Yula.la ຂ່າວ

ລວບລວມຜູ້ຊ່ຽວຊານດ້ານການທ່ອງທ່ຽວ ແລະ ການບໍລິການໃນລາວ ທີ່ຕ້ອງການສ້າງການປ່ຽນແປງເພື່ອສິ່ງທີ່ດີກວ່າ! ກຽມພົບກັບງານວາງສະແດງແນວທາງການພັດທະນາການທ່ອງທ່ຽວແບບຍືນຍົງ 2019 ທີ່ຈະຈັດຂຶ້ນທີ່ ໂຮງແຮມ ຄລາວພລາຊ່າ, ນະຄອນຫຼວງວຽງຈັນ,ໃນວັນທີ 27 – 28 ກັນຍາ 2019 ທີ່ຈະມາເຖິງນີ້!

ງານວາງສະແດງແນວທາງການພັດທະນາການທ່ອງທ່ຽວແບບຍືນຍົງ 2019 ແມ່ນງານວາງສະແດງພິເສດສະເພາະສຳລັບອຸດສະຫະກຳດ້ານການທ່ອງທ່ຽວພຽງໜຶ່ງດຽວໃນລາວ.  ເພື່ອສົ່ງເສີມ, ຄົ້ນຄວ້າ, ວາງສະແດງແນວໂນ້ມໃໝ່ໆ, ຄວາມເຂົ້າໃຈ ແລະ ເຕັກໂນໂລຊີທີ່ທັນສະໄໝສຳລັບແນວທາງປະຕິບັດດ້ານການທ່ອງທ່ຽວ ແລະ ການບໍລິການແບບຍືນຍົງ ລວມທັງຜະລິດຕະພັນຕ່າງໆທັງພາຍໃນ ແລະ ຕ່າງປະເທດ.

ຖ້າວ່າທ່ານກຳລັງພິຈາລະນາໃນການປັບປຸງທຸລະກິດຂອງທ່ານດ້ວຍຜະລິດຕະພັນທຳຄວາມສະອາດທີ່ເປັນມິດກັບສິ່ງແວດລ້ອມ, ເຄື່ອງໃຊ້ໃນຫ້ອງນ້ຳ ຫຼື ເຄື່ອງໃຊ້ທີ່ບໍ່ແມ່ນພາດສະຕິກຢູ່. ກຳລັງຊອກຫາຜະລິດຕະພັນໃນທ້ອງຖິ່ນແທນການນຳເຂົ້າອາຫານ ແລະ ເຄື່ອງດື່ມ ຫຼື ຕ້ອງການພົວພັນກັບຜູ້ສະໜອງໃນທ້ອງຖິ່ນ,  ຕ້ອງການຄົ້ນພົບເຕັກໂນໂລຊີຫຼ້າສຸດສຳລັບລະບົບບຳບັດນ້ຳເສຍ, ການອະນຸລັກນໍ້າ ຫຼື ການປະຫຍັດພະລັງງານ

ຫຼື ຕ້ອງການຮຽນຮູ້ວິທີທີ່ທຸລະກິດຂອງທ່ານສາມາດໄດ້ຮັບຜົນປະໂຫຍດຈາກການສະໜັບສະໜູນ ແລະ ການປະກອບສ່ວນເຂົ້າໃນການລິເລີ່ມທາງສັງຄົມຢູ່?

ຖ້າທ່ານກຳລັງຫາສິ່ງເຫຼົ່ານີ້ຢູ່, ຂໍເຊີນເຂົ້າຮ່ວມກັບພວກເຮົາໃນງານວາງສະແດງແນວທາງການພັດທະນາການທ່ອງທ່ຽວແບບຍືນຍົງ 2019!

ເຊິ່ງຖືວ່າງານໃນຄັ້ງນີ້ແມ່ນເປັນງານຄັ້ງທີ 2 ທີ່ໄດ້ຈັດຂຶ້ນໃນປີນີ້ ແລະ ເປັນຄັ້ງທຳອິດທີ່ຈັດຂຶ້ນໃນນະຄອນຫຼວງວຽງຈັນ. ສຳລັບງານຂອງປີກ່ອນແມ່ນໄດ້ຈັດຂຶ້ນທີ່ຫຼວງພຣະບາງເຊິ່ງມີການເຮັດຂໍ້ຕົກລົງທາງທຸລະກິດຫຼາຍກວ່າ 100 ລາຍການໃຫ້ແກ່ຜູ້ຈັດວາງສະແດງ ແລະ ໃນປີນີ້ຜູ້ຈັດວາງສະແດງເຫຼົ່ານັ້ນກໍແມ່ນຢືນຢັນທີ່ຈະເຂົ້າຮ່ວມງານເຊິ່ງປະກອບມີ: Agroasie Group Co., LTD Organic Farm ; Asia One Resort Supply; BambooLao; Ban Lue Handicrafts and Homestay; Bolaven Plateau Coffee Producers Cooperative CPC; Chocolate Dream by Mikaël; DakDae Shop;Dual-Cooperative Training (DCT) Service Center ; Econoxlaos; Elephant Conservation Center; Epurtek; Friends International (Peuan Mit); Thavixok Rattan House LTD; GAEBI; Gaia-Vita Bio Fertilizers; Green Discovery Laos; Greener Laos; Kinnari Tea; KV Solar Shop; Lao Disabled Women's Development Centre; Lao Natural; Skills for Tourism; Les Artisans Lao; LP Green Organic; Ma Te Sai; Mai Savanh Lao Co. Ltd; MEG (Quality Product Supply); Mulberries; Nakai Nam Theun National Park; WCS / Nam Et-Phou Louey National Park; Namkat Yorlapa; Namkhan Project; Na Xao Botanicals; Ock Pop Tok; Panyanivej Organic Farm; Pankham Jampa Holdings; RefillMyBottle; Sabaidee Investment Trading Export-Import Co., Ltd; Saffron Coffee Company; Saoban Handcrafts; Saigon Water and Enviroment Co., Ltd. (SAWAEN); Saya Brand; Shopping-D; Slow Forest Coffee; SME Service Center; Soap4Life Foundation; TerraClear; Thaan Fun Organic Farm; Tricontinental Trading Co., Ltd; Urban Service Office ; Waste Pro Collection; The Weaving Sisters; ແລະ Xao Ban Group.

ຜູ້ເຂົ້າຊົມບໍ່ພຽງແຕ່ຈະພົບກັບບັນດາບູທດ້ານທຸລະກິດ ແລະ ການລິເລີ່ມຕ່າງໆທີ່ຢູ່ໃນພາກສ່ວນການທ່ອງທ່ຽວ ແຕ່ພວກເຂົາຍັງໄດ້ຮຽນຮູ້ຈາກການສາທິດຕ່າງໆກ່ຽວກັບຜະລິດຕະພັນ, ແລະ ເຂົ້າຮ່ວມການປະຊຸມຕ່າງໆໃນຫົວຂໍ້ທີ່ຫຼາກຫຼາຍ, ນຳພາໂດຍຜູ້ຊ່ຽວຊານດ້ານການທ່ອງທ່ຽວທັງພາຍໃນ ແລະ ຕ່າງປະເທດ. ຈາກວິທີການປະສົມປະສານຄວາມຍືນຍົງໃນທຸລະກິດຂອງທ່ານຢ່າງມີປະສິດທິຜົນໃນການຊອກຫາແລະຮັກສາພະນັກງານທີ່ດີ, ບົດສະຫຼຸບເຫຼົ່ານີ້ສາມາດປ່ຽນແປງວິທີທີ່ທ່ານເຂົ້າຫາຄວາມຍືນຍົງພາຍໃນທຸລະກິດຂອງທ່ານ.

ຈັດຂຶ້ນໃນວັນທີ:27 – 28 ກັນຍາ 2019 (10 ໂມງເຊົ້າ – 5 ໂມງແລງ)

ສະຖານທີ່:ໂຮງແຮມ ຄລາວພລາຊ່າ, ນະຄອນຫຼວງວຽງຈັນ

ເຂົ້າຮ່ວມງານ:ຟຣີ ແລະ ທຸກຄົນສາມາດເຂົ້າຮ່ວມໄດ້

ລົງທະບຽນລ່ວງໜ້າເພື່ອຮັບຂໍ້ມູນຂ່າວສານກ່ຽວກັບງານໄດ້ທີ່ນີ້ິ: tinyurl.com/STSE19 

ລາຍລະອຽດຄູ່ຮ່ວມງານປະກອບມີກົມພັດທະນາການທ່ອງທ່ຽວ, ກົມຄຸ້ມຄອງການທ່ອງທ່ຽວ, ພະແນກການຕະຫຼາດການທ່ອງທ່ຽວ - ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ, ກະຊວງຊັບພະຍາກອນທຳມະຊາດແລະສິ່ງແວດລ້ອມ, ສະມາຄົມທຸລະກິດທ່ອງທ່ຽວລາວ (LATA) , ສະມາຄົມໂຮງແຮມແລະຮ້ານອາຫານລາວ (LHRA), ສູນບໍລິການວິສາຫະກິດຂະໜາດນ້ອຍແລະກາງ (SSC) ດຳເນີນງານໂດຍສະພາການຄ້າແລະອຸດສາຫະກຳແຫ່ງຊາດລາວ ແລະ ກົມສົ່ງເສີມວິສາຫະກິດຂະ ໜາດນ້ອຍ ແລະ ກາງ (ກະຊວງອຸດສາຫະກຳ ແລະ ການຄ້າ) ແລະ ການເຊື່ອມໂຍງເສດຖະກິດພາກພື້ນຂອງລາວເຂົ້າໃນອາຊຽນ – ໂຄງການພັດທະນາການຄ້າ ແລະ ການປະກອບທຸລະກິດ (ກ່ຽວຂ້ອງ) ຂອງໂຄງການຮ່ວມມືດ້ານການພັດທະນາລາວ - ເຢຍລະມັນ.