Yula.la ຂ່າວ

ນ້ຳມັນຫຼໍ່ລື່ນ ຫຼື ນ້ຳມັນເຄື່ອງ ປຽບຄືຫົວໃຈຂອງລົດ ເປັນຜູ້ບຳລຸງຮັກສາເຄື່ອງຍົນທັ້ງລະບົບ ເຊິ່ງນ້ຳມັນເຄື່ອງກໍ່ປະກອບໄປດ້ວຍສອງສ່ວນສຳຄັນຄື: ນ້ຳມັນພື້ນຖານ ແລະ ສານເພີ່ມຄຸນນະພາບ ມີໜ້າທີ່ຫຼໍ່ລື່ນແຮງສຽດທາດ ລະບາຍຄວາມຮ້ອນ ລ້າງສິ່ງເປິເປື້ອນ ແລະ ຊ່ວຍໃນການປ້ອງ ກັນການເສື່ອມໂຊມໃຫ້ກັບຊິ້ນສ່ວນຕ່າງໆ ຂອງເຄື່ອງຍົນໃນຂະນະທີ່ເຜົາໄຫມ້ສຽດສີກັນ

ໜ້າທີ່ຫຼັກນ້ຳມັນລົດມີ 5 ໜ້າທີ່ຄື:

1. ຫຼໍ່ລື່ນຊິ້ນສ່ວນຕ່າງໆ

ນ້ຳມັນລົດມີໜ້າທີ່ຫຼໍ່ລື່ນຊິ້ນສ່ວນຕ່າງໆພາຍໃນເຄື່ອງຍົນ ພ້ອມຫຼຸດແຮງສຽດທານ ເຊິ່ງນ້ຳເຄື່ອງມີໜ້າທີ່ແຊກກາງລະຫວ່າງຊີ້ນສ່ວນຕ່າງໆ ທີ່ເຄື່ອນໄຫວພາຍໃນເຄື່ອງຍົນ ໂດຍການສ້າງຟີມບາງໆ ເຄືອບຜິວຊິ້ນສ່ວນທີ່ສຳຜັດກັນໂດຍຕົງ ຫຼຸດແຮງສຽດສີ ແລະ ປ້ອງກັນບໍ່ໃຫ້ເຄື່ອງຍົນເສື່ອມໂຊມ

2. ຊ່ວຍລະບາຍຄວາມຮ້ອນ

ໃນຂະນະທີ່ນ້ຳມັນຫຼໍ່ລື່ຮສ່ວນຕ່າງ ມັນກໍ່ຈະພາເອົາຄວາມຮ້ອນຈາກເຄື່ອງຍົນທີ່ກຳລັງເຮັດວຽກ ແລ້ວກັບໄປສູ່ອ່າງນ້ຳມັນເຄື່ອງ ເປັນການຊ່ວຍລະບາຍຄວາມຮ້ອນທາງໜຶ່ງ ເຮັດໃຫ້ອຸນຫະພູມຂອງຊິ້ນສ່ວນຕ່າງໆສູງເກີນໄປ

3. ປ້ອງກັນຂີ້ໝ້ຽງ ແລະ ການກັດກ່ອນ

ນ້ຳມັນເຄື່ອງເຮັດໃຫ້ອາຍນ້ຳ ແລະ ກົດອາຊິດຊູນຟູຣິກ ເຊິ່ງເກີດຈາກການເຜົາໄຫມ້ໃນເຄື່ອງຍົນ ແລະ ການເຜົາໄຫມ້ເຊື້ອເພິງເຈືອຈາງລົງ ຊ່ວຍປ້ອງກັນການເກີດຂີ້ໝ້ຽງ ແະ ການກັດກ່ອນ

4. ປ້ອງກັນການຮົ່ວຂອງກຳລັງອັດ

ນ້ຳມັນເຄື່ອງຊ່ວຍເຄືອບຝາກະບອກສູບ ໃນລັກສະນະແບບຟີມ ປ້ອງກັນການຮົ່ວຂອງກຳລັງອັດພາຍໃນກະບອກສູບ

5. ທຳຄວາມສະອາດເຄື່ອງຍົນ

ນ້ຳມັນເຄື່ອງມີໜ້າທີ່ລ້າງສິ່ງຕົກຂ້າງຈາກການເຜົາໄຫມ້ໃນເຄື່ອງຍົນ ແລະ ປ້ອງກັນການລວມຕົວຂອງຜົງໂລຫະທີ່ຈະເຮັດໃຫ້ເກີດການອຸດຕັນໄດ້ 

ເຫດຜົນທີ່ເຮົາຄວນປ່ຽນນ້ຳມັນເຄື່ອງຕາມໄລຍະທາງກໍ່ຄື:

ເມື່ອໃຊ້ນ້ຳມັນເຄື່ອງເຖິງໄລຍະທາງ ຫຼື ໄລຍະເວລາປ່ຽນຖ່າຍທີ່ນ້ຳມັນເຄື່ອງເກຼດນັ້ນກຳນົດຄຸນນະສົມບັດການຫຼໍ່ລື່ນ ແລະ ການທຳຄວາມສະອາດເສື່ອມລົງ ເຮັດໃຫ້ນ້ຳມັນເຄື່ອງເສື່ອມໂຊມໄປກັບສະພາບການໃຊ້ງານ ຈຶງຕ້ອງປ່ຽນຖ່າຍຕາມໄລຍະ