Yula.la ຂ່າວ

ຊອກຫາແຜນປະກັນໄພໃນ ສປປ ລາວ ທີ່ເໝາະສົມກັບທ່ານ

ດ້ວຍນາຍໜ້າປະກັນໄພ

ລອງຈິນຕະນາການວ່າທ່ານກຳລັງຂັບລົດເດີນທາງຂຶ້ນພູໄປທາງພາກເໜືອຂອງລາວ. ໃນລະຫວ່າງການເດີນທາງ, ທ່ານປະສົບກັບສະພາບອາກາດທີ່ບໍ່ດີເຊິ່ງເຕັມໄປດ້ວຍຝົນຕົກໜັກ ແລະ ລົມແຮງທີ່ເປັນສາເຫດເຮັດໃຫ້ຖະໜົນເປັນບວກເປັນຕົມ ແລະ ມີນໍ້າຂັງຢູ່ຕາມທາງ. ເຖິງແມ່ນວ່າທ່ານຈະລະມັດລະວັງທີ່ສຸດແລ້ວກໍຕາມ, ແຕ່ໃນຂະນະທີ່ທ່ານລ້ຽວຢູ່ທາງໂຄ້ງ ລົດຂອງຜູ້ຂັບຂີ່ທີ່ບໍ່ລະມັດລະວັງໄດ້ເຈືອກແລ້ວຕໍາໃສ່ທາງດ້ານໜ້າຂອງລົດທ່ານເຮັດໃຫ້ກະໂປງລົດຂອງທ່ານເປ່ເພເສຍຫາຍ. ມາຮູ້ອີກເທື່ອໜຶ່ງກໍ່ແມ່ນວ່າຜູ້ກ່ຽວຂັບຂີ່ລົດແບບບໍ່ມີປະກັນໄພ, ແລ້ວບາດນີ້ທ່ານຕ້ອງມາຄິດງໍ້ເບິ່ງວ່າແມ່ນໃຜຈະເປັນຜູ້ຮັບຜິດຊອບຈ່າຍຄ່າເສຍຫາຍຕໍ່ລົດຂອງທ່ານ ແລະ ຈະຈ່າຍແນວໃດ - ແລ້ວທ່ານຈະເດີນທາງໄປຮອດຈຸດໝາຍປາຍທາງຕໍ່ໄປຂອງທ່ານໄດ້ແນວໃດ.

ອຸບັດຕິເຫດເກີດຂື້ນທຸກໆມື້ບໍ່ວ່າພວກເຮົາຈະລະມັດລະວັງຫຼາຍປານໃດ. ມື້ໜຶ່ງພວກເຮົາອາດຈະສາມາດດຳລົງຊີວິດຢ່າງສະຫງົບສຸກ, ແລ້ວມື້ຕໍ່ມາພວກເຮົາອາດຈະໄດ້ຮັບອຸປະຕິເຫດ ແລະ ຕ້ອງໄດ້ໄປໂຮງໝໍ ບວກກັບການທີ່ຈະຕ້ອງຮັບຜິດຊອບຄ່າໃຊ້ຈ່າຍ ຫຼື ໄດ້ຮັບຄວາມເສຍຫາຍອື່ນໆ. ເນື່ອງຈາກວ່າຊີວິດເຕັມໄປດ້ວຍຄວາມບໍ່ແນ່ນອນການທີ່ມີແຜນສໍາຮອງຄືການເຮັດປະກັນໄພ ອາດຈະຊ່ວຍຫຼຸດຜ່ອນຄວາມກົດດັນຂອງພວກເຮົາ ແລະ ເຮັດໃຫ້ພວກເຮົາຮູ້ວ່າພວກເຮົາຈະໄດ້ຮັບການເບິ່ງແຍງໃນກໍລະນີທີ່ມີເຫດການທີ່ບໍ່ສະດວກເກີດຂື້ນໄດ້ແນວໃດ

ດັ່ງນັ້ນການປະກັນໄພ ມັນຈະຊ່ວຍໄດ້ແນວໃດ?

ໃນການທີ່ຈະຊອກຫາແຜນນະໂຍບາຍປະກັນໄພທີ່ສາມາດຕອບສະໜອງຄວາມຕ້ອງການຂອງທ່ານໄດ້ນັ້ນ, ຖືເປັນສິ່ງສຳຄັນຫຼາຍທີ່ທ່ານຈະຕ້ອງຄໍານຶງເຖິງ 3 ຫົວຂໍ້ຫຼັກໆຄື:

1. ຄ່າທໍານຽມປະກັນໄພ - ແມ່ນຈໍານວນເງິນທີ່ ກໍານົດໄວ້ເຊິ່ງບຸກຄົນໃດໜຶ່ງຈໍາເປັນຕ້ອງຈ່າຍເປັນແຕ່ລະໄລຍະເພື່ອຄຸ້ມຄອງຄວາມສ່ຽງຂອງພວກເຂົາ.

2. ເພດານຂອງນະໂຍບາຍຄຸ້ມຄອງ - ແມ່ນມູນຄ່າທີ່ກໍານົດໄວ້ ຫຼື ມູນຄ່າສູງສຸດທີ່ບໍລິສັດປະກັນໄພເຕັມໃຈທີ່ຈະຈ່າຍສໍາລັບເຫດສູນເສຍທີ່ໄດ້ຮັບການຄຸ້ມຄອງ. ໃນກໍລະນີສ່ວນໃຫຍ່, ມູນຄ່າສູງສຸດຍິ່ງສູງເທົ່າໃດ ຄ່າທໍານຽມປະກັນໄພຈະຍິ່ງສູງຂື້ນເທົ່ານັ້ນ.

3. ການມີສ່ວນຮ່ວມ - ແມ່ນຈໍານວນເງິນທີ່ກໍານົດໄວ້ເຊິ່ງຜູ້ຊື້ປະກັນໄພຕ້ອງມີສ່ວນຮ່ວມໃນການຈ່າຍກໍລະນີເກີດເຫດ.

ແຕ່ທ່ານຈະຮູ້ໄດ້ແນວໃດວ່າອັນໃດຈະດີທີ່ສຸດສຳລັບທ່ານ? ເພາະມີບັນດາບໍລິສັດປະກັນໄພ ແລະ ນະໂຍບາຍປະກັນໄພຫຼາກຫຼາຍເຕັມໄປໝົດ - ເຮັດໃຫ້ມັນເປັນເລື່ອງຍາກທີ່ຈະເລືອກສິ່ງທີ່ຖືກຕ້ອງເໝາະສໍາລັບທ່ານ. ນັ້ນຈຶ່ງເປັນເຫດຜົນວ່າເປັນຫຍັງຈຶ່ງທີ່ມີນາຍໜ້າປະກັນໄພຜູ້ທີ່ຊ່ຽວຊານດ້ານປະກັນໄພ ແລະ ສາມາດໃຫ້ຄຳແນະນຳແກ່ທ່ານໄດ້.

ນາຍໜ້າປະກັນໄພ ຈະທົບທວນທຸກເງື່ອນໄຂທີ່ເປັນໄປໄດ້ ແລະ ຈະຊ່ວຍເລືອກເອົາແຜນປະກັນໄພທີ່ຕອບສະໜອງຄວາມຕ້ອງການຂອງທ່ານຫຼາຍທີ່ສຸດ. ເປັນຕົ້ນແມ່ນດັ່ງໃນຕົວຢ່າງຂ້າງເທິງຂອງຄົນຂັບລົດທີ່ບໍ່ມີປະກັນໄພ ສາມາດປຶກສາກັບນາຍໜ້າປະກັນໄພກ່ຽວກັບວ່າພວກເຂົາສົ່ງຜະລິດຕະພັນໄປເມືອງຕ່າງໆດ້ວຍລົດຍົນຂອງພວກເຂົາເລື້ອຍປານໃດ. ນາຍໜ້າ ຈະໄດ້ແນະນໍາແກ່ພວກເຂົາກ່ຽວກັບນະໂຍບາຍປະກັນໄພລົດຍົນທີ່ເໝາະສົມກັບຄວາມຕ້ອງການຂອງພວກເຂົາໄດ້.

ເວົ້າງ່າຍໆຄື ນາຍໜ້າປະກັນໄພແມ່ນຈະເປັນຄົນກາງ - ເປັນດັ່ງກັບຂົວຕໍ່ລະຫວ່າງຜູ້ຊື້ປະກັນໄພ ແລະ ບໍລິສັດປະກັນໄພ. ພວກເຂົາຈະບໍ່ຖືກຈຳກັດ ຫຼື ໂນ້ມອຽງໄປໃສ່ບໍລິສັດປະກັນໄພພຽງໃດໜຶ່ງ. ວຽກຂອງນາຍໜ້າ ແມ່ນການຄົ້ນເບິ່ງໃນຕະຫຼາດ ແລະ ເຟັ້ນຫານະໂຍບາຍຄຸ້ມຄອງປະກັນໄພທີ່ສາມາດຕອບສະໜອງຄວາມຕ້ອງການ ໂດຍອີງຕາມເງື່ອນໄຂ ແລະ ສະພາບຊີວິດຂອງທ່ານ.

ຖ້າທ່ານໜັກໃຈ ຫຼື ບໍ່ມີປະສົບການຕໍ່ກັບເງື່ອນໄຂຂອງນະໂຍບາຍຄຸ້ມຄອງປະກັນໄພ, ສິ່ງທີ່ດີທີ່ສຸດທີ່ທ່ານຕ້ອງເຮັດແມ່ນຊອກຫານາຍໜ້າປະກັນໄພຜູ້ທີ່ສາມາດອະທິບາຍໃຫ້ທ່ານເຂົ້າໃຈເຖິງຂັ້ນຕອນ ແລະ ຊ່ວຍທ່ານເລືອກແຜນການຄຸ້ມຄອງໃຫ້ທ່ານ

ສຸດທ້າຍນີ້, ຖືເປັນສິ່ງສໍາຄັນທີ່ຕ້ອງຄໍານຶງວ່ານາຍໜ້າປະກັນໄພແມ່ນບຸກຄົນທີສາມ ເຊິ່ງໝາຍຄວາມວ່າຈະເກີດມີຄ່າທຳນຽມເພີ່ມເຕີມຕໍ່ກັບການໃຫ້ບໍລິການຂອງພວກເຂົາ. ສະນັ້ນການຊອກຫານາຍໜ້າປະກັນໄພທີ່ເໝາະສົມທີ່ບໍ່ພຽງແຕ່ຈະຊ່ວຍໃຫ້ທ່ານເລືອກນະໂຍບາຍປະກັນໄພເທົ່ານັ້ນ, ແຕ່ຍັງສາມາດສະເໜີການບໍລິການຂອງພວກເຂົາໃນລາຄາທີ່ບໍ່ແພງ, ທ່ຽງທຳ ແລະ ທີ່ສໍາຄັນແມ່ນໃຫ້ບໍລິການແບບຮັກສາຂໍ້ມູນຄວາມລັບຂອງລູກຄ້າ.

ໂຊກດີທີ່ໃນປະເທດລາວເຮົາມີບໍລິສັດ KX Broker ທີ່ເປັນບໍລິສັດນາຍໜ້າປະກັນໄພຊັ້ນນຳໃນປະເທດໂດຍບໍ່ໄດ້ມີຄ່າບໍລິການໃດໆ. ດ້ວຍທີມງານທີ່ປຶກສາທີ່ມີຄຸນະພາບຫຼາຍທ່ານ ຜູ້ທີ່ມີຄວາມຮູ້ຄວາມສາມາດກ່ຽວກັບການປະກັນລົດຍົນ, ເຮືອນ, ສຸຂະພາບ ຈຶ່ງຮັບປະກັນໄດ້ເລີຍວ່າທ່ານຈະສາມາດຊອກຫາແຜນປະກັນໄພທີ່ສົມບູນແບບ ກົງກັບຄວາມຕ້ອງການຂອງທ່ານໄດ້. ໃນກໍລະນີເກີດອຸບັດຕິເຫດ.

ປົກປ້ອງຕົນເອງຈາກຄວາມສ່ຽງທີ່ບໍ່ຄາດຄິດ ແລະ ນັດໝາຍເພື່ອຮັບການປຶກສາຫາລືກັບນາຍໜ້າ KX Broker ໄດ້ໃນມື້ນີ້ໄດ້ໂດຍຜ່ານການຕິດຕໍ່ກັບພວກເຮົາໃນທີ່ນີ້.