Yula.la ຂ່າວ

ມີຫຼາຍຄົນທີ່ມີຄວາມຝັນຢາກຈະມີທຸລະກິດເປັນຂອງຕົວເອງ ແຕ່ບາງຄົນອາດມີຕົ້ນທຸນບໍ່ພໍທີ່ຈະເປີດໄດ້ ແລະສົນໃຈຢາກຈະໄປຂໍສິນເຊື່ອຈາດທະນາຄານທີ່ເຊື່ອຖືໄດ້

ທະນາຄານຫຼາຍແຫ່ງມີສິນເຊື່ອທຸລະກິດໃນແບບຕ່າງໆເພື່ອສະໜອງຄວາມຕ້ອງການຂອງຄົນທີ່ຢາກເປີດ ຫຼື ຂະຫຍາຍທຸລະກິດ 

ບົດຄວາມນີ້ເຮົາຈະມາຮູ້ຈັກກັນສິນເຊື່ອສຳລັບທຸລະກິດອີກແບບໜຶ່ງ ເອີ້ນວ່າສິນເຊື່ອເພື່ອທຸລະກິດ SMEs

ສິນເຊື່ອເພື່ອທຸລະກິດ SMEs ແມ່ນຫຍັງ 

ສິນເຊື່ອເພື່ອທຸລະກິດ SMEs ແມ່ນສິນເຊື່ອເພື່ອການສົ່ງເສີມ ວິສາຫະກິດຂະໜາດນ້ອຍ ແລະ ກາງ ຕາມນະໂຍບາຍ ຂອງທະນະຄານທີ່ໄປກູ້ຢືມ, ເປັນສິນເຊື່ອທີ່ນໍາໄປລົງທຶນໃນກິດຈະການສ່ວນຕົວ ແລະ ເປັນການຂໍສິນເຊື່ອເພື່ອເລີ່ມຕົ້ນທຸລະກິດ, ຂະຫຍາຍການລົງທຶນ ຫຼື ເປັນເງິນໜູນວຽນໃນກິດຈະການ ທີ່ສ້າງຕັ້ງຂື້ນ ແລະ ດໍາເນີນກິດຈະການຢ່າງຖືກຕ້ອງຕາມກົດໝາຍໃນປະເທດ.

ສິນເຊື່ອເພື່ອທຸລະກິດ SMEs ຖືກອອກແບບມາໃຫ້ແທດເໝາະໃຫ້ກັບຜູ້ປະກອບການທຸລະກິດນ້ອຍແລະກາງ ໂດຍເບິ່ງວ່າສິນເຊື່ອແບບໃດເໝາະສົມກັບທຸລະກິດນັ້ນ ໂດຍເບິ່ງທີ່ເງື່ອນໄຂຂອງສິນເຊື່ອ ຈຸດປະສົງໃນການໃຊ້ທຸນ ໄລຍະກູ້ຢືມ ດອກເບ້ຍ ແລະ ຫຼັກຊັບຄໍ້າປະກັນ

ປະເພດຂອງສິນເຊື່ອເພື່ອທຸລະກິດ SMEs ກໍ່ມີຫຼາຍປະເພດຄື ເງິນກູ້ເບີກເກີນບັນຊີ, ເງິນກູ້ປົກກະຕິ, ເງິນກູ້ແບບໜູນວຽນ ແລະ ອື່ນໆ.

ເງື່ອນໄຂໃນການໃຫ້ສິນເຊື່ອຂອງທະນາຄານມີຄື:

- ມີປະຫວັດດຳເນີນທຸລະກິດ ມີກຳໄລ 1 ປີຂຶ້ນໄປ

- ວິສາຫະກິດຂະໜາດນ້ອຍ ແລະ ກາງ ທີ່ຢູ່ໃນ 3 ຂະແໜງຄື ຂະແໜງການຜະລິດ ການຄ້າ ແລະ ການບໍລິການ

- ມູນຄ່າຫຼັກຊັບຄ້ຳປະກັນ ອີງຕາມການປະເມີນ 100% ໂດຍສາມາດຄ້ຳປະກັນສູງສຸດເຖິງ 70% ຂອງມູນຄ່າຫຼັກຊັບຄ້ຳປະກັນ

- ມີທຶນປະກອບສ່ວນ 20% ຂຶ້ນໄປ

- ຫຼຸດ 10% ຂອງອັດຕາດອກເບ້ຍສຳລັບລູກຄ້າທົ່ວໄປ

- ຄ່າທຳນຽມອະນຸມັດຫຼຸດຈາກລູກຄ້າທົ່ວໄປເຄິ່ງໜຶ່ງ

- ບໍ່ເກັບຄ່າທຳນຽມປະເມີນຄ່າຫຼັກຊັບຄ້ຳປະກັນ

ທາງທະນາຄານການຄ້າຕ່າງປະເທດລາວເອງກໍ່ມີສິນເຊື່ອເພື່ອທຸລະກິດ SMEs ເພື່ອສະໜອງລູກຄ້າທີ່ຢາກເລີ່ມຕົ້ນ ຫຼື ຂະຫຍາຍທຸລະກິດ ໂດຍໃຫ້ດອກເບ້ຍທີ່ຖືກໃຈ, ໄດ້ເງິນທຶນສູງເຖິງ 70% ຂອງຫຼັກຊັບຄ້ຳປະກັນ ບໍ່ມີຄ່າທຳນຽມປະເມີນຫຼັກຊັບ ພ້ອມມີທີມງານໃຫ້ຄຳປຶກສາດ້ານການເງິນດ້ວຍ ທັ້ງນີ້ກໍ່ເພື່ອເປັນການສະໜັບສະໜຸນແຫຼ່ງທຶນໃຫ້ບັນດາລູກຄ້າທີ່ກຳລັງເຮັດທຸລະກິດນ້ອຍ ແລະ ກາງ

ທ່ານໃດທີ່ສົນໃຈທີ່ຈະຂໍສິນເຊື່ອເພື່ອທຸລະກິດຂອງທ່ານ ຕິດຕໍ່ໄດ້ກັບທາງທະນາຄານ ທຄຕລ ຫຼືສອບຖາມຂໍ້ມູນເພີ່ມເຕີມໄດ້ທີ່ 1555 ຫຼື (+856-21) 213200

ທະນາຄານການຄ້າຕ່າງປະເທດລາວ ມະຫາຊົນ ທັນສະໄໝ ວ່ອງໄວ ໝັ້ນໃຈ