃນແຕ່ລະວັນ ໂດຍສຸມໃສ່ສິນຄ້າອຸປະໂພກບໍລິໂພກ ແລະ ການບໍລິການທີ່ຫຼາກຫຼາຍເຊັ່ນ: ອະສັງຫາລິມະສັບ, ຍານພາຫະນະ, ເຟີນິເຈີ, ເຄື່ອງໃຊ້ໄຟຟ້າ, ຈັດຫາວຽກ, ເຄື່ອງເຮືອນ, ການເງິນ & ປະກັນໄພ ແລະ ອື່ນໆອີກຫຼາກຫຼາຍ! 70% ຂອງການຈາລະຈອນເທິງເວັບ Yula ສະແດງໃຫ້ເຫັນເຖິງກຳລັງຊື້ຕໍ່ກັບອະສັງຫາລິມະສັບ ຫຼື ການຊື້ຍານພາຫະນະ. Yula.la ມີການຈະລາຈອນເທິງໜ້າເວັບປະມານ 50% ໃນນະຄອນຫຼວງວຽງຈັນ ຄຽງຄູ່ໄປກັບບັນດາເມືອງໃຫຍ່ອື່ນໆຂອງລາວອີງຕາມຂໍ້ມູນວິເຄາະການຈະລາຈອນ. ສິ່ງດັ່ງກ່າວນີ້ເຮັດໃຫ້ Yula.la ເປັນເພຣດຟອມຊ່ອງທາງການຊື້ - ຂາຍແບບທົ່ວປະເທດແຫ່ງດຽວໃນປະເທດລາວ.

ແອັບ Yula.la ມີຈຸດເດັ່ນຢູ່ທີ່:

- 13,000+ ຍານພາຫະນະປະກາດຂາຍ (ລົດຈັກໃໝ່ ແລະ ເກົ່າ, ລົດໃຫຍ່ໃໝ່ ແລະ ເກົ່າ, ລົດກະບະ, ລົດຖີບ, ອຸປະກອນເສີມ ແລະ ອື່ນໆ)

- 10,000+ ອະສັງຫາລິມະຊັບປະກາດຂາຍ (ທີ່ດິນ ແລະ ເຮືອນສໍາລັບຈໍາໜ່າຍ ແລະ ເຊົ່າ, ໝູ່ບ້ານ ແລະ ອາພາດເມ້ນສໍາລັບຄົນຕ່າງປະເທດທີ່ອາໄສຢູ່ລາວ, ການລົງທຶນໃນຊັບສິນ)

- ຫຼາຍກວ່າ 5,000 ໂອກາດການເຮັດວຽກໃນທົ່ວປະເທດລາວ

- 20,000 ຄອມພິວເຕີ, ໂທລະສັບ, ແລະ ເຄື່ອງໄຮເທັກ High Tech

- 20,000+ ເຄື່ອງໃຊ້ໃນບ້ານ (ເຟີນິເຈີ້ ແລະ ເຄື່ອງເຮືອນ)

- 10,000+ ແຟຊັ້ນ, ສຸຂະພາບ, ຄວາມສວຍຄວາມງາມ ແລະ ເຄື່ອງໃຊ້ສໍາລັບເດັກ

ແອັບດັ່ງກ່າວ ແມ່ນມີຄວາມວ່ອງໄວ, ງ່າຍຕໍ່ການນໍາໃຊ້ໃນພາສາລາວ, ອັງກິດ, ຈີນ, ຝຣັ່ງ ແລະ ໄທ. ເວີຊັ້ນເທິງໜ້າເວັບ ກໍ່ສາມາດເຂົ້າເຖິງໄດ້ທີ່ www.yula.la ຜ່ານບຣາວເຊີ້ຂອງທ່ານ. ສາມາດກວດເບິ່ງລາຄາເປັນກີບ, ໂດລາ ຫຼື ບາດ ຜ່ານການປ່ຽນແປງສະກຸນເງິນພາຍໃນແອບຂອງພວກເຮົາ, ເຮັດໃຫ້ການຊື້ - ຂາຍພາຍໃນ ແລະ ຕ່າງປະເທດມີຄວາມສະດວກງ່າຍດາຍຍິ່ງຂຶ້ນກ່ວາເກົ່າ.

ໜຶ່ງໃນຈຸດທີ່ເດັ່ນທີ່ສຸດແມ່ນ ແອັບຂອງ Yula.la ສາມາດປະກາດຂາຍ ແລະ ເລີ່ມການຂາຍໄດ້ຟຣີໃນເວລາພຽງສັ້ນໆ. ສາມາດເລີ່ມປະກາດຂາຍໄດ້ໃນມື້ນີ້ໂດຍການດາວໂຫຼດແອັບ ແລະ ລົງທະບຽນບັນຊີຂອງທ່ານໃນທີ່ນີ້.

ຍິ່ງໄປກວ່ານັ້ນ, Yula.la ໄດ້ບຸກເບີກ “ຜູ້ຂາຍທີ່ໄດ້ຮັບການຢັ້ງຢືນ” ໄວ້ໃນແອັບພຣິເຄຊັ້ນໃໝ່ນີ້ ເພື່ອເປັນການໃຫ້ບຸລິມະສິດແກ່ຜູ້ຂາຍທີ່ເປັນມືອາຊີບ ແລະ ໜ້າເຊື່ອຖືເທິງ Yula.la. ບັນຊີໃໝ່ເຫຼົ່ານີ້ຈະກວດສອບ ແລະ ອະນຸຍາດໃຫ້ມີການປ່ຽນແປງໃນ Yula.la ເພື່ອສືບຕໍ່ເປັນທີ່ຮູ້ຈັກວ່າ ເປັນປະສົບການການຊື້ເຄື່ອງອອນລາຍທີ່ໜ້າເຊື່ອຖືທີ່ສຸດຂອງປະເທດລາວ. ການປ່ຽນແປງ ແລະ ຂັ້ນຕອນຂະບວນການທີ່ຖືກດຳເນີນຢູ່ຈະສືບຕໍ່ຮັບປະກັນວ່າຜູ້ຊື້ສິນຄ້າອອນລາຍຢູ່ Yula.la ຈະໄດ້ຮັບການປົກປ້ອງຈາກຜູ້ຂາຍທີ່ຫຼອກລວງສໍ້ໂກງຢູ່ຕະຫຼອດເວລາ. ຜູ້ຊື້ອອນລາຍໃນ Yula.la ສາມາດຮູ້ສຶກປອດໄພທີ່ໄດ້ຮູ້ທີ່ຢູ່ ແລະ ຊື່ສຽງດ້ານຄວາມໄວ້ວາງໃຈຂອງຜູ້ຂາຍທີ່ຜ່ານການຖືກຮັບປະກັນ.

Yula.la ກຳລັງສ້າງຕະຫຼາດອອນລາຍທີ່ປອດໄພສຳລັບຜູ້ບໍລິໂພກໃນປະເທດລາວ:

ເວບໄຊ Yula.la ຂອງ ບໍລິສັດ Digital Classified Lao ສະໜອງຊ່ອງທາງໃຫ້ແກ່ຜູ້ບໍລິໂພກ ແລະ ຜູ້ຈໍາໜ່າຍດ້ວຍປະສົບການໃນການຊື້ ແລະ ຂາຍທີ່ປອດໄພກວ່າ ແລະ ເຊື່ອຖືໄດ້. ເນື່ອງຈາກການທີ່ຜູ້ຄົນຈຳນວນຫຼາຍກໍາລັງພາກັນຊອກຫາຊ່ອງທາງທາງເລືອກໃນການຊື້ສິນຄ້າທາງອອນລາຍ, ໂດຍສະເພາະຜ່ານຊ່ອງທາງຕ່າງໆເຊັ່ນ ເຟສບຸກ ເຊິ່ງມີຄວາມສ່ຽງທີ່ເພີ່ມຂື້ນນັບມື້ທີ່ຈະຖືກຕົວະຕົ້ມຫຼອກລວງຈາກຜູ້ຂາຍທີ່ບໍ່ໜ້າເຊື່ອຖື. ແຕ່ສໍາລັບ Yula.la ແມ່ນຈະຮັບປະກັນການຈັດຕັ້ງປະຕິບັດທີ່ອີງໃສ່ຄວາມໄວ້ວາງໃຈໃນການລົງທະບຽນ ພ້ອມກັບໂອກາດການປະກາດຂາຍ ແລະ ການຊື້ທີ່ປອດໄພຜ່ານໜ້າເວບການຂາຍທີ່ຜ່ານການອັບເດດເປັນນະວັດຕະກຳໃໝ່.

ພວກເຮົາສະເໜີລາຄາທີ່ດີທີ່ສຸດ ແລະ ທາງເລືອກຄຸນະພາບທີ່ດີທີ່ສຸດຈາກບັນດາລົດຍົນ, ອະສັງຫາລິມະສັບ ແລະ ສິນຄ້າອຸປະໂພກບໍລິໂພກໃນຊີວິດປະຈໍາວັນ ໄປຈົນເຖິງການບໍລິການດ້ານປະກັນໄພ ແລະ ການເງິນ ເທິງການສຳພັດຈາກປາຍນິ້ວມືຂອງທ່ານຜ່ານແອັບ Yula.la ທີ່ໄດ້ຮັບການເປີດໂຕໃໝ່. Yula.la ມີຄວາມຕັ້ງໃຈໃນການໃຫ້ປະສົບການດ້ານການຄ້າທາງອີເລັກໂຕຣນິກທີ່ປອດໄພ, ໜ້າເຊື່ອຖື ແລະ ລື່ນໄຫຼແກ່ຈໍານວນຜູ້ຊົມໃຊ້ທີ່ກຳລັງເພີ່ມຂຶ້ນນັບມື້.

ທີມງານທີ່ Yula.la ມີຄວາມຮູ້ສຶກຕື່ນເຕັ້ນທີ່ຈະສືບຕໍ່ລົງທຶນລົງແຮງໄປຕໍ່ໜ້າໃສ່ບັນດາໂອກາດການຄ້າທາງອີເລັກໂຕຣນິກໃນລາວ ເຊິ່ງເປັນເຫດຜົນທີ່ພວກເຮົາຈະກ້າວມາສູ່ເຟສທີ 2 ຂອງແອັບ Yula.la ເຊິ່ງຈະນຳສະເໜີ ກົນໄກປະຕູການຈ່າຍເງິນແບບທົ່ວໂລກ ແລະ ພາຍໃນປະເທດສຳລັບຜະລິດຕະພັນບໍລິໂພກໃໝ່ ພ້ອມດ້ວຍບໍລິການຂົນສົ່ງ ແລະ ຈັດສົ່ງທົ່ວປະເທດ. ສິ່ງນີ້ຈະຊ່ວຍໃຫ້ພວກເຮົາສ້າງປະສົບການຊື້ເຄື່ອງ ແລະ ການຈັດສົ່ງທີ່ສະດວກສະບາຍສຳລັບຜູ້ຊື້ສິນຄ້າທົ່ວປະເທດລາວ ແລະ ຫຼຸດຊ່ອງຫວ່າງລະຫວ່າງຜູ້ຂາຍທີ່ມາຈາກບັນດາຕະຫຼາດເຊັ່ນ ໄທ, ຫວຽດນາມ ແລະ ຈີນ. ການປ່ຽນແປງເຫຼົ່ານີ້ ແມ່ນກໍາລັງຖືກກະກຽມ  ແລະ ພວກເຮົາຄາດວ່າຈະເປີດປະຕູການຈ່າຍເງິນ ແລະ ກົນໄກການຈັດສົ່ງສິນຄ້າອຸປະໂພກບໍລິໂພກໃໝ່ແບບເຕັມຮູບແບບ ເທິງ Yula.la ໃນທ້າຍປີ 2020.

ບັນດາຄວາມໂດດເດັ່ນທີ່ແຕກຕ່າງ ແລະ ສະດວກສະບາຍເຫຼົ່ານີ້ຈະຖືກຈັດຕັ້ງປະຕິບັດໂດຍອັດຕະໂນມັດຜ່ານແອັບທີ່ໃຊ້ງານງ່າຍ ແລະ ນໍາໃຊ້ໄດ້ຢ່າງເຕັມຮູບແບບ. Yula.la ຈະເປັນເພຣດຟອມຊ່ອງທາງການຄ້າທາງອີເລັກໂຕຣນິກທີ່ມີປະສິດຕິພາບຢ່າງເຕັມທີ່ແຫ່ງທໍາອິດ, ໂດຍການນໍາພາເອົາການຊື້ເຄື່ອງອອນລາຍໃນ ສປປ ລາວ ໃຫ້ກ້າວໄປສູ່ສະຕະວັດທີ 21.

ດາວໂຫຼດແອັບເລີຍໃນມື້ນີ້: