Yula.la ຂ່າວ

ຄູ່ມືແນະນໍາກ່ຽວກັບວິທີການ ເພື່ອໄດ້ຮັບໃບອະນຸຍາດປຸກສ້າງຕ່າງໆ:

ພ້ອມກັບການປັບປຸງບັນດາກົດໝາຍວ່າດ້ວຍທີ່ດິນ ແລະ ກ່ຽວກັບການເປັນເຈົ້າຂອງຂອງຄົນຕ່າງປະເທດ, ໄດ້ມີການເປີດບັນດາໂອກາດຕ່າງໆສໍາລັບຄວາມເປັນໄປໄດ້ດ້ານການກໍ່ສ້າງຕ່າງໆສໍາລັບແຜນການພັດທະນາຕົວເມືອງໃໝ່ຕ່າງໆທົ່ວປະເທດລາວ. ບໍ່ວ່າ ບຸກຄົນຊິພິຈາລະນາການປຸກສ້າງເຮືອນຊານບ້ານຊ່ອງ ຫຼື ພື້ນທີ່ການຄ້າ, ກໍ່ສໍາຄັນທີ່ຈະຕ້ອງຮູ້ກ່ຽວກັບຂັ້ນຕອນສໍາລັບການກໍ່ສ້າງໂຄງການປຸກສ້າງ. ໃນປະເທດລາວ, ມີເງື່ອນໄຂຈໍາເປັນທີ່ຈະຕ້ອງໄດ້ຮັບໃບອະນຸຍາດປຸກສ້າງ ກ່ອນການເລີ່ມໂຄງການປຸກສ້າງໃດໜຶ່ງ. ໃນຄູ່ມືແນະນໍາສັ້ນໆດັ່ງກ່າວນີ້, ພວກເຮົາຊິສອນກ່ຽວກັບບັນດາຂັ້ນຕອນອັນຈໍາເປັນ ແລະ ກ່ຽວກັບບັນດານະໂຍບາຍຈໍາເປັນໃນການໄດ້ຮັບໃບອະນຸຍາດປຸກສ້າງສໍາລັບໂຄງການປຸກສ້າງຕໍ່ໄປຂອງເຈົ້າ.  

ເພື່ອຊີ້ແຈງກ່ຽວກັບນິຍາມຂອງການກໍ່ສ້າງສໍາລັບການອະນຸຍາດຕ່າງໆ, ການກໍ່ສ້າງ ແມ່ນຂະບວນການສໍາລັບການລົງມືປະຕິບັດບັນດາກິດຈະກໍາທາງດ້ານການກໍ່ສ້າງທັງໝົດ, ການກໍ່ສ້າງ, ແລະ ການສ້ອມແປງ ທີ່ເລີ່ມຈາກການສຶກສາຄວາມເປັນໄປໄດ້, ການສໍາຫຼວດ, ການອອກແບບກໍ່ສ້າງ, ການປຸກສ້າງ, ແລະ ການຕິດຕັ້ງຕະຫຼອດເຖິງການສໍາເລັດອົງປະກອບກໍ່ສ້າງຕ່າງໆ.

ການປຸກສ້າງເປັນສິ່ງທີ່ຍິນດີໃນປະເທດລາວ ແລະ ມີການວາງນະໂຍບາຍຕ່າງໆ ນັ້ນກໍ່ເພື່ອສົ່ງເສີມການພັດທະນາໂຄງລ່າງພື້ນຖານ. ລັດຖະບານສົ່ງເສີມ ແລະ ສະໜັບສະໜູນການດໍາເນີນທຸລະກິດການກໍ່ສ້າງພາຍໃນທີ່ມີການເຂົ້າເຖິງທຶນ. ລັດຖະບານໃຫ້ການສົ່ງເສີມໃຫ້ແກ່ການພັດທະນາທັກສະແຮງງານພາຍໃນ ແລະ ສົ່ງເສີມບັນດາໂຄງການກໍ່ສ້າງຕ່າງໆທີ່ສາມາດແຂ່ງຂັນໄດ້ກັບແຮງງານຕ່າງປະເທດ. ການພັດທະນາການກໍ່ສ້າງທີ່ໝາກຜົນດີເປັນທີ່ສົ່ງເສີມ ເນື່ອງຈາກການກໍ່ສ້າງທີ່ດີປະກອບສ່ວນເຂົ້າໃນການພັດທະນາເສດຖະກິດ-ສັງຄົມໂດຍລວມຂອງເສດຖະກິດຂອງປະເທດລາວ.    

ຫຼັກການຂອງບັນດາກິດຈະກໍາກໍ່ສ້າງ:

ຮັບປະກັນໃຫ້ມີການສອດຄ່ອງກັບບັນດາແຜນການພັດທະນາເສດຖະກິດ-ສັງຄົມແຫ່ງຊາດ, ບັນດາແຜນການພັດທະນາຫຼັກໆຂອງແຕ່ລະຂົງເຂດ, ແຜນເມືອງ, ແຜນໂຄງການກໍ່ສ້າງ, ບັນທັດຖານດ້ານເຕັກນິກ, ມາດຕະຖານເຕັກນິກ, ແລະ ລາ​ຄາ​ຕໍ່​ຫົວ​ຫນ່ວຍຂອງການກໍ່ສ້າງ;    

ຮັບປະກັນຄຸນນະພາບ, ຄວາມປອດໄພ ແລະ ບໍ່ສ້າງຜົນກະທົບທີ່ເປັນອັນຕະລາຍໃນລະດັບທີ່ເກີນມາດຕະຖານຕາມທີ່ໄດ້ກໍານົດຂອງບັນດາເງື່ອນໄຂຊີວິດການເປັນຢູ່ຂອງປະຊາຊົນ, ໂຄງລ່າງພື້ນຖານ, ສະພາບແວດລ້ອມທໍາມະຊາດ, ສິ່ງແວດລ້ອມ ຫຼື ສ້າງຄວາມບໍ່ສະດວກໃຫ້ກັບບັນດາບຸກຄົນທີ່ອາໄສຢູ່ໃກ້ສະຖານທີ່ກໍ່ສ້າງ;  

ສົ່ງເສີມການພັດທະນາໃນລະດັບເທົ່າທຽມກັນກັບການປົກປັກຮັກສາມໍລະດົກທາງດ້ານວັດທະນະທໍາ, ປະຫວັດສາດ, ແລະ ທໍາມະຊາດ ໂດຍລວມທັງການປົກປັກຮັກສາຄວາມເປັນເອກະລັກຂອງຊາດ;

ຮັບປະກັນຄວາມຍືນຍົງ ແລະ ຜົນໄດ້ຮັບທີ່ດີທີ່ສຸດທີ່ສູງທີ່ສຸດສໍາລັບເສດຖະກິດ ແລະ ສັງຄົມ ແລະ ມີບັນດາສິ່ງອໍານວຍຄວາມສະດວກສໍາລັບຄົນພິການ ແລະ ຜູ້ສູງອາຍຸ;

ການມີສ່ວນຮ່ວມຂອງບັນດາສະຖາປະນິກ ແລະ ບັນດາວິສະວະກອນລາວແມ່ນມີຄວາມສໍາຄັນສໍາລັບບັນດາກິດຈະກໍາກໍ່ສ້າງທັງໝົດຂອງບັນດານັກລົງທຶນຕ່າງປະເທດ;

ຕ້ອງມີການປະເມີນຜົນກະທົບທີ່ສົ່ງຕໍ່ສະພາບແວດລ້ອມສັງຄົມ ແລະ ສະພາບແວດລ້ອມທໍາມະຊາດ ເຊັ່ນ ສຸຂະພາບຂອງປະຊາຊົນ.

ບັນດາກິດຈະກໍາການກໍ່ສ້າງຄວນປະກອບມີ 7 ອົງປະກອບດັ່ງລຸ່ມນີ້:

ການສຶກສາຄວາມເປັນໄປໄດ້ຂອງໂຄງການກໍ່ສ້າງ;

ການສໍາຫຼວດ, ການອອກແບບໂຄງການກໍ່ສ້າງ ແລະ ການກໍານົດການນໍາໃຊ້ອຸປະກອບກໍ່ສ້າງ;

village ການອະນຸຍາດການກໍ່ສ້າງ; ທີ່ມອບໃຫ້ໂດຍກະຊວງ ແລະ ບ້ານທີ່ກ່ຽວຂ້ອງ  

ການຈັດສັນພື້ນທີ່ສໍາລັບໂຄງການກໍ່ສ້າງ;

ການລົງມືປະຕິບັດໂຄງການກໍ່ສ້າງ;

ການຊີ້ນໍາ-ນໍາພາການກໍ່ສ້າງ;

ການປ້ອງກັນ ແລະ ການນໍາໃຊ້ສິ່ງປຸກສ້າງ.

ຂໍ້ມູນການສະໜັກທີ່ຕ້ອງຍື່ນ (ສໍາລັບຄົນສັນຊາດລາວ):

1. ໃບສະເໜີ

2. ສໍາເນົາປຶ້ມສໍາມະໂນຄົວ ຫຼື ໃບຢັ້ງຢືນທີ່ຢູ່ທີ່ມີອາຍຸບໍ່ເກີນ 3 ເດືອນ (ຫຼື ສໍາເນົາບັດປະຈໍາຕົວສໍາລັບພົນລະເມືອງຕ່າງປະເທດ)

3. ສໍາເນົາໃບຕາດິນສໍາລັບພື້ນທີ່ກໍ່ສ້າງທີ່ສະເໜີ

4. ບົດບັນທຶກການຍິນຍອມຂອງເພື່ອນຮ່ວມບ້ານສໍາລັບການອອກແບບ ແລະ ການກໍ່ສ້າງທີ່ສະເໜີຂໍ

5. ແຜນການກໍ່ສ້າງ ແລະ ແຜນໂຄງສ້າງຫຼັກໆ, ແລະ ໃບກໍລະນີຈໍາເປັນ

6. ໃບຢັ້ງຢືນອະນຸຍາດດ້ານສິ່ງແວດລ້ອມ

7. ໃບຢັ້ງຢືນການບໍລິຫານຈັດການຕຶກອາຄານທີ່ຄວບຄຸມ ແລະ/ຫຼື ມໍລະດົກ.

ໄປຍື່ນຢູ່ໃສ:

ຫ້ອງການໂຍທາທິການ ແລະ ຂົນສົ່ງຂັ້ນເມືອງ - ສໍາລັບຕຶກອາຄານທີ່ມີພື້ນທີ່ດໍາເນີນງານທັງໝົດທີ່ບໍ່ເກີນ 400 ຕາຕະລາງແມັດ ແລະ ໜ້ອຍກວ່າ 10 ແມັດ ໃນລະດັບຄວາມສູງ,

ພະແນກໂຍທາທິການ ແລະ ຂົນສົ່ງຂັ້ນແຂວງ -

ສໍາລັບຕຶກອາຄານທີ່ມີພື້ນທີ່ດໍາເນີນງານທັງໝົດທີ່ເກີນຕົວເລກທີ່ໄດ້ລະບຸຂ້າງເທິງນັ້ນ

12 ຂັ້ນຕອນ ໃນການໄດ້ຮັບການອະນຍາດປຸກສ້າງ:

1.ໄດ້ຮັບການທົດລອງທີ່ດິນຈາກລັດວິສາຫະກິດ

2. ໄດ້ຮັບເອກະສານຍິນຍອມສໍາລັບການກໍ່ສ້າງຈາກບັນດາເພື່ອນໃກ້ບ້ານ

3. ຈ້າງວິສະວະກອນພາຍນອກ ເພື່ອດໍາເນີນການກວດສອບຕຶກອາຄານ

4.  ຊື້ໃບຄໍາຮ້ອງຕ່າງໆສໍາລັບການຂໍອະນຸຍາດປຸກສ້າງ (ດັ່ງທີ່ໄດ້ລະບຸຂ້າງເທິງນັ້ນ)

5. ຂຽນສະເໜີ ແລະ ໄດ້ຮັບໃບຢັ້ງຢືນທີ່ຢູ່ຈາກນາຍບ້ານ

6. ຍື່ນໃບຄໍາຮ້ອງຂໍອະນຸຍາດປຸກສ້າງໄປຫາກົມກໍ່ສ້າງຂັ້ນເມືອງ

7. ໄດ້ຮັບການກວດສອບມາດຕະຖານຕົວເລກຕ່າງໆຈາກພະແນກການວາງແຜນເມືອງ & ສິ່ງແວດລ້ອມ

8. ໄດ້ຮັບການອະນຸຍາດປຸກສ້າງຈາກນະຄອນຫຼວງວຽງຈັນ

9. ໄດ້ຮັບການກວດສອບທີ່ສໍາເລັດເຄິ່ງໜຶ່ງຈາກພະແນກການວາງແຜນເມືອງ & ສິງແວດລ້ອມ

10. ສະເໜີ ແລະ ໄດ້ຮັບການກວດສອບຄັ້ງສົມບູນຈາກຄະນະກໍາມະການບໍລິຫານການກໍ່ສ້າງ

11. ສະເໜີ ແລະ ໄດ້ຮັບການຕໍ່ບໍລິການ ນໍ້າ ແລະ ນໍ້າເປື້ອນຕ່າງໆ 

12. ໄດ້ຮັບໃບຢັ້ງຢືນການນໍາໃຊ້ຕຶກອາຄານ

ກະຊວງໂຍທາທິການ ແລະ ຂົນສົ່ງ ໄດ້ປັບປຸງບັນດາກົດລະບຽບການບໍລິຫານການກໍ່ສ້າງທີ່ມີຜົນບັງຄັບໃຊ້ໃນ ເດືອນ ມັງກອນ ປີ 2019.

ດາວໂຫຼດໃບສະເໜີຂໍອະນຸຍາດປຸກສ້າງດັ່ງກ່າວອອນໄລນ໌ໄດ້ທີ່ນີ້:

https://www.mpwt.gov.la/lo/legislation-lo/agreement-lo/2013-09-23-07-18-42